PAMUNGKAAN 21:4 - BIBEL JAMITA NA DENGGAN

⁴ Jana di na marumur salapan ari si Ishak, disunat si Abraham ma ia hombar tu parenta na nidok ni Debata.

PAMUNGKAAN 21:4 ပူးပေါင်းရင်းမြစ်များ

HARURUAR 12:48

Halak na so disunat nada tola dohot mangankon panganon pesta i. Betak adong sian halak na leban na dung hot rap dohot hamu na malungun dohot mamestahon Paskah i laho pasangap Debata, angkon jolo sunatonmunu do angka halaklahi na adong di bagasnia i. Dung i angkon etongonmunu do halahi songon halak Israel asli jana tola ma ia dohot mamestahon Paskah i.

HAMALIMON 12:3

Di ari pasalapankon angkon sunaton ma dakdanak i.

LUKAS 1:59

Dung marumur dakdanak i salapan ari ro ma halahi laho pasunatkonsa. Ninna roha ni halahi si Zakaria ma baenon goar ni dakdanak i, mangihutkon goar ni amangna,

LUKAS 1:6

Jop do roha ni Debata marnida ngolu ni halahi na saripe. Rap sipangoloi do halahi na dua di parenta dohot paraturan ni Tuhan.

LUKAS 2:21

Dung marumur salapan ari, angkon nisunat ma Dakdanak i. Dibaen halahi ma goarNia Jesus, i ma goar na nilehen ni surusuruan tuSia dompak so di kandungan dope Ia.

BAENON NI ANGKA RASUL 7:8

Dung didok Debata songon i, dipudun Debata ma janji i markite-hite sunat. Jadi hara ni i, dung sorang si Ishak anak ni si Abraham disunat ma ia dung marumur salapan ari. Si Ishak pe disunat ia ma anaknia, i ma si Jakob. Si Jakob pe disunat ia muse ma dakdanaknia na dua bolas i, i ma na gabe ompu parsadaan ni halak Israel.

PANGARATAION 12:32

Sai patulus hamu ma sandok na dung huparentahon tu hamu; ulang tambai sanga urahi hamu saotik pe.