PAMUNGKAAN 2:24 - BIBEL JAMITA NA DENGGAN

²⁴ Hara ni i ma umbaen na nitadingkon ni halaklahi amangna dohot inangna, jana gabe sada dohot dadaboruna, gabe sada ma halahi na dua.

PAMUNGKAAN 2:24 ပူးပေါင်းရင်းမြစ်များ

PAMUNGKAAN 4:19

Si Lamekh dua halak dadaborunia, si Ada dohot si Zila.

MASMUR 45:10

O ale boru ni raja, bege jolo hatangku, halupahon ma bangsomu dohot ale-alemu.

PODA 12:4

Dadaboru na burju gabe tuku do i di halaklahina; tapi dadaboru na pailahon, songon bara na mangontak tu holi-holinia.

PODA 2:17

Dadaboru na so setia do i tu halaklahina sandiri jana madung dihalupahon ia janjina tu Debata.

PODA 31:10

Maol do dapot dadaboru na pistar, ummarga do i umpado permata na marlinang-linang.

BAENON NI ANGKA RASUL 11:23

Jana dung lalu si Barnabas disi, diida ia ma sanga na bia pamasumasu ni Debata di halahi, gabe jop sajo ma rohania. Dung i dipaingot ia ma halahi anso tongtong marsihohot tu Tuhan i.

SURAT NI SI PAULUS TU PARLAGUTAN ROM 7:2

Umpamana, tunduk do sada dadaboru tu halaklahinia mangihutkon Tona salolot mangolu dope halaklahinia i. Tapi muda mate do halaklahinia i, malua ma ia sian ihot-ihot ni Tona na mangihoti ia tu halaklahinia i.

PANGARATAION 10:20

Habiari hamu ma Tuhan Debatamunu, jana tuSia sajo ma hamu mangoloi. Sai hot ma hamu setia tuSia jana mangasahon goarNia ma baen hamu angka janjimunu.

PANGARATAION 4:4

hape anggo halak na tongtong setia tu Tuhan Debatamunu laing mangolu do lopus saonnari.

1 TIMOTEUS 5:14

Hara ni i ma dibaen na dumenggan hudok marbagas mangulahi angka na mabalu na poso dope. Denggan ma i mardakdanak halahi dohot na mangurus rumahtanggana anso ulang adong tarbaen angka musunta i dalan pajatjat-jatjatkon goarta.

JOSUA 23:8

Tapi, sai tongtong ma hamu unduk tu Tuhan, songon na dung unduk hamu tuSia lopus tu sadari on.

1 SAMUEL 25:43

Painte so i, na dung dibuat si Daud do si Ahinoam sian Jisreel gabe dadaborunia, jana saonnari dohot muse ma si Abigail gabe dadaborunia.