PAMUNGKAAN 19:1 - BIBEL JAMITA NA DENGGAN

¹ Di na lalu surusuruan sidua halak na marsuo dohot si Abraham sinangkinan i di Sodom borngin i, topet ma hatiha juguk si Lot di horbangan ni kota i. Disi diida ia halahi manigor jongjong ma ia mangalo-alo. Manungkap ma ia di jolo ni halahi,

PAMUNGKAAN 19:1 ပူးပေါင်းရင်းမြစ်များ

PAMUNGKAAN 11:27

On ma pomparan ni si Terah: Si Terah ma amang ni si Abram, si Nahor dohot si Haran. Adong ma anak ni si Haran si Lot goarna.

PAMUNGKAAN 13:12

Anggo si Abram laing tinggal do di tano Kanaan, hape anggo si Lot mambaen undung-undung di holang-holang ni angka kota na di rura i lalu tu lambung ni Sodom.

PAMUNGKAAN 18:16

Dung i kehe ma tamu na tolu i dipataru si Abraham. Jadi lalu ma halahi tu sada inganan, tartatap ma tu Sodom sian i.

PAMUNGKAAN 18:22

Jadi kehe ma dua halak sian tamu na tolu i laho tu Sodom, tapi anggo Tuhan laing rap dope dohot si Abraham.

PAMUNGKAAN 19:10

Tapi disurduhon tamu sidua halak na di bagasan i ma tangan ni halahi jana ditarik halahi ma si Lot masuk tu bagas, ditutup halahi muse ma pintu i.

PAMUNGKAAN 19:2

jana didok ia ma, “Loas hamu ma au mangoloi hamu, tuan. Tu bagasta ma hamu masuk. Adong do parbasuan ni pat di bagasta dohot parbornginan. Ancogot tarbaen hamu do sigop ngot lalu paudutkon pardalananmunu.” Tapi dialusi halahi ma, “Tarimakasi ma da, dison pe hami marborngin di alaman ni kota on.”

PAMUNGKAAN 23:12

Gabe manungkap ma si Abraham di adopan ni halak Het i,

PAMUNGKAAN 48:12

Dung i dibuat si Josep ma dakdanak na dua i sian ampuan ni si Jakob, jana tungkap ma ia marsomba di jolo ni amangnia i.

JOB 29:7

Muda rap juguk angka na tobang-tobang ni kota i, jana hubuat ma juguhanku di tonga-tonga ni halahi,

JOB 31:32

Ungkap do pintu ni bagasku di halak na mardalanan; nada jungada hupadiar halahi habornginan di dalan.

MASMUR 69:12

Gabe sihata-hataan ma au di parluhutan ni halak, diendehon angka parmabuk ma salaho tu iba.

LUKAS 17:28

Laing songon na tulus di hatiha ni si Lot, na mangan minum do halahi, na manobusi dohot manggadisi, na manyuan dohot pajongjong bagas halahi.

IBRANI 13:2

Ulang pola gamang hamu manjagit dongan na so haru tangkas dope ditanda hamu. Angke di na patupahon na songon i sian na so pamotoan, madung dijagit ia surusuruan di bagasnia.

RUT 4:1

Jadi kehe ma si Boas tu inganan parsuo-suoan di pintu horbangan ni kota i. Dung juguk ia disi, mamolus ma bayo na nidok ni si Boas kahanggi ni si Elimelek na sumolkot. Jadi dipio si Boas ma ia, “Ro jolo tuson kahanggingku, juguk dison!” Ro ma bayo i lalu juguk.