PAMUNGKAAN 21:17 - BIBEL JAMITA NA DENGGAN

¹⁷ Dibege Debata ma sora ni tangis ni si Ismael i jana ro ma sora ni surusuruan ni Debata sian langit mandok hata tu si Hagar, ninna ma, “Aha dehe na niarsakkonmu Hagar? Ulang ho mabiar, madung dibege Debata tangis ni anakmi.

PAMUNGKAAN 21:17 ပူးပေါင်းရင်းမြစ်များ

PAMUNGKAAN 15:1

Dung i dijagit si Abram ma sada halumbaan, jana dibege ia ma Tuhan mandok tusia, “Ulang ho mabiar Abram, Au do mangondingi ho sian parmaraan, jana lehenonKu ma tu ho upa bahat.”

PAMUNGKAAN 16:11

Tubuhononmu ma sada anak halaklahi jana goaronmu ma ia si Ismael, angke madung ditangihon Tuhan andung-andungmi.

PAMUNGKAAN 16:7

Ro ma surusuruan ni Tuhan mandapotkon ia di lambung ni mual ni aek di parhorsihan, di dalan laho tu Parhorsihan Sur.

PAMUNGKAAN 16:8

Didok surusuruan i ma, “O Hagar, hatoban ni si Sarai, na sian dia do ho ro jana na giot tu dia do ho?” Dialusi si Hagar ma, “Na lari do au sian nampuna au.”

PAMUNGKAAN 16:9

Didok surusuruan i ma, “Mulak ma ho tusia, jana paunduk ma rohamu mangoloi ia.”

PAMUNGKAAN 22:11

Tapi pio-pio ma surusuruan ni Tuhan sian langit tusia, “Jo Abraham, Abraham!” ninna. Dialusi si Abraham ma, “Dison do au Tuhan.”

PAMUNGKAAN 24:7

Na dung disumpahon Tuhan do tu au, i ma Debata na mangarajai langit, na maroban au sian bagas ni damang dohot sian luat ni koum sisolkotku na giot lehenonNia do luat on tu pomparanku. Laing suruonNia muse ma surusuruanNia mardalan di jolomu anso laing dapot ho boru sian adu di anakki.

PAMUNGKAAN 26:24

Jadi borngin i dipataridahon Debata ma diriNa tusia mandok, “Au ma da Debata ni amangmu si Abraham. Ulang ho mabiar. Au do mandongani ho. PasupasuonKu ma ho jana lehenonKu ma tu ho bahat pomparanmu hara ni janjingKu tu naposongKu si Abraham.”

PAMUNGKAAN 46:3

“Au do Debata, Debata na nisomba ni amangmu,” ninna. “Ulang pola mabiar ho kehe tu Mesir. BaenonKu ma gabe bangso na godang pomparanmu disi.

2 RAJA-RAJA 13:23

Tapi nada unjung dihalupahon Tuhan bangsoNia i. Ibo jana denggan do rohaNia tu halahi. Nada dipadiar Ia halahi dipasude tapi ditolong Ia do halahi, hara ni parjanjianNia dohot si Abraham, si Ishak dohot si Jakob.

2 RAJA-RAJA 13:4

Jadi martangiang ma si Joahas tu Tuhan, jana ditangihon Tuhan ma tangiangnia i angke diida ia ma sanga songon dia hacitna pambaenan ni raja Siria i mamisat halak Israel.

MASMUR 10:14

Tapi ale Debata diida Ho do parkancitannami, jana tontu do tolonganMu hami. Halak na so margogo pasahatkon tu Ho dirina sudena, Ho do na mangurupi na so marama so marina.

MASMUR 50:15

Muda ro hasusaan, pio-pio ma ho tu Au paluaonKu ma ho, jana pujionmu ma Au.”

MASMUR 6:8

O, angka na jahat, morot ma hamu madung ditangihon Tuhan tangisku.

MASMUR 65:2

Ho do na manangihon tangiang; ro do sude halak tu Ho hara ni na dung mardosa.

MASMUR 91:15

Muda pio-pio ia tu Au, alusanKu ma ia. Dompak masa hasusaan, urupanKu do ia, paluaonKu jana lehenonKu ma hasangapan disia.

HARURUAR 14:13

Dialusi si Musa ma, “Ulang hamu mabiar! Martahan ma hamu, idaonmunu ma sanga aha sibaenon ni Tuhan laho paluahon hamu sadari on; nada idaonmunu be halak Mesir i.

HARURUAR 22:23

Muda dibaen hamu songon i, Au do Tuhan, Au sandiri ma mangalusi halahi muda pio-pio mangido tolong tu Au.

HARURUAR 22:27

harana hum pakean na sada i noma sialitkononnia anso las pamatangnia. Aha dope he pakeonnia mangulosi pamatangnia modom? Muda pio-pio ia tu Au mangido tolong, alusanKu ma ia hara ni ibo ni rohangKu.

HARURUAR 3:2

Ro ma surusuruan ni Tuhan tusia di bagasan jilam ni api na ruar sian ramba i. Diida si Musa do ramba i marjilam, hape nada mosok.

HARURUAR 3:7

Dung i didok Debata ma, “Madung Huida parkancitan ni bangsongKu di Mesir. Madung Hubege angguk-angguk ni halahi mangido anso dipalua sian angka na mamparkanciti halahi. Olo! Madung Huboto pardangolan ni halahi.

JESAYA 22:1

On ma alatan taringot tu Rura Halumbaan: O hamu na maringanan di Jerusalem, biasi manaek hamu sude tu tarup ni bagas?

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

MATEUS 15:32

Dung i dipiohon Jesus ma angka anak siseanNia i, didok Ia ma tu halahi, “Ibo do rohangKu mida halak na bahat on. Tolu ari ma halahi dison rap dohot Au. Hape so adong be sanga na aha panganon ni halahi. Nada tarpadiar Au halahi mulak anggo so jolo mangan. Gale-gale halahi naron di dalan i hara ni na tangkuraparon.”

MARKUS 5:36

Nada pola ditangihon Jesus na nipardokkonan ni halahi i, didok Ia dope tu si Jairus, “Ulang pola sak rohamu, tapi porsaya sajo ma!”

PANGARATAION 26:7

Dung i pio-pio ma hami mangido tolong tu Tuhan Debata ni ompunta i. Ditangihon Ia do pio-pionta i jana diida Ia do pardangolanta hasusaan dohot sitaononta i.

HAKIM-HAKIM 18:23

marsurak-surak ma si Mika tu halahi. Manaili ma angka Marga Dan i jana disapai halahi ma si Mika, “Aha do? Biasi songon i bahat ni jolma on?”

1 SAMUEL 11:5

Na baru mulak sian ladangna dope hatiha i si Saul maroban lombuna. Disapai ia muse ma, “Aha na masa? Biasi martangisan halak sude?” Dung i dipaboa ma tusia barita na nioban ni utusan na sian Jabes.