PAMUNGKAAN 18:6 - BIBEL JAMITA NA DENGGAN

⁶ Diompoti si Abraham ma masuk tu bagasan bandarnia i jana didok ia ma tu si Sara, “Ompoti ma buat topung na dumenggan, tutung ma roti intap ni na tuk.”

PAMUNGKAAN 18:6 ပူးပေါင်းရင်းမြစ်များ

PAMUNGKAAN 18:5

Huparade ma jolo nanggo pala indahan sangaum anso margogo na imbaru hamu patoruskon pardalananmunu. Dapotan sangap do au di na maradian on hamu tu bagaskon, hara ni i paloas hamu ma jolo huoloi hamu.” Dialusi halahi ma, “Tarimakasi ma da, hami jagit ma pangidoanmi.”

PAMUNGKAAN 18:7

Dung i dilojongi ia ma tu habanan ni pahan-pahanannia, dipili ia ma sada anak ni lombu na mokmok jana na jeges juhutna, dilehen ia ma tu parkobasnia, na paradehonsa manigor.

PAMUNGKAAN 19:3

Sai disosoi si Lot ma halahi, ujungna kehe ma halahi rap dohot ia tu bagasnia. Disuru si Lot ma angka pangoloinia manutungi roti intap ni na tuk jana diparade ia sipanganon na tabo di angka tamu i. Dung singkop sude mangan ma halahi.

2 SAMUEL 13:6

Dung i modom ma si Amnon di podoman, tarsongon na marnyae. Jadi di na ro Raja Daud mangaligisa, didok si Amnon ma tu amangnia i, “Paloas ma jolo amang ro si Tamar lalu marmasak kue dison anso tarbaen au mangaligi ia, anso lobas au mangan.”

MASMUR 119:60

Huompoti nada pola hupalalap laho mandalankon parentaMu.

JESAYA 32:8

Tapi anggo halak na burju roha sai na tigor do i jana pir do i mampartahankon na tigor.

MATEUS 13:33

Adong dope umpama na asing dicaritohon Jesus tu halak na bahat i. “Anggo Harajaan Ni Banua Ginjang tarsongon ragi do i. Dibuat anak boru i ma ragi i, dicampurkon ia ma tu topung tolu tabung, lopus kombang sude!”

BAENON NI ANGKA RASUL 16:15

Tardidi ma si Lidia dohot halahi na sabagas. Dung nididihon ia, diontang ia ma hami. Didok ia ma tu hami, “Muda na dung tutu do au porsaya tu Tuhan i dietong rohamunu ale angka dongan, antong di bagasku ma hamu manompang,” ning ia. Digogohon ia ma anso laing hami oloi pangidoannia i.

SURAT NI SI PAULUS TU PARLAGUTAN ROM 12:13

Urupi hamu ma na patukkon haporluan ni angka halak na porsaya tu Debata jana sonang ma rohamunu manjagit haroro ni halahi tu bagasmunu.

GALATIA 5:13

Na dung dipiohon do hamu angka dongan anso gabe halak na bebas. Tapi ulang ma hara ni na bebas hamu gabe dalan laho mangoloi giot-giotmunu na sai mardosa i. Tapi marsioloan ma hamu sama hamu hara ni holong ni roha.

IBRANI 13:2

Ulang pola gamang hamu manjagit dongan na so haru tangkas dope ditanda hamu. Angke di na patupahon na songon i sian na so pamotoan, madung dijagit ia surusuruan di bagasnia.

1 PETRUS 4:9

Marsijagitan ma hamu na sada tu na asing di bagasna be, so pola humolos.

HAKIM-HAKIM 6:19

Jadi mulak ma si Gideon, dilompa ia ma sada hambeng jara-jara, dibuat ia ma sampulu kilogram topung, dung i dibaen ia ma roti na so marragi. Dung salpu i dibaen ia ma juhut i di bagasan karanjang, jana kuana i di bagasan hudon, lalu dioban ia ma sudena i jana dipatupa ia tu Surusuruan Ni Tuhan i na paintehon di toru ni bona ni ara i.

1 SAMUEL 28:24

Manigor diompoti anakboru i ma manyambol anak ni lombuna na dung dipamokmoknia, dibuat ia topung jana digudal-gudal ia ma i, lalu ditutung ia gabe roti na so marragi.