PAMUNGKAAN 19:2 - BIBEL JAMITA NA DENGGAN

² jana didok ia ma, “Loas hamu ma au mangoloi hamu, tuan. Tu bagasta ma hamu masuk. Adong do parbasuan ni pat di bagasta dohot parbornginan. Ancogot tarbaen hamu do sigop ngot lalu paudutkon pardalananmunu.” Tapi dialusi halahi ma, “Tarimakasi ma da, dison pe hami marborngin di alaman ni kota on.”

PAMUNGKAAN 19:2 ပူးပေါင်းရင်းမြစ်များ

PAMUNGKAAN 18:4

Paloas hamu ma jolo au laho mangalap aek pamasu ni patmunu, jana di toru ni hayu on ma hamu jolo marsilaung maradian.

PAMUNGKAAN 19:1

Di na lalu surusuruan sidua halak na marsuo dohot si Abraham sinangkinan i di Sodom borngin i, topet ma hatiha juguk si Lot di horbangan ni kota i. Disi diida ia halahi manigor jongjong ma ia mangalo-alo. Manungkap ma ia di jolo ni halahi,

PAMUNGKAAN 19:3

Sai disosoi si Lot ma halahi, ujungna kehe ma halahi rap dohot ia tu bagasnia. Disuru si Lot ma angka pangoloinia manutungi roti intap ni na tuk jana diparade ia sipanganon na tabo di angka tamu i. Dung singkop sude mangan ma halahi.

PAMUNGKAAN 24:31

Jadi didok si Laban ma, “Na nipasupasu ni Tuhan do da ho, hara ni i ulang ma dison hamu di ruar on. Beta ma hita tu bagasta. Madung rade kamar ingananmunu dohot inganan ni angka untomon,” ning ia.

PAMUNGKAAN 43:24

Dung i dioban ma si Simeon tu halahi, jana ditaruhon ia ma halahi tu bagas. Dilehen ia ma aek pamasu ni pat ni halahi, dohot ruput di halode ni halahi.

2 SAMUEL 11:8

Dung i didok si Daud ma tu si Uria, “Antong mulak ma ho jolo tu bagasmu anso maradian ho santongkin.” Dung kehe si Uria sian bagas godang i, ditongos si Daud ma silua tu bagas ni si Uria i.

JOB 31:32

Ungkap do pintu ni bagasku di halak na mardalanan; nada jungada hupadiar halahi habornginan di dalan.

PODA 25:17

Ulang majotjottu iba ro tu bagas ni hombarniba, betak sobalan ia lalu margoyak ni roha.

ENDE NA GODANG 5:3

Ma pola hubuka pakeanku; biasi dope pakeonku muse? Madung hubasu patku, biasi dope pakotoronku muse?

LUKAS 7:44

Dung i ditailihon Jesus ma tu dadaboru i, didok Ia ma tu si Simon, “Diida ho dehe anak boru on? Di na ro Au tu bagasmon, umpe adong aek diparade ho parbasuan ni patKu; hape anggo anak boru on madung dibasu ia patKu dohot ilu ni matania, jana dipahiang ia dohot obuknia.

JOHANNES 13:5

Dung i diusehon Ia ma aek tu sada sambong, dibasu Ia ma pat ni angka siseanNia i jana dipahiang Ia dohot anduk na lilit di gontingNia i.

BAENON NI ANGKA RASUL 16:15

Tardidi ma si Lidia dohot halahi na sabagas. Dung nididihon ia, diontang ia ma hami. Didok ia ma tu hami, “Muda na dung tutu do au porsaya tu Tuhan i dietong rohamunu ale angka dongan, antong di bagasku ma hamu manompang,” ning ia. Digogohon ia ma anso laing hami oloi pangidoannia i.

IBRANI 13:2

Ulang pola gamang hamu manjagit dongan na so haru tangkas dope ditanda hamu. Angke di na patupahon na songon i sian na so pamotoan, madung dijagit ia surusuruan di bagasnia.