PAMUNGKAAN 18:8 - BIBEL JAMITA NA DENGGAN

⁸ Dibuat si Abraham ma susu, dohot susu na mata dohot juhut ni anak ni lombu sinangkin, dipasahat ia ma tu jolo ni angka tamunia i. Si Abraham sandiri do mangoloi halahi di toru ni hayu i di na mangan i halahi.

PAMUNGKAAN 18:8 ပူးပေါင်းရင်းမြစ်များ

PAMUNGKAAN 18:7

Dung i dilojongi ia ma tu habanan ni pahan-pahanannia, dipili ia ma sada anak ni lombu na mokmok jana na jeges juhutna, dilehen ia ma tu parkobasnia, na paradehonsa manigor.

PAMUNGKAAN 18:9

Dung i marsapa ma halahi, “Di dia lakna si Sara ripemi?” “Di sadu do di bagasan bandar i,” ning si Abraham.

PAMUNGKAAN 19:3

Sai disosoi si Lot ma halahi, ujungna kehe ma halahi rap dohot ia tu bagasnia. Disuru si Lot ma angka pangoloinia manutungi roti intap ni na tuk jana diparade ia sipanganon na tabo di angka tamu i. Dung singkop sude mangan ma halahi.

NEHEMIA 12:44

Ditugaskon do di hatiha i sanga na piga halak mangawasi angka kamar simpanan inganan ni angka sumbangan tu Bagas Ni Tuhan, masuk ma disi haul parsampuluan dohot gandum maradu parbatu ni suan-suanan na parjolo malamun ganop taon. Angkon palaguton ni angka pangawas i do sumbangan-sumbangan i sian angka ladang na di humaliang ni angka kota. Dipasahat ma sumbangan i tu angka malim dohot angka halak Levi, hombar tu aturan ni Uhum. Diargahon halak Juda do angka malim i dohot halak Levi,

JESAYA 7:15

Angkon panganonnia do susu dohot aer ni loba, lopus diboto ia manulak na jat dohot mamili na denggan.

JESAYA 7:22

Susu ni pahan-pahanan i pe madung lobi sian na tuk laho manggohi haporluan ni partani i tu haporluanna hara ni hurangna bahat ni jolma na mangingani luat i. Tutu do, sanga na piga-piga halak nari na tading di luat i mangan susu ma dohot aer ni loba.

LUKAS 12:37

Martua do angka naposo na nidapot ni tuanna sai painte-intehon harorona. Na tutu do na Hudokkon tu hamu, dihohosi ia ma gontingna, dung i dipajuguk ia ma halahi jana ro ma ia mangoloi halahi.

LUKAS 17:8

Tontu inda! Tapi suhar-suhar ni i do dohononmunu tusia, ‘Parade ma pangananku. Pakean na ias ma pake jana jagoi au hatiha mangan minum au; dung sidung, i pe anso mangan ho.’

LUKAS 24:30

Dung juguk halahi rap mangan, dibuat Jesus ma roti jana didok Ia ma tarimakasi tu Debata, dung i dibola-bola Ia ma roti i dohot tanganNia, dilehen Ia ma tu halahi.

LUKAS 24:43

Dijagit Jesus ma ihan i, laing di jolo ni halahi ma dipangan Ia.

JOHANNES 12:2

Ditamu halahi ma Ia disi, jana dohot ma si Marta mangoloi disi tapi anggo si Lasarus dohot ma ia mangan rap dohot Jesus.

BAENON NI ANGKA RASUL 10:41

nada tu na sabangso on, tapi hum tu hami do, i ma na dung jolo dipili Debata hian gabe saksiNia: Mangan minum do hami rap dohot Ia dung mulak mangolu Ia sian hamatean.

GALATIA 5:13

Na dung dipiohon do hamu angka dongan anso gabe halak na bebas. Tapi ulang ma hara ni na bebas hamu gabe dalan laho mangoloi giot-giotmunu na sai mardosa i. Tapi marsioloan ma hamu sama hamu hara ni holong ni roha.

PANGARATAION 32:14

Dumenggan pahan-pahananna boti bahat susuna; gandum dohot aek ni anggur, i noma na dumengganna.

HALUMBAAN 3:20

Ligi ma! Jongjong do Au di jolo ni pintu manektek. Muda adong halak na umbege sorangKi, gabe dibuka ia pintu i, masuk ma Au mandapotkon ia; mangan ma Au rap dohot ia jana ia rap dohot Au.

HAKIM-HAKIM 13:15

Dung i ninna si Manoah ma tusia, “Dipainte tuan i ma da jolo santongkin. Hami parade jolo anak ni hambeng jara-jara di tuan i.”

HAKIM-HAKIM 5:25

Mangido aek si Sisera, susu do dilehen disia, dadi di mangkuk, i do na patut di raja-raja.