PAMUNGKAAN 18:32 - BIBEL JAMITA NA DENGGAN

³² Didok si Abraham ma, “Ulang ma da muruk Ho ale Tuhan, hum sanoli on noma dokkononku. Bia muda adong dapot hum sampulu halak sajo?” Didok Tuhan ma, “Muda adong sampulu halak na so marsala, nada pola abiskononKu kota i.”

PAMUNGKAAN 18:32 ပူးပေါင်းရင်းမြစ်များ

PAMUNGKAAN 18:30

Didok si Abraham ma, “Ulang Ho muruk ale Tuhan, angkon laing mandok hata dope au mangulahi. Bia sugari adong hum tolu pulu halak sajo?” Dialusi Tuhan i ma, “Muda adong dapot Au tolu pulu halak nada patulusonKu i.”

PAMUNGKAAN 18:31

Didok si Abraham ma, “Mangido ampun ma au o Tuhan hara ni habaranionkon mandatdati manghatai dohot Ho. Sugari adong dapot hum dua pulu halak sajo?” Didok Tuhan i ma, “Muda adong dua pulu halak dapot Au, nada pola abiskononKu kota i.”

PAMUNGKAAN 44:18

Jadi ro ma si Juda tu jolo ni si Josep jana didok ia ma, “Ampun tuannami, paloas au jolo mandok hata tu tuan i. Ulang muruk tuan i tu au; sarupa do huetong tuan i dohot raja i sandiri.

JOB 33:23

Betak adong do sahalak surusuruan ni Debata, sian na marribu-ribu i na paingotkon halak, salaho tu sibaenonna, na giot ro manolong ia.

MASMUR 86:5

Angke na burju do Ho ale Tuhan, jana sai mangampuni do Ho sanga ise na martangiang tu Ho sai dihaholongi Ho do.

HARURUAR 32:14

Jadi gabe marpangulahi ma roha ni Tuhan i jana nada tulus didalankon Ia na nitahi ni rohaNia maradopkon bangso i parohon hamamago.

PODA 15:8

Sonang do roha ni Tuhan muda denggan halak martangiang, tapi anggo haul ni halak na jahat ditulak Ia.

JESAYA 65:8

Songon on do pandok ni Tuhan, “Nada ambungkonon batu ni anggur na maraek dope, tapi dibaen do gabe i aek ni anggur. Songon i muse do bangsongKu, nada pasidungonKu. PaluaonKu do sanga ise na mangoloi Au.”

JEREMIA 5:1

O hamu halak Jerusalem, bolus hamu ma angka dalan di kotamu! Jalahi ma disi, jana ligi sandiri ma! Pareso hamu ma di angka tano lapang ni kota i sanga adong do sada halak na tigor na bonar maradopkon Debata. Muda adong do antong, ampunan ni Tuhan ma Jerusalem.

MIKA 7:18

Nada adong Debata na songon Ho, ale Tuhan, na mangampuni dosa ni bangsoMu na teba i. Nada sapanjangna Ho muruk; balik tehe, sonang do rohaMu patuduhon holong ni rohaMu na so marparsuhatan i.

MATEUS 7:7

“Pangido hamu ma, gabe manjagit ma hamu. Jalahi hamu ma, gabe dapotan ma hamu. Tuktuhi hamu ma pintu, gabe dibuka ma pintu i di hamu.

EPESUS 3:20

Markite-hite kuaso ni Debata na marsitutu i markarejo di bagasan dirinta, tarpatupa Debata do dao umbahat dope sian angka na hita pangido dohot na tapikirkon.

HAKIM-HAKIM 6:39

Jadi didok ia ma tu Debata, “Tuhan, ulang muruk Ho muda laing mangkuling au saonnari. Paloas ma au mambaen sada nari pancuboan marhite imbulu ni biri-biri on. Tapi anggo sanoli on, imbulu ni biri-biri on ma nian sugari na tongtong mahiang, hape tanona i gabe maraek.”