PAMUNGKAAN 18:5 - BIBEL JAMITA NA DENGGAN

⁵ Huparade ma jolo nanggo pala indahan sangaum anso margogo na imbaru hamu patoruskon pardalananmunu. Dapotan sangap do au di na maradian on hamu tu bagaskon, hara ni i paloas hamu ma jolo huoloi hamu.” Dialusi halahi ma, “Tarimakasi ma da, hami jagit ma pangidoanmi.”

PAMUNGKAAN 18:5 ပူးပေါင်းရင်းမြစ်များ

PAMUNGKAAN 18:6

Diompoti si Abraham ma masuk tu bagasan bandarnia i jana didok ia ma tu si Sara, “Ompoti ma buat topung na dumenggan, tutung ma roti intap ni na tuk.”

PAMUNGKAAN 19:8

Tangihon hamu ma jolo, adong do dua halak borungku bujing-bujing. Padiar ma hupasahat borungki tu hamu. Padiar ma baen hamu sanga aha por ni rohamunu tu halahi. Tapi anggo tamungki ulang hahua hamu, tamu do da halahi di bagas jana angkon ondihononkon do halahi.”

PAMUNGKAAN 33:10

Ning si Jakob ma, “Ulang ale angkang! Muda hupajop rohamu, jagit ma da antong somba-sombangkon. Anggo di au, hum marnida bohimu madung songon na mida bohi ni Debata, hara ni denggan ni rohamu mida au.

1 RAJA-RAJA 17:11

Di na mardalan anak boru i laho mangalap aek i, pio-pio ma si Elia, “Laing laoskon muse ma jolo roti saotik di au.”

MASMUR 104:15

jana na mangalehen aek ni anggur hasonangan, dohot miak zetun na mambaen tata bohina, maradu panganon na mangalehen hagogoan disia.

JESAYA 3:1

Jana satutuna Tuhan, Tuhan Na Markuaso, giot padaoonNa sian Jerusalem dohot sian Juda sandok jolma na nipangasahon ni halahi, dohot sude parsadiaan panganon dohot siinumon,

MATEUS 6:11

Lehen ma di hami panganonnami na porlu sadari on,

HAKIM-HAKIM 13:15

Dung i ninna si Manoah ma tusia, “Dipainte tuan i ma da jolo santongkin. Hami parade jolo anak ni hambeng jara-jara di tuan i.”

HAKIM-HAKIM 13:16

Tapi didok Surusuruan Ni Tuhan i ma, “Haru hupainte pe dison, nada giot panganonku na niparademi annon. Tapi muda laing na paradeonmu ma, parade ma i songon haul situtungon jana pasahat ma tu Tuhan.” Nada mamoto dope si Manoah bahaso Surusuruan Ni Tuhan do na manghobari dohot ia.

HAKIM-HAKIM 19:5

Di ari paopatkon, sogot sajo dope ngot ma halahi lalu marhobasi laho kehe. Tapi didok amang ni anak boru i ma tu halak Levi i, “Jolo mangan ma hamu anso margogo, baru pe anso kehe hamu.”

HAKIM-HAKIM 6:18

Pangidoanku, sobar ma jolo Tuhan dison lopus huparade sipanganon di Tuhan.” “Denggan,” ninna Tuhan, “Hupainte pe lopus mulak ho.”

HAKIM-HAKIM 6:19

Jadi mulak ma si Gideon, dilompa ia ma sada hambeng jara-jara, dibuat ia ma sampulu kilogram topung, dung i dibaen ia ma roti na so marragi. Dung salpu i dibaen ia ma juhut i di bagasan karanjang, jana kuana i di bagasan hudon, lalu dioban ia ma sudena i jana dipatupa ia tu Surusuruan Ni Tuhan i na paintehon di toru ni bona ni ara i.