PAMUNGKAAN 20:1 - BIBEL JAMITA NA DENGGAN

¹ Bungkas ma si Abraham sian Mamre tu sabola Selatan ni tano Kanaan, jana disi noma ia maringanan di antara ni Kades dohot Sur. Dung adong sadia honok di na niinganannia Gerar,

PAMUNGKAAN 20:1 ပူးပေါင်းရင်းမြစ်များ

PAMUNGKAAN 10:19

jabat do, mangararati batas ni Kanaan mamungka sian Sidon lopus tu sabola Selatan donok tu Gerar, di lambung ni Gasa, dohot tu sabola Habincaran marayak Sodom, Gomora, Admah dohot Zeboim; di lambung ni Lasa.

PAMUNGKAAN 12:9

Dung i marpinda-pinda ma ia sian inganan na sada tu inganan na asing di Selatan ni tano Kanaan i.

PAMUNGKAAN 13:1

Kehe ma si Abram sian Mesir jana tu Utara ma diparayak ia tu bagian Selatan ni Kanaan dohot dadaborunia dohot sude sinadongannia jana ihut do si Lot dohot ia.

PAMUNGKAAN 14:7

Dung i mulak ma angka na mangkojar i jana mangulahi ma halahi tu Kades (na margoar En Mispat di hatiha i), ditaluhon halahi ma sude tano Amalek bope halak Amori na mangingani Hasason Tamar pe ditaluhon halahi ma.

PAMUNGKAAN 16:1

Laing so maruntungan dope anggo si Sarai, dongan saripe ni si Abram i. Tapi adong do sahalak hatobannia halak Mesir, bujing-bujing dope na margoar si Hagar.

PAMUNGKAAN 16:14

I ma dalanna umbaen na nigoaran ni halak sumur na di holang-holang ni Kades dohot Bered, “Sumur ni Na Mangolu Na Mamparrohahon Au”.

PAMUNGKAAN 16:7

Ro ma surusuruan ni Tuhan mandapotkon ia di lambung ni mual ni aek di parhorsihan, di dalan laho tu Parhorsihan Sur.

PAMUNGKAAN 18:1

Dipataridahon Tuhan ma diriNa tu si Abraham di lambung ni harangan inganan ni paribadatan na di Mamre. Santak milas ni ari hatiha i, jana topet ma si Abraham juguk di pintu ni bandarnia i.

PAMUNGKAAN 21:34

Dung i laing diingani si Abraham dope sanga na sadia honok nari di tano ni halak Pilistin i.

PAMUNGKAAN 24:62

Jadi laing di hatiha i, mulak ma si Ishak sian padang parhorsihan, mamolus sian sumur na margoar “Na Mamparrohahon Au”. Dung i di sabola Selatan ni Kanaan ma si Ishak maringanan.

PAMUNGKAAN 25:18

Di holang-kolang ni Hawila dohot Sur do maringanan pomparannia i, i ma di Habincaran ni Mesir tu Asur. Marsirang do halahi sian pomparan ni si Abraham na asing i.

PAMUNGKAAN 26:1

Masa muse ma mangulahi haleon di luat i songon na masa di hatiha ni si Abraham. Mangadop ma si Ishak tu si Abimelek raja ni halak Pilistin i di Gerar mangidohon anso dipaloas ia maringanan disi.

PAMUNGKAAN 26:20

Tapi gabe martangkangi ma angka parmahan ni halak Gerar dohot angka parmahan ni si Ishak. Ning halahi ma, “Hami do puna aek on.” Hara ni i, digoari si Ishak ma sumur i, “Partangkangan”.

PAMUNGKAAN 26:26

Sanoli ro ma si Abimelek sian Gerar dohot si Ahusat panuturinia, dohot si Pikol panglima ni tentarania laho mandapotkon si Ishak.

PAMUNGKAAN 26:6

Jadi di Gerar ma si Ishak maringanan.

MASMUR 29:8

Sora ni Tuhan mambaen padang-padang humutur, Parhorsihan Kades dibaen Ia marsaringar.

HARURUAR 15:22

Dung i dioban si Musa ma bangso Israel sian Laut Rara adop Parhorsihan Sur. Tolu ari halahi mardalan mamolus parhorsihan i nada ungada marsuo dohot aek.

BILANGAN 13:26

Dipaboa halahi ma i tu si Musa, si Harun dohot tu sude halak Israel na marlagut di Kades di Parhorsihan Paran. Dibaritahon halahi ma angka na niida ni halahi. Batu ni hayu na nioban ni halahi dipatidahon halahi ma tu halak Israel.

BILANGAN 20:16

gabe pio-pio hami tu Tuhan mangido pangurupion. Ditangihon Tuhan do pangidoannami gabe disuru Ia sahalak surusuruan. Surusuruan i do maroban hami haruar sian tano Mesir. Saonnari maradian di Kades do hami, i ma sada kota di parbandaran ni tano ni raja i.

PANGARATAION 1:19

“Dung i tapatulus muse ma sanga aha na niparentahon ni Tuhan tu hita. Tatadingkon ma Dolok Sinai, lalu mardalan hita mamolus parhorsihan na bidang jana na jorbut i laho tu luat partoran ni halak Amori. Di na lalu hita di Kades-Barnea,

PANGARATAION 32:51

Nada setia hamu na dua tu Au jana nada dipasangap hamu Au di adopan ni bangso Israel dompak di mual ni Batang aek Meriba hamu, i ma na di lambung ni kota Kades, di Halongonan Zin.

1 SAMUEL 15:7

Dung i marporang ma si Saul dohot halak Amalek jana talu ma halahi dibaen ia di dalan na sian Hawila lopus tu Sur di Habincaran ni Mesir.