31 Didok borunia siangkaan i ma tu anggina, “Madung mur matobang amanta, jadi di luat on sudena nanggo adong halaklahi na gabe parbagasanta anso adong anakta.
Jadi didok si Sarai ma tu si Abram, “Lakna na so tumbuk do roha ni Tuhan manubuhon dakdanak au. Hara ni i dumenggan ma da rap modom ho dohot hatobanki. Betak na tartubuhon ia do anak di au.” Satuju do si Abram di usul ni si Sarai i.
Jadi campur ma si Abram dohot si Hagar, gabe denggan ma pamatang ni anakboru i. Di na tarboto di si Hagar na denggan pamatangnia, gabe manyombong ma ia jana layas rohania mida si Sarai.
Dung i marcampur ma si Adam dohot si Hawa dadaborunia i, jana denggan ma pamatangna. Ditubuhon ia ma sada anak halaklahi jana ning ia ma, “Hara ni panolongi ni Tuhan, maruli do au sada anak halaklahi.” Gabe dibaen ia ma goar ni dakdanak i, si Kain.
Di hatiha i ma, dohot dung salpu ni i adong angka jolma raksasa di tano on; i ma pomparan ni angka dadaboru sian jolma dohot angka “anak ni Debata” i. Angka ulubalang na godang-godang do jolma raksasa i boti jolma na tarbarita di hatiha narobi.
Muda dung dapot hatiha i, tiopon ni pitu halak dadaboru ma sada halaklahi jana dokkonon ni halahi ma, “Isinkon ma da hami mandok ho na mambuat hami anso ulang jabat maila hami hara ni na so jungada marbagas. Anggo panganon dohot pakean, hami sandiri pe da mananggungsa.”
“Muda adong dua halak na martinadohon sainganan, jana mate ma sada halak, hape nada adong anaknia halaklahi, nada tola tading-tadinganna i marbagas dohot halak na asing di ruar ni na sabagas i. Na patut do buaton ni anggi ni na mate i na mabalu i.