PAMUNGKAAN 2:17 - BIBEL JAMITA NA DENGGAN

¹⁷ asing sian hayu na mangalehen parbinotoan taringot tu na denggan dohot na jahat. Nada tola panganonmu batuna i; muda dipangan ho i, mate ma ho laing di na sadari i.”

PAMUNGKAAN 2:17 ပူးပေါင်းရင်းမြစ်များ

PAMUNGKAAN 2:9

Dipartubuhon Debata ma disi sude ragam ni hayu na jeges-jeges, na marbatuhon parbatu na denggan panganon. Di parsitongaan ni kobun i tubu ma hayu na mangalehen ngolu, dohot hayu na mangalehen parbinotoan taringot tu na denggan dohot na jahat.

PAMUNGKAAN 20:7

Tapi saonnari, paulak ma anakboru i tu halaklahina. Panurirang do halaklahinia i, jana tangiangkononnia do ho anso ulang mate. Tapi muda nada dipaulak ho, ingot ma, mate ma ho dohot sude rayatmi!”

PAMUNGKAAN 3:11

“Ise mandok tu ho lakna, paboa na marsaemara ho?” ninna Debata manyapai. “Adong he dipangan ho batu ni hayu i na Hurarangi panganonmu?”

PAMUNGKAAN 3:17

Dung i didok Ia ma tu halaklahi i, “Dibaen madung dipatangi-tangi ho hata ni dadaborumu gabe dipangan ho batu ni hayu na Hudok na so tola panganonmu. Jadi hara ni pangalahomi, gabe hona bura ma tano. Angkon marsitutu noma ho karejo salolot di ngolumu, anso tuk panganonmu sian suha ni tano i.

PAMUNGKAAN 3:19

Maradu loja noma ho markarejo jana hodohan laho pauli tano i anso marhasil, lopus mulak ho gabe tano angke na sian i do ho dijadihon, jana mangulahi muse ma ho gabe tano.”

1 RAJA-RAJA 2:37

Muda puluk dope ho haruar jana disalpui ho anak ni Batang aek Kidron, angkon bunuon ho, harana hasalaanmu do i.”

1 RAJA-RAJA 2:42

disuru pio ia ma si Simei lalu didokkon ia, “Madung hubaen ho marjanji hara ni Tuhan bahaso na so tola tinggalkononmu Jerusalem. Jana madung hupaingot muse ho, muda ditinggalkon ho Jerusalem angkon mate uhumon ho. Nada he na dung marjanji do ho na angkon oloanmu parentangku?

JEREMIA 26:8

Disi hupabotohon sude tona ni Tuhan songon na niparentahonNia i tu au, manigor ditangkup halahi ma au lalu marsurahi halahi, “Angkon mate ho!

JEHESKIEL 18:13

Painjamkon pe ia angkon marbunga. Mangolu ma he giot ni jolma na songon i? Nada! Dibaen ia do sude parbuatan hagigian i, jana na giot mate do i! Jana parbuatanna sandiri do mambaen hamateannia.

JEHESKIEL 18:32

Nada sonang rohangKu muda adong mate halak. Tadingkon hamu ma angka dosamunu i anso tongtong hamu mangolu. Au Tuhan Debata na mandok songon i.”

JEHESKIEL 18:4

Satutuna, Au do nampuna tondi ni sude! Tondi ni ama bope tondi ni anak Au do nampunasa! Jana halak na mardosa, i do na angkon mate.

JEHESKIEL 33:14

Bolas jadi do na dung Hupaingot halak parjahat i mandok na giot mate noma ia. Tapi anggo mantak do ia mambaen dosa jana dipungka ia patupahon sanga aha na denggan dohot na tutu,

JEHESKIEL 33:8

Muda Hupabotohon tu ho, na giot mate sada halak parjahat, hape nada dipaingot ho ia anso dipauba ia pangalahonia i anso malua ia nian, jadi mate ma ia songon sada halak pardosa. Tapi tuntutonKu do tu ho tanggung jawab salaho tu hamamatenia.

BILANGAN 26:65

Madung didok Tuhan i hian do tu halahi bahaso angkon marujung di halongonan do ngolu ni halahi. Jana tutu do sude halahi mate, asing ni si Kaleb anak ni si Jefunne dohot si Josua anak ni si Nun.

SURAT NI SI PAULUS TU PARLAGUTAN ROM 1:32

Diboto halahi do nian angkon mate hona uhum do halak na songon i mangihutkon uhum na sian Debata, tapi haru songon i pe laing dipambaeni halahi do pangalaho na songon i; jana jop muse do roha ni halahi muda adong sanga ise na mambaen songon i.

SURAT NI SI PAULUS TU PARLAGUTAN ROM 6:16

Diboto hamu dehe muda dipasahat hamu dirimunu tu sada-sada halak laho mangkarejohon hagiotnia, na gabe hatoban ni halak na nioloanmunu i do hamu – sanga hatoban ni dosa na maroban hamu tu hamatean sanga hatoban na mangoloi Debata na maroban hamu tu hatigoran?

SURAT NI SI PAULUS TU PARLAGUTAN ROM 6:23

Angke hamatean do upa ni dosa; tapi silehen-lehen ni Debata i ma ngolu na manongtong di bagasan Kristus Jesus, Tuhanta i.

SURAT NI SI PAULUS TU PARLAGUTAN ROM 8:2

Harana madung dipalua bako ni Tondi na pangoluhon i au sian bako ni dosa na mamatehon i. Tona Ni Tondi na mangalehen ngolu madung paluahon hamu di bagasan Kristus Jesus sian tona ni dosa dohot hamatean.

1 KORINTUS 15:22

Songon parmate ni sasudena jolma manusia hara ni na sapangalaho dohot si Adam, laing songon i ma pangoluon sudena, hara ni na dung sapangalaho dohot Kristus.

1 KORINTUS 15:56

Anggo corot ni hamatean i, i ma dosa jana kuaso ni dosa i, i ma Tona i.

GALATIA 3:10

Sanga ise halak na marguru tu Tona, na mangolu di toru ni bura do halahi sudena. Angke tarsurat do di Buku Na Badia i, “Sanga ise na so burju mandalankon sasudena parenta na tarsurat di Tona i, buraan ni Debata ma halakna i!”

EPESUS 5:14

Jana sasudena na tarida tangkas, na torang do i. Hara ni i do umbaen na didok, “Ngot ma ho na modom i, jana jongjong ma ho sian hamatean! Giot marsinondang ma Kristus di ginjangmu.”

PANGARATAION 27:26

‘Bura ni Debata ma di halak na so mangoloi sude uhum dohot pangajaran ni Debata.’ Dung i sude ma bangso i mandok: ‘I ma tutu!’ ”

PANGARATAION 30:15

Sadari on bolas ma pilionmunu hangoluan dohot na denggan, hamatean dohot hasusaan.

PANGARATAION 30:19

Saonnari bolas ma pilionmunu, hangoluan sanga na hamatean, pasupasu ni Tuhan sanga na buraNia. Langit dohot tano hupio gabe saksina di haputusan sibaenonmunu. Antong pili hamu ma hangoluan.

KOLOSSE 2:13

Najolo madung mate hamu anggo salaho tu partondion hara ni na mardosa hamu, boti hara ni na so marsunat pamatangmunu. Tapi saonnari dipangolu Debata do hamu rap dohot Kristus, dibaen madung diampuni Debata sasudena dosanta,

1 TIMOTEUS 5:6

Tapi na mabalu na giot mangolu marsonang-sonang, madung mate do i haru pe laing mangolu.

JAKOBUS 1:15

Dung i muda dioloi ia hagiotnia na jahat i, gabe tubu ma dosa; dung mardosa, gabe hamatean noma na ro.

1 JOHANNES 5:16

Muda adong diida hamu dongan Kristen mambaen dosa na so pola mambaen hamatean, sitangiangkononmunu do i tu Debata; jana lehenon ni Debata ma ngolu di halak na songon i, i ma tu halak na mambaen dosa na so pola mambaen hamatean i. Tapi adong do dosa na mambaen hamatean, jana nada hudok anso tangiangkononmunu dosa na songon i tu Debata.

HALUMBAAN 2:11

Ditangihon na marpinggol i ma na nidok ni Tondi i tu angka parlagutan i! Di na monang i do lehenonKu mangan sian manna na buni, jana lehenonKu ma disia batu na bontar.”

HALUMBAAN 20:14

Dung i didanggurkon ma hamatean dohot harajaan banua toru i tu bagasan laut api. (Laut api on ma hamatean na paduahon.)

HALUMBAAN 20:6

Martua jana na badia do, na taruli di hangongot na parjolo i. Nada markuaso be hamatean na paduahon i tu halahi. Gabe angka malim ni Debata ma halahi dohot malim ni Kristus; jana mamarenta ma halahi rap dohot Ia saribu taon honokna.

HALUMBAAN 21:8

Tapi anggo angka parbiar, angka na so tontu, angka na so ture, sibunu jolma, angka na rogon, angka pardatu-datu, angka na manyomba gana-ganaan dohot sudena pargabus, laut api do inganan ni halahi dohot barerang na gara-gara, i ma hamatean na paduahon i.”

HAKIM-HAKIM 3:2

Dibaen Tuhan pe songon i anggo maksudna na mangajar ganop sundut ni Israel do mananda porang, lumobi halahi na so jungada dohot marporang.

1 SAMUEL 14:39

Marjanji do au mangasahon Tuhan na mangolu i na dung mangalehen hamonangan tu Israel, bahaso angkon marutang hosa sanga ise na marsala haru pe i si Jonatan anakki.” Tapi sahalak pe nada adong na puluk mangalusisa.

1 SAMUEL 14:44

Didok si Saul ma tusia, “Sai hona uhum ni Debata ma au anggo so mate hona uhum ho, Jonatan!”

1 SAMUEL 20:31

Na so diboto ho dehe anggo salolot mangolu si Daud na so tarbaen ho gabe raja di luat on? Saonnari suruhon ma halak manjalahi dohot maroban ia tuson, harana angkon mate do ia!”

1 SAMUEL 22:16

Tapi didok raja i ma, “Ahimelek, angkon mate ho dohot kahanggimu.”