PAMUNGKAAN 18:14 - BIBEL JAMITA NA DENGGAN

¹⁴ Adong ma he pangalaho bagi aha na maol di Tuhan lakna? Di hatiha na dung ditontuhon, giot mulak ro Au mandapotkon ho di taon na ro, jana adong ma anak di si Sara.”

PAMUNGKAAN 18:14 ပူးပေါင်းရင်းမြစ်များ

PAMUNGKAAN 17:16

PasupasuonKu ma ia jana tubuhononnia ma sada anak halaklahi na giot lehenonKu di ho. Ligi da, pasupasuonKu ma si Sara, jana gabe ina ni angka bangso ma ia. Sian angka pomparannia, adong ma na gabe angka raja.”

PAMUNGKAAN 17:21

Tapi anggo parjanjianKi, dohot si Ishak do pudunonKu, i ma anakmu na giot tubuhonon ni si Sara taon naro tarsongon on ma hatihana.”

PAMUNGKAAN 18:10

Didok sada halak ma sian halahi, “Di hatiha songon on ma giot mulak ro au mandapotkon ho. Jana disi ma adong anak halaklahi di si Sara ripemi.” Topet do di hatiha i si Sara manangihon di pintu ni bandar i, di pudinia.

PAMUNGKAAN 18:13

Jadi disapai Tuhan ma tu si Abraham, “Biasi martata si Sara jana ganggu ia sanga na tarbaen ia dope manubuhon anak, hara ni na dung matobang ia?

PAMUNGKAAN 18:15

Jadi hara ni biar ni si Sara, disoadahon ia ma i, ning ia ma, “Nanggo na martata Au.” Tapi dialusi Tuhan i ma, “Tutu ma da ho martata.”

PAMUNGKAAN 21:1

Dipasupasu Debata ma si Sara, songon na nijanjihonNa i.

PAMUNGKAAN 21:2

Di hatiha na dung ditontuhon ni Debata hian tu si Abraham, dung matobang si Abraham, denggan ma pamatang ni si Sara, jana sorang ma sada anaknia.

2 RAJA-RAJA 4:16

Jadi didok si Elisa ma tusia, “Taon na ro songon on ma hatihana, marompa anak halaklahi ma ho inang.” “Ulang ma margabus amang!” nina dadaboru i. “Naposo ni Debata do amang!”

JOB 36:5

Na gogo do anggo Debata! Sasudena do disalpui Ia. Sahalak pe nada adong bile diidasa.

JOB 42:2

“Huboto do, na marhagogoan do Ho mambaen bagi aha pe, jana nada jungada sundat sangkapMu.

MASMUR 90:13

Ale Tuhan intap ni andigan sai milas rohaMu? Marpangulahi jana ibo ma rohaMu di angka naposoMon.

MASMUR 93:1

Ale Tuhan, Ho do raja; na godang jana marsahala. Togu do parjongjong ni tano on nada tarbaen matolbak.

MASMUR 95:3

Angke Debata na godang do Tuhan, raja na marsahala mangatasi sandok debata.

JESAYA 50:2

Biasi nada adong na ro umpe sahalak sian bangsongKi, di na ro Au marpio halahi? Adong he na so sanggup Au dietong roha ni halahi paluahonsa umbaen na sip sajo halahi? Nada he sumurut aek ni laut hara ni parentangKu, Hupauba batang aek gabe padang manyahatang, gabe mate ihan sudena?

JEREMIA 32:17

“O ale Tuhan Debata, Ho do na manompa langit dohot tano marhite kuaso dohot hamaloanMu na godang i, nada adong sanga aha na maol di Ho.

JEREMIA 32:27

“Au do Tuhan Debata ni sude jolma. Nada adong na maol di Au.

DANIEL 6:20

Di andostorang i ngot ma raja i, jana mopop ma ia kehe tu liang ni singa i.

MIKA 7:18

Nada adong Debata na songon Ho, ale Tuhan, na mangampuni dosa ni bangsoMu na teba i. Nada sapanjangna Ho muruk; balik tehe, sonang do rohaMu patuduhon holong ni rohaMu na so marparsuhatan i.

ZAKARIA 8:6

Songon on do hata ni Tuhan Na Markuaso: Songon na so porsaya do i anggo di angka na tinggal na mangolu sian bangso i, tapi gabe dohot ma lakna longang Au disi? ninna Tuhan Na Markuaso.

BILANGAN 11:23

Dialusi Tuhan ma, “Marbatas dehe kuasongKu? Idaonmu ma tibu, sanga tulus do na Hudok i sanga nada!”

MATEUS 14:31

Jadi manigor disurduhon Jesus ma tanganNia manangkup si Petrus. Dung i ninna Jesus ma, “Na hurang porsaya do ho, Petrus. Biasi pola ganggu rohamu?”

MATEUS 19:26

Diligi Jesus ma halahi, ning Ia ma, “Anggo di jolma, na so tarbaen do i! Tapi anggo di Debata nada adong na so tarbaen!”

MATEUS 3:9

Dung i ulang didok rohamunu, tarpatigor hamu dirimunu muda didok hamu, ‘Ompungnami do si Abraham.’ Au ma mandok di hamu, sian batu i pe tarbaen Debata do pomparan di si Abraham!

MARKUS 10:27

Jadi dipanotnoti Jesus ma halahi sude, dialusi Ia ma, “Anggo di jolma do, inda tarbaen i. Tapi anggo di Debata tarbaen do i. Angke nada adong sanga aha pe na so tarbaen Debata.”

LUKAS 1:13

Tapi ninna surusuruan i ma tusia, “Ulang ho mabiar Zakaria! Madung dijagit Debata tangiangmi. Sorang ma sada anakmu sian dadaborumu si Elisabet. Angkon si Johannes do goarna baenonmu.

LUKAS 1:18

“Bia do parbinotongku taringot tusi bahaso na tutu do i tarjadi?” ning si Zakaria manyapai surusuruan i. “Ma matobang au, songon i muse dadaborungku na dung matobang muse do.”

LUKAS 1:37

Angke nada adong na so tarpatupa anggo di Debata.”

LUKAS 8:50

Dibege Jesus do na nidok ni bayo i. Gabe didok Jesus ma tu si Jairus, “Ulang ho mabiar, salaku porsaya sajo ma ho, malum do dakdanakmi.”

SURAT NI SI PAULUS TU PARLAGUTAN ROM 4:21

Pos situtu do rohania paboa na tuk do gogo ni Debata patuluskon sanga aha na nijanjihonNia i.

EPESUS 3:20

Markite-hite kuaso ni Debata na marsitutu i markarejo di bagasan dirinta, tarpatupa Debata do dao umbahat dope sian angka na hita pangido dohot na tapikirkon.

PANGARATAION 30:3

jadi gabe ibo ma roha ni Tuhan Debatamunu i mida hamu. ObanonNia ma hamu mangulahi sian angka bangso inganan parserahanmunu i, jana baenonNia ma hamu maduma mangulahi.

PANGARATAION 7:21

Jadi ulang hamu mabiar tu angka bangso i. Tuhan Debatamunu rap dohot hamu. Debata na tongam do Ia; sai habiari hamu ma Ia.

PILIPPI 3:21

Anggo pamatangta na gale boti na ra madangke on, paubaon ni Kristus do i gabe marsangap songon pamatangNia sandiri. Tarbaen do songon i angke adong do kuasoNia laho manaluhon sasudena.

PILIPPI 4:13

Markite-hite kuaso na nilehen ni Kristus i tu au, taradopi au do sude ragam-ragam ni angka na masa.

IBRANI 11:19

Angke dihilala si Abraham, tarbaen Debata do pangoluhon angka na mate. Jadi bolas didok, madung dijagit si Abraham mangulahi si Ishak sian hamatean.

HAKIM-HAKIM 13:3

Tapi sanoli ro ma Surusuruan Ni Tuhan tusia jana didok ma, “Salolotna on na so maruntungan do ho, tapi nada pola sadia honok nari denggan ma pamatangmu. Jadi tubuhononmu ma sada anak halaklahi.

1 SAMUEL 14:6

Jadi didok si Jonatan ma tu doli-doli i, “Beta tu benteng ni Pilistin kapir i. Betak na tolongan ni Tuhan do hita. Angke tarlehen Tuhan do hamonangan, marhite bahat halak bope marhite na saotik halak.”