PAMUNGKAAN 20:4 - BIBEL JAMITA NA DENGGAN

⁴ Tapi nada jabat dope rap modom si Abimelek dohot si Sara, gabe didok raja i ma, “Nada au da Tuhan na sala! AbiskononMu ma he au dohot bangsongku?

PAMUNGKAAN 20:4 ပူးပေါင်းရင်းမြစ်များ

PAMUNGKAAN 19:24

Tompu ma dipaijur Tuhan udan barerang na marapi tu Sodom dohot Gomora

PAMUNGKAAN 20:5

Na nidok ni si Abraham sandiri do ibotonia anakboru i, jana songon i muse do pandok ni anakboru i. Sian ias ni rohangku do hubaen songon i, jana nanggo adong hubaen na sala.”

PAMUNGKAAN 20:6

Jadi dialusi Debata ma di bagasan nipi, “Tutu do i, Huboto do sian roha na ias do dibaen ho songon i; hara ni i ma umbaen na Husundati ho mardosa maradopkon Au, jana nada Hupadiar ho manjama dadaboru i.

2 SAMUEL 4:11

Umboratan dope uhuman na giot dabuhononku tu parjahat na mamunu halak na so marsala na topet modom di bagasna sandiri. Saonnari au manuntut pamaloson sian hamu hara ni pamunuon i, jana agohononku ma hamu sian sisik ni tano on!”

1 JUJUR TAON 21:17

Dung i martangiang ma si Daud, ning ia ma, “O Debata, au do parsala. Au do marsuru anso dibaen sensus i. Aha ma he anggo sala ni bangso na malang bagian on! O Tuhan Debatangku, au ma dohot keluargangku uhumi, tapi padao ma bala on sian bangsoMu.”