PAMUNGKAAN 21:22 - BIBEL JAMITA NA DENGGAN

²² Di hatiha i ro ma Raja Abimelek dohot si Pikol panglima ni tentarania tu si Abraham, didok halahi ma, “Sai didongani Debata do ho di sude na nikarejohonmu.

PAMUNGKAAN 21:22 ပူးပေါင်းရင်းမြစ်များ

PAMUNGKAAN 20:14

Dung i dipaulak si Abimelek ma si Sara tu si Abraham, jana dipasahat ia dope disia angka hatoban, biri-biri dohot lombu.

PAMUNGKAAN 20:17

Gabe so maruntungan sude dadaboru na di bagas godang ni si Abimelek i dibaen Debata hara ni na masa tu si Sara, ripe ni si Abraham i. Jadi ditangiangkon si Abraham ma si Abimelek tu Debata, jana dipamalum Debata ma si Abimelek, dongan saripe dohot angka hatobanna dadaboru, gabe mulak ma margogo halahi laho mardakdanak.

PAMUNGKAAN 20:2

didok ia ma ibotonia si Sara dongan saripenia i. Jadi gabe disuru si Abimelek raja na sian Gerar i ma obanon si Sara tusia.

PAMUNGKAAN 26:26

Sanoli ro ma si Abimelek sian Gerar dohot si Ahusat panuturinia, dohot si Pikol panglima ni tentarania laho mandapotkon si Ishak.

PAMUNGKAAN 26:28

Jadi ninna halahi ma mangalusi, “Saonnari madung hami boto hape na nidonganan ni Tuhan do ho jana didok rohanami, dengganan ma tabaen ihot-ihot ni parjanjian. Sumpahon ma,

PAMUNGKAAN 28:15

Ingot ma! Sai na dongananKu do ho jana ondihononKu sanga na tu dia pe ho kehe, jana obanonKu do ho mangulahi tu luat on. Nada tadingkononKu ho lopus Hupatulus sude sanga aha na Hujanjihon tu ho.”

PAMUNGKAAN 30:27

Didok si Laban ma tusia, “Tangihon ma jolo hatangkon: Madung dipaboa sada halak partondung tu au, na dipasupasu ni Tuhan au hara ni ho.

PAMUNGKAAN 31:5

Jadi didok si Jakob ma tu halahi, “Huida nada songon na salpu-salpu i be rama ni amanta tu au; tapi Debata na nipasomba-somba ni damang i do mandongani au.

2 SAMUEL 24:7

Dung i kehe ma halahi tu Selatan, tu Tirus kota na marbenteng i. Torus ma halahi kehe tu sude kota ni halak Hewi dohot halak Kanaan, jana ujungna tu Berseba, na di bagian Selatan ni Juda.

2 JUJUR TAON 1:1

Madung tohong parjuguk ni si Salomo anak ni Raja Daud i gabe raja di harajaan Israel. Dipasupasu Tuhan Debatania do ia jana dibaen do markuaso situtu ia.

JESAYA 45:14

Ninna Tuhan ma tu Israel: “Buat ma di ho arta ni Mesir dohot Sudan. Angka halak Seba na tongam i gabe hatoban, mardalan di pudimu halahi marrante-rante. Marsomba ma halahi, lalu dokkononna, ‘Debata mandongani ho; hum Ia do tutu Debata!

JESAYA 8:10

Baen ma sangkap, tapi nada marguna sudena i. Roha-rohamu ma mandokkon hata! Nada adong guna ni i sudena, angke Debata do na mandongani hami.

ZAKARIA 8:23

Anggo di angka ari i ro ma sampulu halak sileban tu sada halak Jahudi jana dokkonon ni halahi ma, ‘Por do rohanami maruntung laing songon ho; angke hami bege do, bahaso dipasupasu Debata hamu.’ ” Madung didok Tuhan Na Markuaso i songon i.

MATEUS 1:23

“Denggan ma pamatang ni sada bujing-bujing, sorang ma sian ia sada anak halaklahi. Digoari ma Dakdanak i Immanuel.” (Di hata Ibrani, Immanuel astuanna “Debata do rap dohot hita”.)

SURAT NI SI PAULUS TU PARLAGUTAN ROM 8:31

Aha ma he tardok hita taringot tu sudena i? Muda Debata donganta, ise ma he tarbaen mangalo hita?

1 KORINTUS 14:25

Sanga aha na buni di bagasan rohania, dipatandahon ma i, gabe dipatoruk ia ma dirinia marsomba tu Debata. Okuonnia ma na tutu do Debata di tonga-tongamunu.

IBRANI 13:5

Ulang dirajai hepeng ngolumunu, tapi hasonangkon hamu ma intap ni na adong di hamu. Angke madung didok Debata, “Nada padiaronKu ho jana nada tadingkononKu ho.”

JOSUA 3:7

Didok Tuhan ma tu si Josua, “Mamungka sadari on baenonKu ma ho gabe halak na godang jabat sude halak Israel pasangap ho jana botoon ni halahi ma bahaso na Hudongani do ho songon pandonganingKu di si Musa.

HALUMBAAN 3:9

Ligi ma! Huboan ma tu hamu angka halak sian punguan ni Sibolis, angka na manggoari dirina halak Jahudi, hape nada tutu nian, pargabus do halahi. Baenonku ma halahi marsinggang di jolo ni patmu, jana botoon ni halahi ma na holong do rohangKu mida hamu.

1 SAMUEL 24:22

Saonnari janjihon ma mangasahon Tuhan paboa na so timpaskononmu pomparanku jana nada sesaonmu goar ni pangisi ni bagasku!”

1 SAMUEL 3:19

Mur magodang ma si Samuel. Didongani Tuhan do ia jana dipatulus do tutu tarjadi sude na nidok ni si Samuel.