PAMUNGKAAN 21:8 - BIBEL JAMITA NA DENGGAN

⁸ Simbur magodang ma dakdanak i, jana di ari pangantakna manyusu dipatupa si Abraham ma horja siriaon.

PAMUNGKAAN 21:8 ပူးပေါင်းရင်းမြစ်များ

PAMUNGKAAN 19:3

Sai disosoi si Lot ma halahi, ujungna kehe ma halahi rap dohot ia tu bagasnia. Disuru si Lot ma angka pangoloinia manutungi roti intap ni na tuk jana diparade ia sipanganon na tabo di angka tamu i. Dung singkop sude mangan ma halahi.

PAMUNGKAAN 21:7

Dung i laing didok ia dope, “Ise ma he mandok tu halaklahingku na salpu on, na giot pasusuhon anak si Sara? Hape angkon laing sorang dope anak sian au haru pe ma matobang situtu halaklahingku.”

PAMUNGKAAN 21:9

Sanoli, marmayam-mayam ma si Ismael anak ni si Hagar boru Mesir i dohot si Ishak tubu ni si Sara i.

PAMUNGKAAN 26:30

Dung i dibaen si Ishak ma pesta manjamu halahi, jadi mangan minum ma halahi.

PAMUNGKAAN 29:22

Jadi dibaen si Laban ma pesta pabagaskon borunia i jana diontang ia ma sude koum sisolkotnia.

PAMUNGKAAN 40:20

Jadi di na marulang tahun raja i, i ma tolu ari dung i, mambaen pesta godang ma raja i di sude pagawenia; diparuar ia ma pangurus ni siinumon dohot pangurus ni rotinia i sian hurungan jana dioban ia halahi tu jolo ni sude pagawenia i.

2 SAMUEL 3:20

Di na mangadop i si Abner dohot dua pulu halak parangannia tu si Daud di Hebron, dibaen si Daud ma pesta di halahi.

1 RAJA-RAJA 3:15

Dung ngot, diboto si Salomo ma, hape Debata do na mangkatai dohot ia di bagasan nipi. Dung i kehe ma ia tu Jerusalem jongjong di jolo ni Poti Parjanjian ni Tuhan laho manghaulkon haul situtungon dohot haul haluaan. Dung salpu i dibaen ia ma pesta di sude pagawenia i.

ESTER 1:3

Di taon patoluhon mamarenta Raja Ahasweros, dibaen ma horja godang di sude na marpangkat dohot pagawenia. Ro do tu horja i tentara ni Persia dohot tentara ni Media, songon i muse angka gubernur maradu na mora-mora na sian propinsi.

MASMUR 131:2

Ma puas do rohangku jana sonang, songon dakdanak na puas manyusu, sonang tarpodom di ampuan ni inana, songon i ma sonang ni rohangku.

HOSEA 1:8

Dung sirang managuk dakdanak na paduahon i, denggan muse ma pamatang ni si Gomer jana sorang ma sada anak halaklahi.

HAKIM-HAKIM 14:10

Dung disapai amangnia i boru i, mambaen pesta ma si Simson disi songon na somal di angka naposo bulung.

HAKIM-HAKIM 14:12

Dung i didok si Simson ma tu halahi, “Adong huling-hulinganku. Muda taralusi hamu, hulehen pe di hamu sada be abit linen na halus dohot sasitel be pakean na jeges. Hulehen tingkina di hamu pitu ari salolot pesta parbagason on, laho mangalusi.

1 SAMUEL 1:22

Tapi anggo sanoli on nada dohot si Hanna. Didok ia tu halaklahinia i, “Disi mantak managuk si Samuel taruhononku ma tu Bagas Ni Tuhan, jana disi ma ia maringanan salolot mangolu.”

1 SAMUEL 1:24

Dung mantak managuk si Samuel, ditaruhon inangnia ma ia tu Bagas Ni Tuhan di Silo, haru pe laing menek sajo dope ia. Dioban si Hanna muse ma sada lombu jantan na marumur tolu taon, topung sakaleng dohot sada kantongan na gok marisi anggur.

1 SAMUEL 25:36

Dung mulak si Abigail mandapotkon si Nabal, hapengani masa do pesta godang di bagasnia i songon horja ni raja. Jadi dibaen na mabuk jana marmoga-moga do si Nabal, nada dipaboa dadaborunia i tusia sanga na aha lopus tu ancogotna i.