PAMUNGKAAN 20:6 - BIBEL JAMITA NA DENGGAN

⁶ Jadi dialusi Debata ma di bagasan nipi, “Tutu do i, Huboto do sian roha na ias do dibaen ho songon i; hara ni i ma umbaen na Husundati ho mardosa maradopkon Au, jana nada Hupadiar ho manjama dadaboru i.

PAMUNGKAAN 20:6 ပူးပေါင်းရင်းမြစ်များ

PAMUNGKAAN 26:11

Dung i dipaingot si Abimelek ma sude rayatnia songon on, “Sanga ise mambaen na jahat tu halak on dohot tu dongan sabagasnia, mate uhumon ma halakna i.”

PAMUNGKAAN 3:3

“asing sian hayu na di parsitongaan ni kobun on. Anggo sian hayu i dirarang Debata do panganonnami sanga jamaonnami, muda hami pangan sian i, mate ma hami.”

PAMUNGKAAN 31:24

Borngin-borngin i ro ma Debata tu si Laban di bagasan nipi mandok, “Jago ho! Ulang jabat adong hatamu sanga aha mangancam si Jakob.”

PAMUNGKAAN 31:7

Tapi haru songon i pe laing dipaoto-oto do au jana ma pola sampulu noli dipauba-uba halahi upangku. Tapi nada dipadiar Debata ia torus mambaen na jat tu au.

PAMUNGKAAN 35:5

Di na mardalan si Jakob dohot angka dakdanaknia i, digohi biar ma sude halak kota na humaliang i, gabe nada puluk halahi mangkojar si Jakob.

PAMUNGKAAN 39:9

Sarupa do nian kuasongku di bagas on dohot kuasonia. Nanggo adong be na asing na so nipasahatnia tu au asing sian nyonya i sandiri. Bia ma baenonku mambaen parbuatan na songon i jorngangna boti mardosa iba tu Debata?”

MASMUR 51:4

Maradopkon Ho, maradopkon Ho sajo do au mardosa, jana hukarejohon do angka na jahat dietong Ho. Anso tutu Ho tigor di bagasan angka hataMu, jana monang muda manguhumi Ho.

MASMUR 81:12

Gabe Hupadiar noma halahi papir rohana, jana marsibaen roha-rohana.

MASMUR 84:11

Angke pangondian na gogo do Tuhan Debata, na mangalehen sangap dohot basa-basa di hita. Sai marpupu do dilehen Ia hadenggananNia tu halak na patuluskon hagiotNia.

HARURUAR 34:24

Dung Hupaorot, angke paorotonKu ma angka bangso sian jolomu jana pabidangonKu ma luat ingananmu; jana nada adong umpe sahalak na puluk mambuat luat ingananmu, muda kehe hamu mamestahon Pesta Roti Na So Marragi, Pesta Gotilon dohot Ari Pesta Undung-undung Bulung.

PODA 21:1

Diatur Tuhan do pardalan ni batang aek marguru tu hagiotNa, songon i muse do diatur Ia pikiran ni raja.

PODA 6:29

Sarupo do bahaya ni i dohot na modom rap dohot dadaboru ni halak na asing. Sanga ise na mambaen songon i, nada malua sian uhuman.

HAMALIMON 6:2

Mardosa do sada halak maradopkon Tuhan muda so dipaulak ia barang na nipasimpankon ni donganna halak Israel tusia, sanga muda ditangko ia barang ni halak sanga dikicu ia sanga pe na so ra mangoku na dapotnia barang na mago jana na puluk marsumpa hara ni i. Muda songon i pangalahona, angkon sombahononnia ma haul partobus.

MATEUS 27:19

Taran juguk si Latus di inganan panguhuman i, ditonahon dadaborunia ma tusia, “Indangkon sai antoi parkaro ni bayo na so marsala i. Harana jatjat do nipingku saborngin on hara ni Ia.”

1 KORINTUS 7:1

Saonnari taringotanku ma angka na nipaboamunu di suratmunu i tu au. Muda nada mambuat boru sada halaklahi, denggan do i.

2 KORINTUS 6:17

Hara ni i, morot ma hamu sian angka halak na so mananda Debata i, jana marsirang ma hamu sian halahi. Sandok, ulang ma marpardomuan hamu tu na hodar, dung i jagitonKu ma hamu.

2 TESSALONIKA 2:11

Hara ni i ma umbaen na niparo ni Debata tu halahi sada hagogoon laho paliluhon halahi, lopus porsaya halahi di gabus i.

2 TESSALONIKA 2:7

Madung mamungka markarejo kuaso ni hajahatan na buni i masuk manyisip-nyisipi, tapi laing adong dope pangambati. Jadi muda dung morot pangambati i,

1 SAMUEL 25:26

Madung diantahi Debata palalu hosom tuan i dohot mamunu angka musu ni tuan i. Jana saonnari ale tuan, husumpahon ma mangasahon Tuhan na mangolu i, sai songon bagian ni angka musu ni tuan i ma dohot bagian ni sude na sai giot mangagohon ngolu ni tuan i ma bagian ni si Nabal.

1 SAMUEL 25:34

Madung diantahi Tuhan au mambaen hajahatan maradopkon ho. Mangasahon Tuhan, Debata ni Israel na mangolu i, sugari nada manigor ro ho mandapotkon au, na pasti mate noma sude halak ni si Nabal di habibincar ni mataniari!”