PAMUNGKAAN 20:5 - BIBEL JAMITA NA DENGGAN

⁵ Na nidok ni si Abraham sandiri do ibotonia anakboru i, jana songon i muse do pandok ni anakboru i. Sian ias ni rohangku do hubaen songon i, jana nanggo adong hubaen na sala.”

PAMUNGKAAN 20:5 ပူးပေါင်းရင်းမြစ်များ

PAMUNGKAAN 12:13

Jadi hara ni i dokkon ma tu halahi, ibotongku do ho anso hara ni ho gabe paloason ni halahi au mangolu jana denggan baenon ni halahi tu au.”

PAMUNGKAAN 20:13

Jadi di na nisuru ni Debata au manadingkon bagas ni damang jana kehe tu angka luat na asing hudok ma tu dadaborungki, ‘Angkon patidahononmu do na tutu dihaholongi ho au, dokkon ma tu halak paboa na itomu do au.’ ”

PAMUNGKAAN 20:16

Jadi didok raja i ma tu si Sara, “Lehenonku ma di ho itomi, hepeng perak saribu, songon tanda paboa na tutu na so marsala ho; jana botoon ni sude halak ma i.”

1 RAJA-RAJA 9:4

Muda disomba ho Au mardongan roha na ias songon amamu si Daud jana dioloi ho angka uhum dohot parentangKu,

2 RAJA-RAJA 20:3

“Tuhan, ingot ma na dung huoloi Ho sian burju dohot situtu ni rohangku. Sai hugogo do anso hupatulus hagiotMu.” Lalu mangangguk ma si Hiskia.

1 JUJUR TAON 29:17

Huboto do, na niujimu roha ni ganop halak jana dihalomohon rohamu do halak parroha na ias. Sian sada ni rohangku, di bagasan jop ni roha huhaulkon ma sudena on tu Ho. Madung tangkas huida sanga songon dia bangsoMu na marlagut dison marjop ni roha marsioban haulna be tu Ho.

JOB 33:9

Didok ho, ‘Nada au mangalaosi. Nada adong au targora bope na mambaen sala.

MASMUR 24:4

Halak na ias di roha dohot pambaenan, na so marsumpa na pargabus sanga na manyomba gana-ganaan.

MASMUR 25:21

Sai hadengganan dohot hatigoran ma mangondingi au, angke Ho do pos ni rohangku.

MASMUR 26:6

O Tuhan, hubasu tanganku tanda na so marsala au, jana dohot au mardalan manghaliangi langgatanMu,

MASMUR 7:8

Ho do, Tuhan na manguhumi angka bangso, uhumi ma au mangihutkon hatigoran jana tulus ni rohangku.

MASMUR 7:9

Antak ma hajahatan na sumalin, jana patogu roha ni halak na denggan. Angke Ho do Debata na tigor, didodo Ho do roha dohot pikiran ni jolma.

MASMUR 73:13

Nada adong hape gunana hujago rohangku tongtong pita, nada adong gunana mandao iba sian dosa.

MASMUR 78:72

Bulus do roha ni halahi antong dipimpin ia, marhite tangan na malo halahi, diparmudu-mudu ia.

PODA 11:3

Halak na denggan ditogu hajujuronna; halak na sai margabus, dilantuk gabusna.

PODA 20:7

Maruntung do anak na marama, na jujur boti na patulus hagiot ni Debata.

DANIEL 6:22

Dung i ninna si Daniel ma mangalusi raja i, “Sai ginjang ma umur ni raja i salolot-lolotna!

2 KORINTUS 1:12

Anggo na pagodang rohanami on do: Dipapos taroktoknami do rohanami taringot tu sude na hami karejohon di tano on – lumobi na marpardomuan tu hamu – sian roha na ias jana na polin na sian Debata do hami baen i sudena, nada sian habisuhon ni portibi, tapi sian asi ni roha ni Debata do.

1 TESSALONIKA 2:10

Hamu do saksinami, songon i dohot Debata, na ias, tigor, jana na so martihas do pangalahonami adop hamu na porsaya.

1 TIMOTEUS 1:13

Najolo, madung hupalayas Ia, huparkanciti jana hupabile. Tapi haru songon i pe asi do roha ni Debata mida au, angke nada porsaya dope au hatiha i, gabe nada huboto sanga aha na hubaen i.

JOSUA 22:22

“Debata do Na Sun Markuaso! Ia do Tuhan! Debata do Na Sun Markuaso! Ia do Tuhan! Diboto Ia do sanga hara ni aha umbaen na hami patupa pangalaho on jana giotnami pe ulang so dohot hamu nian umbotosa! Sugari na tutu hami baen pangalaho i mardongan maksud mangalo Tuhan sanga hara ni na so porsaya be hami tuSia, bunu hamu ma hami saonnari!