PAMUNGKAAN 21:31 - BIBEL JAMITA NA DENGGAN

³¹ Songon i ma umbaen digoari inganan i Berseba, harana disi ma halahi na dua mambaen sumpa.

PAMUNGKAAN 21:31 ပူးပေါင်းရင်းမြစ်များ

PAMUNGKAAN 21:14

Manyogotna i dipasahat si Abraham ma tu si Hagar saotik sipanganon dohot aek di bagasan kantongan kulit anso adong bohal di dalan. Dipaompahon ia ma dakdanak i tu tanggurung ni si Hagar jana disuru ia ma kehe anakboru i. Jadi kehe ma si Hagar jana madangadang ma ia di padang parhorsihan Berseba.

PAMUNGKAAN 21:32

Dung dibaen halahi parjanjian i di Berseba, mulak ma si Abimelek dohot si Pikol tu luat ni halak Pilistin.

PAMUNGKAAN 26:23

Jadi kehe ma si Ishak jana lalu ma ia tu Berseba.

PAMUNGKAAN 26:31

Ancogotna i di hananaek ni mataniari marsidokkon janjina be ma halahi mardongan sumpa. Dung i marsirang ma halahi dung marsijalangan songon na marale-ale.

PAMUNGKAAN 26:33

Jadi digoari si Ishak ma sumur i “Sumpa”. I ma mulana umbaen na nigoaran kota i, Berseba.

PAMUNGKAAN 46:1

Dihobasi si Jakob ma sude sinadongannia lalu kehe ma ia tu Berseba laho pasahatkon haul tu Debata na nisomba ni si Ishak amangnia i.

2 SAMUEL 17:11

Jadi anggo au mandok songon on do: Palagut ma sude halak Israel sian Dan lalu tu Berseba, lopus songon horsik na di topi ni laut bahatna. Jadi daulat i sandiri ma mamimpin halahi marporang.

2 SAMUEL 24:7

Dung i kehe ma halahi tu Selatan, tu Tirus kota na marbenteng i. Torus ma halahi kehe tu sude kota ni halak Hewi dohot halak Kanaan, jana ujungna tu Berseba, na di bagian Selatan ni Juda.

1 RAJA-RAJA 19:3

Gabe mabiar ma si Elia, jadi maporus ma ia anso ulang hona bunu. Kehe ma ia tu Berseba di Juda rap dohot naposonia i. Disi ma ditadingkon ia naposonia i,

1 RAJA-RAJA 4:25

Salolot di ngolu ni si Salomo, sonang jana dame do halak di tano Juda dohot Israel, ganop ripe adong be kobun anggurna dohot kobun hayu arana.

NEHEMIA 11:27

Di Hasar-Sual, di Ber-Seba dohot di pagaran na masuk tusi.

AMOS 5:5

Ulang hamu kehe tu Berseba laho marsomba. Ulang jalahi hamu Au di Betel, angke na laho mago do Betel. Ulang kehe muse hamu tu Gilgal, angke na giot obanon do halak kota i tu habuangan.”

HAKIM-HAKIM 20:1

Jadi marroan ma sude halak Israel sian Dan di Utara lopus tu Berseba di Selatan, dohot sian Gilead di Habincaran laho mangoloi pio-pio i. Marlagut ma halahi jana marsada di Mispa di adopan ni Tuhan.