PAMUNGKAAN 2:7 - BIBEL JAMITA NA DENGGAN

⁷ Dung i dibuat Tuhan Debata ma saotik tano i, jana dibaen Ia ma sada jolma sian tano i; jadi diombuskon Ia ma hosa hangoluan tu lubang ni igung ni jolma i, gabe mangolu ma jolma i.

PAMUNGKAAN 2:7 ပူးပေါင်းရင်းမြစ်များ

PAMUNGKAAN 1:27

Songon i ma panompa ni Debata di jolma, jana dibaen Ia ma halahi suman tuSia sandiri. Halaklahi dohot dadaboru halahi dijadihon Debata.

PAMUNGKAAN 2:6

Tapi adong ma ombun manyorop tu ginjang sian tano i, gabe dibornohi ma sandok tano on.

PAMUNGKAAN 3:19

Maradu loja noma ho markarejo jana hodohan laho pauli tano i anso marhasil, lopus mulak ho gabe tano angke na sian i do ho dijadihon, jana mangulahi muse ma ho gabe tano.”

PAMUNGKAAN 3:23

Lalu dipaorot Tuhan Debata ma jolma i sian Kobun Eden i jana disuru Ia ma mangkarejohon tano na gabe asalna i hian.

PAMUNGKAAN 7:22

Sandok na humosa di tano, mate.

JOB 27:3

husumpahon: Salolot laing markosa au baenon ni Debata, sapanjang adong hosa di bagasan pamatangniba,

JOB 33:4

Madung ditompa Tondi Ni Debata au jana dilehen do dohot ngolungku.

JOB 33:6

Anggo di Debata nada marimbar hita na dua rap sian tano liat do hita ditompa.

JOB 4:19

Mur ma hape mahluk na sian tano liat na sian orbuk na songon tande-tande do tarpisat!

MASMUR 100:3

Ingot ma anggo Tuhan i, Debata do Ia do manompa hita jana nampunaNia do hita, bangsoNia do hita, bangso na nipature-tureNia.

MASMUR 103:14

Angke diboto Tuhan do asal mulanta, diingot Ia do hum abuan sajo do hita.

PODA 20:27

Dilehen Tuhan do di hita panggora ni roha anso dirinta sandiri bolas tandaonta.

PARJAMITA 12:7

Mulak ma pamatangta, gabe abuan di tano. Mulak hosa hangoluanta tu Debata. Na nilehenNia do songon basa-basa.

PARJAMITA 3:7

Adong do hatihana manyibak-nyibak dohot hatihana manjaiti; hatihana mangkohom dohot hatihana mandok hata.

JESAYA 2:22

Antong, ulang be da mararop roha hamu tu jolma na pasti mate, harana nada mararga i.

JESAYA 64:8

Tapi haru songon i pe, Ho do ale Tuhan, Amangnami, tano liat do hami, jana Ho noma manggana hami. Karejo ni tanganMu do hami sude.

ANDUNG 4:20

Ditangkup halahi raja na nitodo ni Tuhan i, i ma halak na sai hami pangasahon i na mangalehen hangoluan jana maradopkon musu songon pangondian.

JEHESKIEL 37:5

‘Au, Tuhan Debata mangombuskon hosa hangoluan tu bagasan dirimunu anso mangolu hamu mangulahi.

JEHESKIEL 37:6

Hubaen urat dohot juhut tu hamu jana Hubalut hamu dohot huling-kuling. LehenonKu ma hosa tu hamu anso mangolu hamu. Jadi gabe botoonmunu ma Au do Tuhan.’

ZAKARIA 12:1

On ma tona ni Tuhan taringot tu Israel, i ma Tuhan na pahembang langit, na manompa portibi jana na mangalehen ngolu tu jolma, didok Ia ma,

BILANGAN 16:22

Tapi dipaunduk si Musa dohot si Harun ma manyomba lalu didok halahi, “Ale Debata, Ho do na mangalehen hangoluan tu sude na mangolu. Muda mardosa sahalak, sude dehe halak na bahat on muruhanMu?”

BILANGAN 27:16

“O Tuhan Debata na mangalehen hangoluan tu sude na mangolu, hupangido, patidahon ma sada halak na tarbaen manguluhon bangso on.

JOHANNES 20:22

Dung didok Ia songon i mangombus ma Ia tu halahi jana ning Ia ma, “Jagit hamu ma Tondi Parbadia.

BAENON NI ANGKA RASUL 17:25

Nada na nioloan ni tangan ni jolma Ia, songon na hurangan Ia di bagi aha, angke apala Ia do na mangalehen hangoluan dohot hosa dohot sude na asing i tu sude jolma.

SURAT NI SI PAULUS TU PARLAGUTAN ROM 9:20

Ise ma he hamu ale jolma, umbaen na dialo hamunu Debata? Bisa ma he na ditopa mandok tu na manopana, “Biasi dehe ditopa ho au gabe songon i?”

1 KORINTUS 15:45

Tarsurat do i songon on, “Si Adam, jolma na parjolo i gabe halak na mangolu,” tapi si Adam na parpudi i do gabe Tondi na mangalehen ngolu.

1 KORINTUS 15:47

Sian tano do dijadihon anggo si Adam na parjolo i, tapi anggo si Adam na paduahon sian banua ginjang do i.

2 KORINTUS 4:7

Tapi hami paoban-oban do arta partondion na jeges i di bagasan dirinami na so mararga on, i ma na nibaen sian tano. Jadi muda songon i, torang ma anggo hagodangan ni kuaso i marguru di Debata do, nada marguru di hami.

2 KORINTUS 5:1

Angke hita boto do, muda dibungkar bandar na taingani na saonnari, i ma pamatang na sian tano on, adong do di hita sada bagas na sian Debata, na so dipature ni tangan ni jolma, na salolot ni lolotna di banua ginjang.

1 TIMOTEUS 2:13

Angke si Adam do parjolo ditompa, dung i pe anso si Hawa.

IBRANI 12:9

Di tano on, adong do amanta. Diajari amanta be do hita, jana tapasangap do amanta. Antong mur ma hape maradopkon Amanta na di banua ginjang i, tontu angkon mur umoloan ma hita tuSia anso mangolu hita.