PAMUNGKAAN 2:2 - BIBEL JAMITA NA DENGGAN

² Di ari papituhon, dipasidung Debata ma karejoNia, lalu maradian ma Ia.

PAMUNGKAAN 2:2 ပူးပေါင်းရင်းမြစ်များ

PAMUNGKAAN 1:31

Ditatap Debata ma sude na nitompaNia i jana sun ma dengganna sudena i diida Ia. Salpu ma borngin jana torang ma ari – i ma ari paonomkon.

PAMUNGKAAN 2:3

Dipasupasu jana diparbadiai Ia ma ari papituhon i, dibaen di ari i ma dipasidung Ia karejoNia na manompa i, gabe maradian ma Ia karejo.

HARURUAR 23:12

Angkon markarejo hamu onom ari di bagasan saminggu, tapi ulang hamu karejo anggo di ari papituhon, anso tarbaen angka hatobanmunu dohot halak na asing na markarejo di hamu bope angka pahan-pahananmunu maradian.

HARURUAR 31:15

Onom ari lolotna tola markarejo, tapi anggo ari papituhon angkon marari Sabat do, i ma Ari Paradianan na gok, ari na badia di Tuhan: Sanga ise na mambaen karejona di Ari Sabat, nimatehon do uhuman ni i.

HARURUAR 31:17

I ma sada tanda parjanjian antara Au dohot bangso Israel ro di salolot-lolotna; angke di bagasan onom ari do ditompa Tuhan langit dohot tano, jana maradian do Ia di ari papituhon i.”

JESAYA 58:13

“Muda nada didege-dege hamu aturan ni Sabat jana nada dikarejohon hamu siurusonmunu di aringKu na badia i, muda didok hamu Ari Sabat i ari na marhasonangan, jana ari na badia ni Tuhan i ari na marmulia; muda dipasangap hamu ari i marhite na so mangkarejohon karejomunu dohot na so mambaen urusanmu sanga na marhata na rumar,

JOHANNES 5:17

Tapi didok Jesus ma tu halahi, “Tongtong do markarejo Damang; jana Au pe angkon laing markarejo do.”

PANGARATAION 5:14

tapi ari papituhon, i ma Ari Sabat ni Tuhan Debatamu. Nada jadi mangkarejohon nasa karejo di na sadari i – bope ho, bope anakmu, bope borumu, bope naposomu halaklahi, bope naposomu dadaboru, bope lombumu, bope halodemu, sanga halak na mardagang di hutamu. Angka naposomu pe angkon maradian do laing songon ho sandiri.

IBRANI 4:10

Angke sanga ise halak na dung masuk tu inganan na gabe paradiananNia, maradian muse ma ia sian karejonia, songon Debata na maradian muse sian karejoNa.

IBRANI 4:4

Harana anggo taringot tu ari papituhon, adong do tarsurat di Buku Na Badia i songon on, “Maradian do Debata di ari papituhon i sian sude parkarejoanNia.”