PAMUNGKAAN 19:5 - BIBEL JAMITA NA DENGGAN

⁵ Pio-pio ma halahi tu si Lot jana disapai halahi ma, “Ma di dia halak na ro i na giot marborngin di bagasmon? Pasahat ma da tu hami anso hami pardadaboru halahi.”

PAMUNGKAAN 19:5 ပူးပေါင်းရင်းမြစ်များ

PAMUNGKAAN 19:6

Ruar ma si Lot sian bagasnia i, dung ditutup ia pintu i,

1 RAJA-RAJA 14:24

Asing ni angka dadaboru, adong muse do angka halaklahi na martugas di angka inganan parsombaan ni debata i. Dipambaeni halak Juda do angka pangalaho na so ture na nibaen ni angka bangso na dung diusir ni Tuhan di na masuk halak Israel tu luat i.

1 RAJA-RAJA 22:46

Barita na asing salaho tu si Josafat taringot tu habetenganna dohot angka parporangannia madung disuratkon di Buku Sejarah Ni Raja-raja Juda.

JESAYA 1:9

Sugari sura nada dipalua Tuhan Na Markuaso i piga-piga halak, anggo Jerusalem i madung mago sude, sarupa tu Sodom dohot Gomora.

JESAYA 3:9

Bohi ni halahi patidahon hajahatanna, jana songon halak Sodom, patar-patar halahi paboahon angka dosana, nada ditabunihon be. Marjaya ma halahi! Angke diparo halahi do uhum tu dirina sandiri.

JEREMIA 3:3

Patunda ni i do gabe so aek sian langit, jana udan na somal di musimna nada unjung ro. Suman do ho tu siboru panggampang na so umboto hahaila.

JEREMIA 6:15

Angkon maila do nian halahi hara ni sude parbuatan ni halahi na jat i. Hape sihapal bohi do halahi jana na so umboto ila. Patunda ni i angkon gabe madabu do halahi songon halak na asing na dung madabu i; abis noma barita ni halahi muda jabat Au manguhum halahi. Au Tuhan, madung mandok songon i.”

JEHESKIEL 16:49

Ginjang pe roha ni Sodom dohot angka huta pagaranna hara ni bahatna do balanjo simpanan ni halahi boti tenang do tarbaen halahi mangolu jana dame. Tapi nada diparrohahon halahi halak na pogos dohot na dangol.

JEHESKIEL 16:50

Bulbul do halahi jana jogal rohana jana dibaen halahi do sogo ni rohangKu. Jadi gabe Hugopu halahi songon na niidamu.

JEHESKIEL 16:51

Samaria pe tutu jahat do, tapi nada adong satonga ni angka dosamu dosa ni halahi, umbahat dope hagigian dibaen ho sian halahi na dua, hara ni sude hajahaton na nibahenmu gabe hira na so marsala idaon angka angkangmi.

HAMALIMON 18:22

Nada tola pardadaboruon ni halaklahi donganna halaklahi, hagigian ni Debata do pangalaho na songon i.

HAMALIMON 20:13

Muda adong sada halaklahi mambaen donganna halaklahi rap modom songon dadaboruna, halahi na dua rap mambaen karejo sihagigian, jadi halahi na dua angkon rap mate uhumon. Hamamate ni halahi, i ma hara ni sala ni halahi sandiri.

1 KORINTUS 6:9

Nada he diboto hamu do, anggo angka halak na so tigor nada dapotan bagian di Harajaan Ni Debata? Ulang ma hamu lilu! Halak na markarosuan, sioloi gana-ganaan, si pangalangkup, si pangalukluhi, si pandalus-dalus,

PANGARATAION 23:17

Nada tola sada halak Israel, halaklahi sanga dadaboru na gabe panggampang di bagas pamelean ni angka debata na asing.

1 TIMOTEUS 1:10

tu angka halak na rorang, pandalus-dalus, panyamun, pargabus, tu angka saksi pargabus, dohot tu halak na maralo pangalahona tu ajaran na tutu.

2 TIMOTEUS 3:13

hape anggo angka parjahat dohot angka panipu i mur jumahat dope. Ditipu halahi ma halak na asing, hape hona tipu muse do halahi.

2 PETRUS 2:2

Haru pe songon i laing bahat do halak na mangihutkon parngoluon ni angka guru pargabus na nirajaan ni angka hagiot na so denggan i. Jana parange ni angka guru pargabus i ma na mambaen gabe bahat halak pabilehon Dalan Na Tigor i na nilehen ni Debata.

2 PETRUS 2:7

Tapi dipalua do anggo si Lot, hara ni na niihutkonnia hagiot ni Debata jana ia pe na dung sun ma marsaknia dibaen parange ni angka jolma na so ra mangihutkon angka parenta ni Debata.

JUDAS 1:7

Laing ingot hamu ma kota Sodom dohot Gomora dohot angka kota na humaliang i, na niinganan ni halak angka na mambaen pangalaho songon na nibaen ni angka surusuruan i. Angka pangalaho na rorang dohot na mangoloi hagiot ni sibukna do dipambaeni halahi, gabe hona uhum ma halahi dohot api na so ra mintop, baen sipaingot tu halak sudena.

HAKIM-HAKIM 19:22

Dompak marsonang-sonang halahi, tompu ma dihobuk angka jolma na so ture na di kota i bagas i. Diburbari halahi ma pintu ni bagas i jana didok halahi ma tu na tobang-tobang i, “Pasahat tu hami bayo na niobanmi martamu tu bagasmi. Giot pakeonnami ia!”