PAMUNGKAAN 19:24 - BIBEL JAMITA NA DENGGAN

²⁴ Tompu ma dipaijur Tuhan udan barerang na marapi tu Sodom dohot Gomora

PAMUNGKAAN 19:24 ပူးပေါင်းရင်းမြစ်များ

PAMUNGKAAN 13:10

Jadi ditatap si Lot ma humaliang jana diida ia ma sude rura ni Jordan lopus tu kota Zoar, bahat aek disi, songon kobun ni Tuhan sanga songon tano Mesir. (Di hatiha i nada disegohon Tuhan dope kota Sodom dohot Gomora.)

PAMUNGKAAN 13:12

Anggo si Abram laing tinggal do di tano Kanaan, hape anggo si Lot mambaen undung-undung di holang-holang ni angka kota na di rura i lalu tu lambung ni Sodom.

PAMUNGKAAN 18:17

Dung i didok Tuhan ma di bagasan rohaNia, “Nada pola bunihononKu tu si Abraham sanga aha na giot baenonKu.

PAMUNGKAAN 19:23

Bincar ma mataniari di na lalu si Lot tu kota i.

JOB 1:16

Mangkobari dope ia, ro muse ma hatoban na paduahon mandok, “Ma disoro ronggur angka biri-biri ni tuan i, dohot angka parmahanna, mate sude. Hum sasada au ma i na malua anso laing adong na paboahon tu tuan i.”

JOB 18:15

Saonnari tola ma maringanan di undung-undungnia i humani, jana disi ma direrak barerang, laho paago nyaena i.

MASMUR 11:6

Tu halak na jahat diparo do udan api dohot barerang, diuhum Ia halahi dohot haba-haba na manutung lopus marragean.

HARURUAR 9:23

Dung i diangkat si Musa ma tungkotnia tu langit, jana gabe diparo Tuhan ma ronggur dohot ambolas bope porkas manyoro tu tano. Diparo Tuhan,

JESAYA 1:9

Sugari sura nada dipalua Tuhan Na Markuaso i piga-piga halak, anggo Jerusalem i madung mago sude, sarupa tu Sodom dohot Gomora.

JESAYA 13:19

Sian sasude harajaan, Babel ma na jumeges, jana na gabe hagodangan ni roha ni halak na manginganisa. Tapi Debata, giot mambalikkonsa, songon na dung dibaen maradopkon Sodom dohot Gomora.

JESAYA 30:33

Mamungka sian narobi na dung diparade hian do api baen panutung ni raja Asur. Bagas jana lumbang do inganan i na marisi soban martinggang-tinggang. Ombuskonon ni Tuhan ma hosaNia laho pagarahon api i.

JEREMIA 20:16

Padiar ma sioban barita i tudos tu angka kota na nironcohon ni Tuhan so maribo ni roha. Padiar ma dibege ia angguk ni na hancitan manyogot ni ari, dohot panggora ni parporangan di tonga ari.

JEREMIA 23:14

Tapi madung Huida jumahat dope pangalaho ni angka panurirang di Jerusalem. Margabusi do halahi dohot marmainan jana diurupi halahi do halak na jahat, gabe umpe adong sahalak pe na ra pauba rohana. Anggo di Au mandosdos do halahi sudena rap parjahat songon halak Sodom dohot Gomora.”

JEREMIA 49:18

Songon Sodom dohot Gomora na dironcohon rap dohot angka huta na humaliangna i, laing songon i muse ma Edom, sahalak pe nada adong be maringanan disi. Au Tuhan, madung Hudok songon i.

JEREMIA 50:40

Tarjadi muse ma tu Babel sanga aha na tarjadi tu Sodom dohot Gomora di na Huroncohon kota i rap dohot angka pagaran na adong humaliangna. Sahalak pe nada adong be na tading disi. Au Tuhan, madung mandok songon i.

ANDUNG 4:6

Hona uhum bangsongku, umborat sian tu halak Sodom na salpu di bagasan sangkidop mata manigor maropuk dibaen tangan ni Debata.

HOSEA 11:8

Didok Tuhan ma, “Ale Israel nada padiaronKu ho sanga tadingkononKu. Tarbaen Au ma he tu ho songon parabis ni Adma? Sanga Hubaen ho songon Zeboim? Nada torus rohangKu mambaen songon i, hara ni godang ni holong ni rohangKu tu ho!

AMOS 4:11

“Madung Husegoi angka hutamunu, songon Sodom dohot Gomora na disegoi ni Debata. Na tinggal mangolu sian hamu i ma na tudos tu surpu na niela sian api. Haru songon i pe, laing nada mulak hamu tu Au.

ZEPANYA 2:9

Songon sintongna mangolu Au ninna Tuhan Na Markuaso, Debata ni Israel: Angkon songon Sodom do Moab sogot, jana songon Gomora angka anak ni Amon, gabe hatubuan ni latong, jana panombangan ni sira, jana mamolngit salolot ni lolotna. Na tading sian bangsongKi mangarampasi halahi sogot, jana mambuat tano ni halahi.”

LUKAS 10:12

Hudok ma di hamu: Umnayang do uhum na tu halak Sodom di ari parpudi, ulang pado kota na songon i!”

PANGARATAION 28:24

Songon gonti ni udan, diparo Debata ma udan abu dohot horsik lopus mate hamu sude.

PANGARATAION 29:22

Di hatiha na giot ro, idaon ni pomparanmunu ma dohot angka bangso na asing na sian luat sihadaoan angka parmaraan dohot parkancitan na niparo ni Tuhan tu tanomunu on.

PANGARATAION 29:23

Gabe padang na gariang ma angka ladangmunu ditutupi barerang dohot sira. Nada tarsuani be tanona i, jana duhut pe nada ra be tubu disi. Tudos noma tanomunu i tu kota Sodom dohot Gomora, Adma dohot Zeboim na nironcohon ni Tuhan di na gurgur rimasNia.

2 PETRUS 2:6

Laing songon i muse do pangalaho ni Luat Sodom dohot Gomora. Hona uhum do luat i dibaen Debata jana ditutung dohot api anso gabe tiruan tu angka na giot masa maradopkon angka jolma na so ra mangkaporsayai Debata.

JUDAS 1:7

Laing ingot hamu ma kota Sodom dohot Gomora dohot angka kota na humaliang i, na niinganan ni halak angka na mambaen pangalaho songon na nibaen ni angka surusuruan i. Angka pangalaho na rorang dohot na mangoloi hagiot ni sibukna do dipambaeni halahi, gabe hona uhum ma halahi dohot api na so ra mintop, baen sipaingot tu halak sudena.

HALUMBAAN 14:10

painumon ma tu halahi anggur na badia, i ma anggur haririmasNia na niusehonNia tu ingananna, na so niurahan saotik pe! Hona parkancitan ma halahi di bagasan api dohot barerang di jolo ni angka surusuruan ni Debata dohot di jolo ni Anak Ni Biri-biri i.