PAMUNGKAAN 19:14 - BIBEL JAMITA NA DENGGAN

¹⁴ Jadi kehe ma si Lot mandapotkon dua halak doli-doli tunangan ni borunia i, jana didok ia ma, “Ompoti hamu ma ruar sian kota on, harana giot abiskonon ni Tuhan ma kota on.” Tapi diambang halahi na margonjak do si Lot.

PAMUNGKAAN 19:14 ပူးပေါင်းရင်းမြစ်များ

PAMUNGKAAN 19:15

Di andostorang i disosoi surusuruan na dua i ma si Lot anso marhobas, “Ompoti bo,” ning halahi, “Kehe ma ho dohot ripemi dohot borumu na dua i sian on, anso ulang mate hamu muda diabiskon kota on.”

PAMUNGKAAN 19:17

Dung i didok sahalak sian surusuruan i ma, “Marlojong ma hamu, palua hosamunu! Ulang manaili tu pudi jana ulang maradian di rura. Tu dolok-dolok ma lojongi hamu, anso ulang mate hamu!”

PAMUNGKAAN 19:22

Ompoti ma marlojong! Nada tarbaen au bagi aha anggo so lalu ho tusi.” Hara ni na nidok ni si Lot kota i menek, gabe Zoar ma goar ni kota i.

2 JUJUR TAON 30:10

Di na kehe angka utusan i sian angka kota na di luat ni Marga Efraim dohot Manase lopus tu Utara lalu tu luat ni Marga Zebulon, dipartatai halak ma halahi jana dilayasi.

2 JUJUR TAON 36:16

Hape diparmayam-mayam halahi do angka utusan ni Debata i, dipartatai halahi angka panurirangNia jana nada ditangihon halahi hatana. Ujungna sun ma muruk ni Tuhan tu halahi jadi gabe nada adong be dalan ruar di halahi.

HARURUAR 12:31

Laing di borngin i dipio raja i si Musa dohot si Harun ning ia ma, “Kehe ma hamu, sian on! Morot sude! Kehe ma hamu manyomba Debatamunu songon na nipangidomunu i.

HARURUAR 9:21

Tapi halak na asing nada parduli di sipaingot i, ditadingkon do hatobanna bope pahan-pahanan ni halahi di ruar i.

PODA 29:1

Sanga ise na manangkang muda dipaingot, di sada hatiha gabe maropuk jana nada be tarpauli.

JESAYA 28:22

Madung hubege haputusan ni Tuhan Debata Na Markuaso i laho mangago sandok luat. Ulang nayang rohamunu di angka hata na hupalalu on. Mur tu maolna lalu di hamu palua diri!

JEREMIA 20:7

O Tuhan, Ho do mangelek au jana madung hona elekMu au. Gumogo do Ho sian au jana madung dipatunduk Ho au. Dipacia-cia sude halak au, dipalayas sian manyogot lalu tu potang ari.

JEREMIA 43:1

Madung hupalalu sude tona sipalaluonku na sian Tuhan, Debata ni Israel tu rayat i.

JEREMIA 43:2

Jadi didok si Asarya anak ni si Hosaya dohot si Johanan anak ni si Kareah na bulbul i ma tu au, “Margabus do ho. Nada disuru Tuhan Debatanami ho mangorai hami anso ulang kehe maringanan tu Mesir.

JEREMIA 51:6

Palua ma dirimu! Lojongi ma sian Babel ulang jabat dohot hamu hona bunu hara ni dosana! Na mambaloskon hajahatan ni Babel do Au on dohot manguhumisa hombar tu pambaenanna.

JEHESKIEL 20:49

Jadi hudok ma: “O ale Tuhan Debata, didok halahi tu au: Nada he hum angka hata sindiran do didok ia?”

BILANGAN 16:21

“Sumurut ma hamu sian halahi, anso Hubunu halahi saonnari.”

BILANGAN 16:26

Didok si Musa ma tu halak Israel, “Mandao ma hamu sian bandar ni halak na jahat on jana ulang dais hamu sanga tu aha pe arta ni halahi. Muda nada dioloi hamu pusaon ma hamu rap dohot halahi hara ni dosa ni halahi.”

BILANGAN 16:45

“Sumurut ma hamu sian halahi giot bunuonKu halahi di inganan i!” Unduk ma halahi na dua manyomba,

MATEUS 1:18

Songon on ma baritana taringot tu hasosorang ni Jesus Kristus. Dompak martunangan dope si Maria dohot si Josep, hape na dung denggan do pamatangnia. I ma sian kuaso ni Tondi Parbadia. Hum na martunangan dope halahi hatiha i, nada marbagas dope.

MATEUS 9:24

didok Ia ma, “Ruar ma jolo hamu sude! Inda na mate dakdanak on. Na modom do i.” Dipartatai halahi ma Jesus.

LUKAS 24:11

Tapi ning roha ni angka rasul i, carito na so martontu do na nipaboa ni angka dadaboru i, jana nada porsaya halahi disi.

LUKAS 9:42

Jadi hatiha mardalan dakdanak i laho mandapotkon Jesus, digosa setan i ma ia, dung i martoltolan ma pamatangna i. Tapi disonggak Jesus ma begu i jana dipamalum Ia ma dakdanak i. Dung i dipasahat ma dakdanak i mangulahi tu amangna i.

BAENON NI ANGKA RASUL 17:32

Dung dibege angka jolma i taringot tu na mulak mangolu sian na mate, dipartatai na deba ma si Paulus. Adong muse do deba na mandok, “Por dope rohanami manangihon ho mangkobari taringot tusi mangulahi,” ninna.

1 TESSALONIKA 5:3

Muda hatiha didok halak, “Dame do sude jana marsonang-sonang,” jadi disi ma ompot didondoni hamagoan halahi! Nada tarbaen halahi be malua. Songon hancit ni pangkilalaan ni sada ina na giot hipas do hamamasa ni i.