PAMUNGKAAN 20:2 - BIBEL JAMITA NA DENGGAN

² didok ia ma ibotonia si Sara dongan saripenia i. Jadi gabe disuru si Abimelek raja na sian Gerar i ma obanon si Sara tusia.

PAMUNGKAAN 20:2 ပူးပေါင်းရင်းမြစ်များ

PAMUNGKAAN 12:15

Adong ma piga-piga halak pagawe ni bagas godang na midaan ia jana dipaboa halahi ma tu raja sanga songon dia hajegeson ni dadaboru i; jadi gabe dioban ma ia tu bagas godang ni raja i.

PAMUNGKAAN 20:12

Tutu do da anggingku anakboru i. Boru ni damang do i, tapi asing inanami, jadi hualap ia di au.

PAMUNGKAAN 21:22

Di hatiha i ro ma Raja Abimelek dohot si Pikol panglima ni tentarania tu si Abraham, didok halahi ma, “Sai didongani Debata do ho di sude na nikarejohonmu.

PAMUNGKAAN 26:1

Masa muse ma mangulahi haleon di luat i songon na masa di hatiha ni si Abraham. Mangadop ma si Ishak tu si Abimelek raja ni halak Pilistin i di Gerar mangidohon anso dipaloas ia maringanan disi.

PAMUNGKAAN 26:16

Dung i didok si Abimelek ma tu si Ishak, “Tadingkon ma da luatnami on. Ma gabe gumogo ho ulang hami.”

PAMUNGKAAN 26:7

Jadi di na nisapaan ni angka halak na disi salaho tu si Ribka, didok si Ishak ma ibotonia do i jana nada dongan saripenia. Biar roha ni si Ishak betak sai bunuon ni halak na disi ia laho mambuat si Ribka na santak jogi i.

2 JUJUR TAON 19:2

ro ma sada halak panurirang na margoar si Jehu anak ni si Hanani mangadop tu raja i. Didok panurirang i ma tusia, “Patut ma he raja i mamihak tu halak na jahat jana mamihak tu halak na manghagigihon Tuhan? Muruk do Tuhan tu raja i patunda ni parbuatan ni raja i.

2 JUJUR TAON 20:37

Tapi ro ma Panurirang Elieser anak ni si Dodawa na sian kota Maresa manggorahon si Josafat, ning ia ma, “Hara ni na mambaen hubungan pardonganan raja i dohot si Ahasia roncohonon ni Tuhan noma sanga aha na dung dibangun ni raja i.” Jadi gabe maronco ma angka kapal na dung dibaennia i gabe nada be tarbaen marlayar.

2 JUJUR TAON 32:31

Jana dompak diparro ni angka utusan na sian Babel i laho manyapai tusia taringot tu hamamalumnia na pahomang roha i, dipadiar Tuhan ma si Hiskia mambaen lomo ni rohana sandiri laho manguji rohania.

PODA 24:16

Harana, haru pe tinggang halak na burju i marpupu, sai na mulak jongjong do i. Tapi suhar-suharna, dilantuk hamamago do halak na jahat.

PODA 29:25

Muda jolma do dihabiari ho, na mambaen jorat do ho di dirimu; tapi haposi ma Tuhan, anso dijagohon Ia ho.

PODA 6:29

Sarupo do bahaya ni i dohot na modom rap dohot dadaboru ni halak na asing. Sanga ise na mambaen songon i, nada malua sian uhuman.

PARJAMITA 7:20

Di tano on nada adong halak na sanggam, na sai tongtong mambaen na denggan na so jungada mardosa.

EPESUS 4:25

Hara ni i, angkon burju do hamu sudena na sada tu na asing. Ulang be marsipaoto-otoan, angke rap anggota ni pamatang ni Kristus do hita sudena.

KOLOSSE 3:9

Ulang marsigabusan hamu, harana madung ditadingkon hamu ngolumunu na honok i rap dohot sude bakona i.