PAMUNGKAAN 21:14 - BIBEL JAMITA NA DENGGAN

¹⁴ Manyogotna i dipasahat si Abraham ma tu si Hagar saotik sipanganon dohot aek di bagasan kantongan kulit anso adong bohal di dalan. Dipaompahon ia ma dakdanak i tu tanggurung ni si Hagar jana disuru ia ma kehe anakboru i. Jadi kehe ma si Hagar jana madangadang ma ia di padang parhorsihan Berseba.

PAMUNGKAAN 21:14 ပူးပေါင်းရင်းမြစ်များ

PAMUNGKAAN 16:7

Ro ma surusuruan ni Tuhan mandapotkon ia di lambung ni mual ni aek di parhorsihan, di dalan laho tu Parhorsihan Sur.

PAMUNGKAAN 19:27

Ancogotna i manyogot, marhobas ma si Abraham laho kehe tu inganan hajongjongannia di jolo ni Tuhan sadari dompak so i.

PAMUNGKAAN 21:13

Laing lehenonKu do hagabean tu anak ni si Hagar i, anso gabe sada bangso halahi. Harana ia pe laing anakmu do.”

PAMUNGKAAN 21:15

Dung abis aek na niobannia i, dipayakkon ia ma dakdanak i tu toru ni sada rompo-rompo,

PAMUNGKAAN 21:31

Songon i ma umbaen digoari inganan i Berseba, harana disi ma halahi na dua mambaen sumpa.

PAMUNGKAAN 21:33

Jadi disuan si Abraham ma sada hayu tamariska jana disomba ia ma Tuhan Debata na manongtong i.

PAMUNGKAAN 22:19

Dung i mulak ma si Abraham mandapotkon hatobannia sidua halak i, torus ma halahi rap kehe tu Berseba, jana laing disi ma si Abraham maringanan.

PAMUNGKAAN 22:3

Manyogotna i dung torang ari, ditahai si Abraham ma soban baen tu haul situtungon i, dibobok ia ma i dibaen ia tu tanggurung ni halodenia. Dioban ia ma si Ishak dohot dua halak hatobannia, jadi kehe ma halahi mandapotkon inganan na nidok ni Debata i tu si Abraham.

PAMUNGKAAN 24:54

Dung i pe anso mangan minum hatoban ni si Abraham dohot angka donganna i, jana disi ma halahi marborngin. Dung tarsunggul halahi manyogotna i didok hatoban i ma, “Loas hamu ma da mulak au tu tuanku.”

PAMUNGKAAN 25:6

dompak di ngolunia bahat do diparleheni ia silehen-lehen tu angka dakdanaknia na nitubuhon ni angka dongan saripenia na asing i. Dung i disuruhon ia ma angka dakdanaknia i marpindaan tu luat Habincaran ni Kanaan, anso dao be sian si Ishak anaknia i.

PAMUNGKAAN 26:31

Ancogotna i di hananaek ni mataniari marsidokkon janjina be ma halahi mardongan sumpa. Dung i marsirang ma halahi dung marsijalangan songon na marale-ale.

PAMUNGKAAN 26:33

Jadi digoari si Ishak ma sumur i “Sumpa”. I ma mulana umbaen na nigoaran kota i, Berseba.

PAMUNGKAAN 28:18

Ancogotna i andostorang dope, ngot ma si Jakob, dibuat ia ma batu na niparbantalnia i, dipajongjong ia ma i gabe batu parningotan. Dung i diduruskon ia ma miak zetun tu ginjang ni batu i laho mambaensa gabe hapunjungan ni Debata.

PAMUNGKAAN 37:15

Kehe ma ia mardalan di padang-padang i. Adong ma sada bayo marnida ia, disapai ma tusia, “Aha dehe na nijalahanmu?” ning bayo i.

PAMUNGKAAN 46:1

Dihobasi si Jakob ma sude sinadongannia lalu kehe ma ia tu Berseba laho pasahatkon haul tu Debata na nisomba ni si Ishak amangnia i.

1 RAJA-RAJA 19:3

Gabe mabiar ma si Elia, jadi maporus ma ia anso ulang hona bunu. Kehe ma ia tu Berseba di Juda rap dohot naposonia i. Disi ma ditadingkon ia naposonia i,

2 JUJUR TAON 29:20

Nada pola marlolot-lolot dipainte Raja Hiskia, dipalagut ia ma angka hatobangon ni masarakat, lalu kehe ma halahi tu Bagas Ni Debata i.

MASMUR 107:4

Adong ma i na marpinda-pinda di padang na bidang, na so dapot dalan mulak tu inganan di kota.

MASMUR 119:60

Huompoti nada pola hupalalap laho mandalankon parentaMu.

PODA 27:14

Sanga ise di sogot ni ari na manabi donganna marsora na gogo, etongon do i na mandok hata bura dohot hamamago.

PODA 27:8

Halak na manadingkon bagasna, tudos tu unggas na maninggalkon asarna.

PARJAMITA 9:10

Karejohon ma sude karejomu sagogomu. Angke nada adong be naron sipikiran dohot karejo. Nada adong ilmu sanga bisuk anggo di inganan ni na mate. Jana marayak tusi do ho kehe.

JESAYA 16:8

Anggo angka ladang na di lambung ni Hesbon dohot angka kobun anggur na di Sibma ma pola dironcohon, angka kobun na somal pambuatan ni anggur na dumenggan baen di angka parkuaso ni bangso i jana na mambaen mabuk halahi. Lalu hian do najolo bidang ni kobun anggur i lopus tu kota Jaeser; jana tu Habincaran lalu tu parhorsihan, jana di Hasundutan lopus tu ipar ni Laut Mate.

JOHANNES 8:35

Muda adong sada hatoban di bagas, nada tongtong ia tinggal di bagas i, tapi anggo anak tongtong do tinggal di bagas i.

JOSUA 3:1

Ancogotna i, sogot sajo dope ngot ma si Josua dohot sude rayat ni Israel, ditadingkon halahi ma parbandaran ni halahi di Sitim, jana kehe ma halahi tu Batang aek Jordan. Disi ma halahi marbandar lalu painte-intehon hatihana laho manyiborang.

1 SAMUEL 15:12

Ancogotna i, manyogot dope, kehe ma si Samuel anso marsuo nian dohot si Saul. Dipaboa ma tusia bahaso na dung kehe si Saul tu kota Karmel jana dipajongjong ia disi sada batu parningotan disia, sian i torus ia tu Gilgal.