PAMUNGKAAN 19:3 - BIBEL JAMITA NA DENGGAN

³ Sai disosoi si Lot ma halahi, ujungna kehe ma halahi rap dohot ia tu bagasnia. Disuru si Lot ma angka pangoloinia manutungi roti intap ni na tuk jana diparade ia sipanganon na tabo di angka tamu i. Dung singkop sude mangan ma halahi.

PAMUNGKAAN 19:3 ပူးပေါင်းရင်းမြစ်များ

PAMUNGKAAN 19:2

jana didok ia ma, “Loas hamu ma au mangoloi hamu, tuan. Tu bagasta ma hamu masuk. Adong do parbasuan ni pat di bagasta dohot parbornginan. Ancogot tarbaen hamu do sigop ngot lalu paudutkon pardalananmunu.” Tapi dialusi halahi ma, “Tarimakasi ma da, dison pe hami marborngin di alaman ni kota on.”

PAMUNGKAAN 21:8

Simbur magodang ma dakdanak i, jana di ari pangantakna manyusu dipatupa si Abraham ma horja siriaon.

PAMUNGKAAN 24:31

Jadi didok si Laban ma, “Na nipasupasu ni Tuhan do da ho, hara ni i ulang ma dison hamu di ruar on. Beta ma hita tu bagasta. Madung rade kamar ingananmunu dohot inganan ni angka untomon,” ning ia.

PAMUNGKAAN 26:30

Dung i dibaen si Ishak ma pesta manjamu halahi, jadi mangan minum ma halahi.

2 RAJA-RAJA 4:8

Adong ma sada dadaboru na mora di kota Sunem. Sanoli hatiha kehe si Elisa tu Sunem, diontang anakboru i ma ia mangan. Mamungka sian i, ganop ro si Elisa tu Sunem, sai di bagas ni dadaboru i do ia mangan.

HARURUAR 12:15

Didok Tuhan, “Pitu ari honokna nada tola panganonmunu roti na marragi. Di ari parjolo, nada tola adong ragi di bagasmunu, angke muda adong halak mangan roti na marragi di bagasan pitu ari i, nada etongon be ia bangsongKu.

HARURUAR 12:39

Ditutung halahi ma roti na so marragi sian adonan na nioban ni halahi sian Mesir. Hara ni tompuna halahi dipaorot sian i, gabe nada sanga halahi mangarade panganon sanga pauli adonan ni roti dohot ragi.

LUKAS 11:8

Hudok ma di hamu: “Haru pe dongannia ho, nada ra be ia ngot laho mangalehen bagi aha di ho. Tapi hara ni sai torus do ho mangido tusia, gabe ngot muse ma ia laho mangalehen tu ho sanga aha na nihaporluhonmi.

LUKAS 14:23

Jadi didok tuan i ma tu naposo i, ‘Kehe ma ho tu dalan godang dohot tu angka dalan na sompit di ruar ni kota, jana hara ma halak marroan anso gok sude bagaskon.

LUKAS 5:29

Dung i dipatupa si Levi ma pesta di bagasnia hara ni Jesus. Bahat do sitagi pajak songon i dohot halak na asing mangan rap dohot halahi.

JOHANNES 12:2

Ditamu halahi ma Ia disi, jana dohot ma si Marta mangoloi disi tapi anggo si Lasarus dohot ma ia mangan rap dohot Jesus.

1 KORINTUS 5:8

Jadi tapestahon ma Paskanta i dohot roti na so marragi, i ma roti na manggambarkon hapolinon bope sasudena na tumbuk di roha ni Debata. Ulang ma tapestahon Paskah i mardongan roti na marragi na honok, i ma dosa dohot hajahatan.

2 KORINTUS 5:14

Holong ni roha ni Kristus do na mangarajai hami. Jana hami boto do: Muda mate sada halak humopkop halak sudena, paboa na dung mate do sudena halahi.

IBRANI 13:2

Ulang pola gamang hamu manjagit dongan na so haru tangkas dope ditanda hamu. Angke di na patupahon na songon i sian na so pamotoan, madung dijagit ia surusuruan di bagasnia.

HAKIM-HAKIM 6:19

Jadi mulak ma si Gideon, dilompa ia ma sada hambeng jara-jara, dibuat ia ma sampulu kilogram topung, dung i dibaen ia ma roti na so marragi. Dung salpu i dibaen ia ma juhut i di bagasan karanjang, jana kuana i di bagasan hudon, lalu dioban ia ma sudena i jana dipatupa ia tu Surusuruan Ni Tuhan i na paintehon di toru ni bona ni ara i.

1 SAMUEL 28:24

Manigor diompoti anakboru i ma manyambol anak ni lombuna na dung dipamokmoknia, dibuat ia topung jana digudal-gudal ia ma i, lalu ditutung ia gabe roti na so marragi.