PAMUNGKAAN 20:9 - BIBEL JAMITA NA DENGGAN

⁹ Dung i dipiohon si Abimelek ma si Abraham laho manyapai. Ning ia ma, “Na mambaen bia dehe ho tu hami? Aha lakna salangku tu ho, umbaen na ro siluluton on tu au dohot tu harajaanku hara ni ho? Nada di dalanna baenonmu tu au songon i.

PAMUNGKAAN 20:9 ပူးပေါင်းရင်းမြစ်များ

PAMUNGKAAN 12:18

Jadi dipiohon raja i ma si Abram jana didok ma tusia, “Na mambaen bia dehe ho tu au? Biasi nada dipaboa ho na dongan saripemu ia?

PAMUNGKAAN 20:10

Biasi pola baenonmu songon i?”

PAMUNGKAAN 20:8

Ancogotna i manyogot, dipiohon si Abimelek ma sude pagawenia na di bagas godang i jana dicaritohon ia ma tu halahi, sanga aha na masa i; jadi gabe mabiar situtu ma halahi.

PAMUNGKAAN 26:10

“Na mambaen bia dehe ho tu hami?” ning si Abimelek. “Adong do da sada halak sian rayatkon na tarbaen modom dohot dongan saripemi. Jadi ampot sai tarjadi na songon i, ho ma da na martanggung jawab di hasalaannami i,” ning si Abimelek.

PAMUNGKAAN 29:25

Dung ancogotna i pe anso diboto si Jakob, hapengani si Lea do na niparsaripenia i. Jadi kehe ma si Jakob tu si Laban mandok, “Biasi ma he songon i baenonmu tu au? Nada he anso si Rahel do di au umbaen na karejo au? Biasi dipaoto-oto ho au?”

PAMUNGKAAN 34:7

Di na mangkobari i halahi, lalu ma angka dakdanak ni si Jakob sian parmahanan. Disi dibege halahi na masa i, tarsonggot ma halahi jana muruk sajo. Harana gabe marlayas ma sude angka halak Israel hara ni parbuatan na so ture tu boru ni si Jakob i.

PAMUNGKAAN 38:24

Dung adong hira-hira tolu bulan, dipaboa halak ma barita on tu si Juda, “Ma gabe boru jalang parumaenmu, jana ma denggan pamatangna.” Jadi diparentahon si Juda ma, “Oban ma ibana tuson jana tutung lopus mate!”

PAMUNGKAAN 39:9

Sarupa do nian kuasongku di bagas on dohot kuasonia. Nanggo adong be na asing na so nipasahatnia tu au asing sian nyonya i sandiri. Bia ma baenonku mambaen parbuatan na songon i jorngangna boti mardosa iba tu Debata?”

2 SAMUEL 12:5

Umbege i, gabe muruk ma si Daud tu na kayo i jana didok ia ma:

2 SAMUEL 13:12

“Ulang,” ning anak boru i. “Ulang au paksa mambaen karejo na songon i hodarna! Nada adong jungada masa na songon i di Israel.

HARURUAR 32:21

Didok ia ma tu si Harun, “Aha do dibaen bangso on tu ho, umbaen na gabe diparo ho dosa na songon i godang tu halahi?”

HARURUAR 32:35

Songon i ma dipamasa Tuhan nyae tu halahi patunda ni na nipaksa ni halahi si Harun mambaen anak ni lombu sian sere.

PODA 28:10

Sanga ise na mangirangi halak na burju anso marjahat, ia sandiri pe madabu do tu jorat.

HAMALIMON 20:10

Muda markarosuan halak Israel dohot dadaboru ni donganna sabangso, halahi na dua, halaklahi dohot dadaboru i angkon rap mate uhumon.

SURAT NI SI PAULUS TU PARLAGUTAN ROM 2:11

Harana, nada siida bohi Debata.

TITUS 1:11

Angkon dijait do giotna pamangan ni jolma sisongon i, harana madung bahat angka bagas ni halak na gabe gaor sudena hara ni angka pangajaran na so patut na nibaen ni halahi. Na manjalahi untung na so patut do antong halahi di karejona i!

IBRANI 13:4

Dipatuduhon ganop halak ma sangap di parsaripeonna, hara ni i angkon burju do na mardongan saripe tu donganna saripe i. Halak na markamainan dohot na mambaen na so ture adilan ni Debata do i.

JOSUA 7:25

Dung i didok si Josua ma tu si Akan, “Biasi dialapi ho hasusaan tu hita? Saonnari paroon ni Tuhan ma hasusaan tu ho.” Jadi sude ma halak Israel mandangguri si Akan dohot batu lopus mate. Dongan sabagasnia pe dohot sude arta sinadongannia didangguri ma dohot batu jana abis ditutung.