PAMUNGKAAN 22:11 - BIBEL JAMITA NA DENGGAN

¹¹ Tapi pio-pio ma surusuruan ni Tuhan sian langit tusia, “Jo Abraham, Abraham!” ninna. Dialusi si Abraham ma, “Dison do au Tuhan.”

PAMUNGKAAN 22:11 ပူးပေါင်းရင်းမြစ်များ

PAMUNGKAAN 16:7

Ro ma surusuruan ni Tuhan mandapotkon ia di lambung ni mual ni aek di parhorsihan, di dalan laho tu Parhorsihan Sur.

PAMUNGKAAN 21:17

Dibege Debata ma sora ni tangis ni si Ismael i jana ro ma sora ni surusuruan ni Debata sian langit mandok hata tu si Hagar, ninna ma, “Aha dehe na niarsakkonmu Hagar? Ulang ho mabiar, madung dibege Debata tangis ni anakmi.

PAMUNGKAAN 21:18

Dapotkon ma anakmi, abing jana apoi. Baenonku ma pomparannia gabe sada bangso na godang.”

PAMUNGKAAN 22:1

Dung adong sanga sadia honok diuji Debata ma haburjuon ni roha ni si Abraham; dipio Debata ma si Abraham, “Jo Abraham!” ninna. Jadi dialusi si Abraham ma, “Dison do au Tuhan!” ning ia.

PAMUNGKAAN 22:10

Dung i dibuat ia pisonia laho manyambol anakna i.

PAMUNGKAAN 22:12

“Ulang palalu tanganmu tu dakdanak i sanga dihahua ho ia,” ninna surusuruan i. “Saonnari madung huboto sangapmu dohot pangoloimu tu Debata, angke nada manjua ho pasahat anakmu sisada-sada i tu Debata.”

PAMUNGKAAN 22:16

“Husumpahon mangasahon goarKu sandiri – paboa na angkon pasupasuonKu ma ho marlompit ganda. Dibaen madung dipatulus ho pangalaho on jana nada dijua ho laho pasahatkon anakmu na sasada i tu Au.

PAMUNGKAAN 24:7

Na dung disumpahon Tuhan do tu au, i ma Debata na mangarajai langit, na maroban au sian bagas ni damang dohot sian luat ni koum sisolkotku na giot lehenonNia do luat on tu pomparanku. Laing suruonNia muse ma surusuruanNia mardalan di jolomu anso laing dapot ho boru sian adu di anakki.

PAMUNGKAAN 31:11

Jana mangkobari do Debata songon rupa ni surusuruan tu au di bagasan nipi i didok, ‘Jakob!’ ninna. Gabe hualusi ma, ‘Olo da’.

PAMUNGKAAN 37:13

didok si Jakob ma tu si Josep, “Na giot suruonku do ho tu Sikem, tu inganan ni angka angkangmi marmahani angka hambeng biri-birinta i.” “Denggan amang,” ning si Josep mangalusi.

PAMUNGKAAN 46:2

Mandok hata do Debata tusia di bagasan parnidaan di sada borngin jana pio-pio ma tusia, “Jakob, Jakob!” ninna. “Olo Tuhan,” ning ia mangalusi.

PAMUNGKAAN 48:16

Ia do Surusuruan na paluahon au sian sandok parmaraan. Sai Debata i ma na mamasumasu dakdanak on. Sai hot ma mangolu goarku dohot goar ni si Abraham dohot si Ishak hara ni angka dakdanak on! Sai gabe ma hamu jana mur martamba bahat pomparanmu!”

HARURUAR 3:2

Ro ma surusuruan ni Tuhan tusia di bagasan jilam ni api na ruar sian ramba i. Diida si Musa do ramba i marjilam, hape nada mosok.

HARURUAR 3:4

Dung diida Tuhan si Musa donok tu inganan i, pio-pio ma Tuhan sian tonga-tonga ni ramba i, “Musa! Musa!” “Olo dison do au,” ning si Musa mangalusi.

JESAYA 6:8

Hubege muse ma Tuhan mandok hata, “Ise do sisuruonKu? Ise do na gabe sioban barita sian hita?” Jadi ningku ma, “Dison do au suru ma au!”

BAENON NI ANGKA RASUL 26:14

Gabe martungkapan ma hami sude tu tano i. Dung i hubege ma sada sora di hata Ibrani na mandok tu au, ‘Saulus, Saulus! Biasi dope sai diparkanciti ho Au? Hancit ma hilalaonmu, muda sai dialo ho, pamimpin na gabe tuanmu.’

BAENON NI ANGKA RASUL 9:4

Gabe tungkap ma ia tu tano i jana dibege ia ma sada sora na mandok tusia, “Saulus, Saulus! Biasi diparkanciti ho Au?”

HAKIM-HAKIM 2:1

Kehe ma Surusuruan Ni Tuhan sian Gilgal tu Bokim jana didok ma tu angka halak Israel, “Madung Huparuar hamu sian Mesir jana Huoban hamu tu tano na dung Hujanjihon tu ompungmunu. Madung Hudok muse, ‘Nada gotapkononKu pudun-pudun ni janji antara Au dohot hamu.

1 SAMUEL 3:10

Dung i ro ma Tuhan jana jongjong di inganan i mamiohon mangulahi, “Samuel, Samuel!” Jana dialusi si Samuel ma, “Mangkuling ma Ho ale Tuhan, manangi-nangi do naposoMon.”

1 SAMUEL 3:4

dipio Tuhan ma si Samuel gabe dialusi si Samuel ma, “Olo, amang!”