PAMUNGKAAN 20:7 - BIBEL JAMITA NA DENGGAN

⁷ Tapi saonnari, paulak ma anakboru i tu halaklahina. Panurirang do halaklahinia i, jana tangiangkononnia do ho anso ulang mate. Tapi muda nada dipaulak ho, ingot ma, mate ma ho dohot sude rayatmi!”

PAMUNGKAAN 20:7 ပူးပေါင်းရင်းမြစ်များ

PAMUNGKAAN 12:15

Adong ma piga-piga halak pagawe ni bagas godang na midaan ia jana dipaboa halahi ma tu raja sanga songon dia hajegeson ni dadaboru i; jadi gabe dioban ma ia tu bagas godang ni raja i.

PAMUNGKAAN 12:17

Tapi patunda ni na nibuat ni raja i si Sarai, diparo Tuhan ma angka nyae na jorbut tu raja i dohot tu halak na adong di bagas godang i.

PAMUNGKAAN 2:17

asing sian hayu na mangalehen parbinotoan taringot tu na denggan dohot na jahat. Nada tola panganonmu batuna i; muda dipangan ho i, mate ma ho laing di na sadari i.”

PAMUNGKAAN 20:3

Di sada borngin dipatidahon Debata ma diriNia tu raja i di bagasan nipi jana didok ma, “Mate noma ho, angke dibuat ho do antong dadaboru i na dung adong halaklahina.”

PAMUNGKAAN 20:8

Ancogotna i manyogot, dipiohon si Abimelek ma sude pagawenia na di bagas godang i jana dicaritohon ia ma tu halahi, sanga aha na masa i; jadi gabe mabiar situtu ma halahi.

2 SAMUEL 24:17

Diida si Daud ma surusuruan i, lalu didok ia ma tu Tuhan, “Au do na mardosa jana au muse do na mambaen hasalaan on. Hapengani aha ma he hasalaan ni bangso na marhancit on? Au ma uhumi dohot hami sabagas!”

1 RAJA-RAJA 13:6

Dung i didok Raja Jerobeam ma tu panurirang i: “Tolong ma jolo jana martangiang ho tu Tuhan Debatamu hara ni au. Pangidohon ma anso dipamalum Ia tangankon!” Jadi martangiang ma panurirang i tu Tuhan, gabe malum ma tangan ni raja i.

2 RAJA-RAJA 5:11

Umbege i, kehe ma si Naaman hara ni muruknia. Didok ia ma, “Ninna roha ruar ma ia sandiri mandapotkon au, manigor martangiang tu Tuhan, Debatania i dohot mangapuskon tangannia di pamatangniba na marnyae on anso malum.

1 JUJUR TAON 16:22

“Ulang hahua umatKu na Hutodo i, ulang antul hamu angka panurirangKi.”

2 JUJUR TAON 30:18

Tamba ni i, bahat do halak Efraim, Manase, Isakar dohot Zebulon na ro so jolo mangias dirina. Jadi nada digohi halahi dope angka aturanna, hape dohot halahi mamestahon Paskah i. Jadi gabe ditangiangKon Raja Hiskia ma halahi, ning ia ma,

JOB 34:19

Nada Ia teleng tu angka raja, sanga patujolohon na mora sian angka na susa. Harana rap na nitompaNia do halahi sudena.

JOB 42:8

Antong anggo songon i, saonnari buat ma pitu lombu jantan dohot pitu biri-biri jantan lalu kehe ma hamu mandapotkon si Job. Dung i haulkon hamu ma i sudena gabe haul situtungon hara ni hamu sandiri. Tangiangkonon ni si Job ma salaho tu hamu jana jagitonKu ma tangiangnia i. Nada pola pailaonKu hamu haru pe nian na patut hamu manjagit uhuman. Nada didok hamu na satutuna salaho tu Au, hape anggo si Job didokkon ia do.”

MASMUR 25:14

Ale-ale ni Tuhan do halak na mabiar tuSia jana dipaboa Ia do janjiNa tu halahi.

HARURUAR 18:17

Jadi didok si Jetro ma, “Nanggo denggan songon na binaenmi.

HARURUAR 4:16

Angkon songon gonti ni goarmu do ia mandok hata tu rayat i. Ia ma na palalu hatamu, jana ho ma gabe songon Debata laho mandokkon sanga aha na giot dohononna.

HARURUAR 7:1

Didokkon Debata ma tu si Musa, “BaenonKu ma ho songon Debata di jolo ni raja i, jana angkangmu si Harun songon panurirangmu mandok hata tusia.

JEREMIA 14:11

Didok Tuhan ma tu au, “Ulang pangido Au mangurupi angka jolma i.

JEREMIA 15:1

Didok Tuhan ma tu au, “Indada ra Au maribo ni roha mida bangso on, haru pe jongjong dison si Musa dohot si Samuel mangido ibo ni roha sian Au tu halahi. Suru ma kehe bangso on; nada jop rohangKu paida-ida halahi.

JEREMIA 27:18

Anggo na tutu do halahi panurirang, jana na dung manjagit tona sian Au, angkon pangidoon ni halahi saonnari tu Au, Tuhan Na Markuaso, anso ulang dioban tu Babel angka barang-barang na adong dope di BagasKu dohot di bagas godang na di Jerusalem.

JEHESKIEL 3:18

Muda Hupaboa tu ho, na giot mate sada halak parjahat, hape nada dipaingot ho ia anso dipauba ia pangalahona anso mangolu ia nian, mate ma ia tutu songon sada halak pardosa, tapi patunda ni hamamatenia i, sian ho do i tungguon.

JEHESKIEL 33:8

Muda Hupabotohon tu ho, na giot mate sada halak parjahat, hape nada dipaingot ho ia anso dipauba ia pangalahonia i anso malua ia nian, jadi mate ma ia songon sada halak pardosa. Tapi tuntutonKu do tu ho tanggung jawab salaho tu hamamatenia.

HAMALIMON 6:4

Angkon gararonnia do mulak sanga aha na dapotnia sian dalan na so tigor. Muda tardapot sahalak marsala hatiha dibaen ia hasalaan i, angkon gok do gararonnia tu nampuna i ditamba muse dope duapulu porsen.

HAMALIMON 6:7

Angkon pasahaton ni malim ma i gabe haul hara ni dosa ni halakna i, dung i sesaon ni Tuhan i ma dosana.

BAENON NI ANGKA RASUL 8:24

Dung i didok si Simon ma tu si Petrus dohot si Johannes, “Tolong ma jolo tangiangkon hamu au tu Tuhan anso ulang tulus tarjadi tu au sanga aha na nidokmunu i.”

1 KORINTUS 14:4

Sanga ise na mangkobari di hata na so niastuan, hum dirinia sajo do na nipatogunia, hape anggo halak na manyurirangi, i do na mangurupi parlagutan i anso mur tu majuna.

IBRANI 1:1

Madung jotjot jana marragam dalanna dibaen Debata laho mangkatai tu angka ompunta markite-hite angka panurirang.

IBRANI 13:4

Dipatuduhon ganop halak ma sangap di parsaripeonna, hara ni i angkon burju do na mardongan saripe tu donganna saripe i. Halak na markamainan dohot na mambaen na so ture adilan ni Debata do i.

1 JOHANNES 5:16

Muda adong diida hamu dongan Kristen mambaen dosa na so pola mambaen hamatean, sitangiangkononmunu do i tu Debata; jana lehenon ni Debata ma ngolu di halak na songon i, i ma tu halak na mambaen dosa na so pola mambaen hamatean i. Tapi adong do dosa na mambaen hamatean, jana nada hudok anso tangiangkononmunu dosa na songon i tu Debata.

1 SAMUEL 12:19

Gabe didok halahi ma tu si Samuel, “Tolong ma amang, tangiangkon ma hami on tu Tuhan Debatami, anso ulang mate hami. Saonnari torang ma hami boto, asing sian dosanami, madung mardosa muse hami hape hara ni na mangido sada raja.”

1 SAMUEL 12:23

Anggo salaho tu au, sai ulang nian mardosa au maradopkon Tuhan hara ni na maradian au manangianghon hamu. Tapi sai na pupuonku do torus mangajarkon tu hamu angka pangalaho na denggan dohot na tigor na giot si karejohononmunu.

1 SAMUEL 7:5

Dung salpu i didok si Samuel ma, “Palagut hamu ma sude bangso Israel di Mispa, anso martangiang au tu Tuhan salaho tu hamu.”

1 SAMUEL 7:8

Didok halahi ma tu si Samuel, “Ulang mantak ho na martangiang i tu Tuhan Debatanta anso dipalua Ia hita sian halak Pilistin.”