PAMUNGKAAN 2:8 - BIBEL JAMITA NA DENGGAN

⁸ Dung i dibaen Tuhan Debata muse ma kobun di Eden, di sabola Habincaran, jana tusi ma jolma na nitompaNia i dibaen Ia maringanan.

PAMUNGKAAN 2:8 ပူးပေါင်းရင်းမြစ်များ

PAMUNGKAAN 13:10

Jadi ditatap si Lot ma humaliang jana diida ia ma sude rura ni Jordan lopus tu kota Zoar, bahat aek disi, songon kobun ni Tuhan sanga songon tano Mesir. (Di hatiha i nada disegohon Tuhan dope kota Sodom dohot Gomora.)

PAMUNGKAAN 3:23

Lalu dipaorot Tuhan Debata ma jolma i sian Kobun Eden i jana disuru Ia ma mangkarejohon tano na gabe asalna i hian.

PAMUNGKAAN 3:24

Dung i muse, di sabola Habincaran ni kobun i, dibaen Tuhan Debata ma angka kerub na marpodang sidua baba na marputar humaliang laho manjago anso ulang adong sahalak pe mandonohi hayu na mangalehen ngolu i.

PAMUNGKAAN 4:16

Jadi morot ma si Kain sian jolo ni Tuhan jana maringanan ma ia di tano na margoar “Nod” di Habincaran ni Eden.

2 RAJA-RAJA 19:12

Di na nironcohon ni angka ompungku kota Gosan, Haran dohot Resep jana dibunu halak Eden na maringanan di Telasar, umpe sada sian angka debata ni halahi i na paluahon halahi.

JESAYA 51:3

Angke apoan ni Tuhan ma Sion, mangapoi sude hasesegona. Dibaen Ia do halongonan i songon kobun Eden jana padang-padangna songon kobun ni Tuhan. Disi ma adong jop ni roha, ende hatarimakasion dohot logu na gogo.

JEHESKIEL 27:23

Kota Haran pe, Kane, Eden angka parboniaga na sian Seba, angka kota ni Asur dohot Kilmad, marboniaga do i sude dohot ho.

JEHESKIEL 28:13

Di Eden do ingananmu, di kobun ni Debata. Pakeanmu dipajeges dohot simata marrupa-rupa, i ma jaspis na rara, krisolit, jaspis na rata-rata, permata pirus; krisopras; nefrit; lajurit; batu na rara songon mudar dohot malakit. Bagas godang pe dibaen sian sere jana diparade do i di ari panompaonmu.

JEHESKIEL 31:16

Di hatiha Hupaijur hayu i tu inganan ni halak na mate, mangkutur do angka bangso baenon ni sora ni pardabuna i. Marjop ni roha ma sude hayu na adong di Eden dohot angka hayu pilian na di Libanon na dapotan aek marlobi-lobi, dohot angka na dung manuat tu toru ni tano, hara ni pardabu ni hayu i.

JEHESKIEL 31:18

Songon ise ma ho didok rohamu, marsangap dohot marhagodangan di tonga-tonga ni angka hayu di Eden? Hape ho noma tu banua toru rap dohot angka hayu di Eden, angkon payak ho di tonga-tonga ni halak pardosa rap dohot halak na mate dibaen podang. I ma pangalaho ni si Parao raja ni Mesir dohot sandok na nirajaanna. Songon i ma didok Tuhan Debata.”

JOEL 2:3

Dijolona api na manutung jana mambaen marmosohan dipudina gara ni api nada mar na mintop. Tano na dijolona songon kobun Eden, tapi dipudina songon halongonan na gariang jana nada adong na malua.