PAMUNGKAAN 2:21 - BIBEL JAMITA NA DENGGAN

²¹ Jadi dibaen Tuhan Debata ma jolma i tarpodom sinok sajo, jana di na modom jolma i, diendat Tuhan Debata ma sada rusuk sian pamatang ni jolma i, ditutupi Ia mangulahi dohot sibukna i.

PAMUNGKAAN 2:21 ပူးပေါင်းရင်းမြစ်များ

PAMUNGKAAN 15:12

Di na mamungka lusut mataniari, tarpodom ma si Abram sinok. Dung i gabe digohi biar ma pangkilalaan ni si Abram.

JOB 33:15

Dompak modom pe halak manyinok di borngin na golap bulita di bagasan nipi bope parnidaan, mandok hata do Debata.

JOB 4:13

Mangganggu modom lalu marjonggor, songon nipi na sambor di borngin na holom.

PODA 19:15

Muda giot parlosok ho, rohamu ma di ho! Torus ma ho modom, lalu ma naron malean ho.

DANIEL 8:18

Taran mangkatai ia, pingsan ma au. Tapi ditiop ia ma au jana ditogu ia jongjong mangulahi. Jadi didok ia ma,

1 KORINTUS 11:8

Inda sian dadaboru halaklahi i dijadihon, dadaboru do na nijadihon sian halaklahi.

1 SAMUEL 26:12

Dung i dibuat si Daud ma tombak dohot gendi i sian lambung ni ulu ni si Saul, lalu kehe halahi. Sahalak pe nada adong na marnida i sanga na mamboto na masa i, sanga pe na tarsunggul, angke diparo Tuhan do tu halahi sude parmodomon na sinok.