PAMUNGKAAN 18:22 - BIBEL JAMITA NA DENGGAN

²² Jadi kehe ma dua halak sian tamu na tolu i laho tu Sodom, tapi anggo Tuhan laing rap dope dohot si Abraham.

PAMUNGKAAN 18:22 ပူးပေါင်းရင်းမြစ်များ

PAMUNGKAAN 18:16

Dung i kehe ma tamu na tolu i dipataru si Abraham. Jadi lalu ma halahi tu sada inganan, tartatap ma tu Sodom sian i.

PAMUNGKAAN 18:17

Dung i didok Tuhan ma di bagasan rohaNia, “Nada pola bunihononKu tu si Abraham sanga aha na giot baenonKu.

PAMUNGKAAN 19:1

Di na lalu surusuruan sidua halak na marsuo dohot si Abraham sinangkinan i di Sodom borngin i, topet ma hatiha juguk si Lot di horbangan ni kota i. Disi diida ia halahi manigor jongjong ma ia mangalo-alo. Manungkap ma ia di jolo ni halahi,

PAMUNGKAAN 19:27

Ancogotna i manyogot, marhobas ma si Abraham laho kehe tu inganan hajongjongannia di jolo ni Tuhan sadari dompak so i.

MASMUR 106:23

Hara ni i gabe tubu di rohaMu laho mangabisi bangsoMi, tapi diambati si Musa, halak na nitodoMi. Ia gabe panonga-nongai di halahi gabe mombun antong rimasMi.

JEREMIA 15:1

Didok Tuhan ma tu au, “Indada ra Au maribo ni roha mida bangso on, haru pe jongjong dison si Musa dohot si Samuel mangido ibo ni roha sian Au tu halahi. Suru ma kehe bangso on; nada jop rohangKu paida-ida halahi.

JEREMIA 18:20

Patut ma he baloskonon hadengganan dohot hajahatan? Hape madung dihuar halahi godung anso madabu au tu bagasan. Ingot ma na dung huondihon halahi di adopanMu anso ulang muruk Ho tu halahi.

JEHESKIEL 22:30

Hujalahi do sian tonga-tonga ni halak Israel i na malo pajongjongkon tembok, sanga jongjong di angka inganan ni tembok na matolbak laho mampartahankon luat i muda ro Au mangaroncohon di bagasan parpiar ni murukKu; hape hum sahalak pe nada adong dapot au.

BAENON NI ANGKA RASUL 7:55

Tapi ditatap si Stefanus na nigohan ni Tondi Parbadia i ma tu langit. Diida ia ma hasangapan ni Debata dohot Jesus na jongjong di siamun ni Debata.

1 TIMOTEUS 2:1

Jadi on ma na hupaingot, anso parjolo nipasahat simora-mora, tangiang dohot mangidohon tu Debata bope mandok tarimakasi tuSia hara ni sude jolma;