PAMUNGKAAN 18:12 - BIBEL JAMITA NA DENGGAN

¹² Jadi gabe martata ma si Sara di bagasan rohania, didok ia ma, “Saonnari dung matobang au boti madung markerut, adong dope luai jop ni roha di au rap dohot halaklahingku boti na dung matobang?”

PAMUNGKAAN 18:12 ပူးပေါင်းရင်းမြစ်များ

PAMUNGKAAN 17:17

Gabe manungkap ma si Abraham, tapi mikim do ia di na nipikirnia, “Mungkin do lakna sada halaklahi na marumur saratus taon mardakdanak? Mungkin dope ulaning adong anak ni si Sara na marumur sambilan pulu taon i?”

PAMUNGKAAN 18:13

Jadi disapai Tuhan ma tu si Abraham, “Biasi martata si Sara jana ganggu ia sanga na tarbaen ia dope manubuhon anak, hara ni na dung matobang ia?

2 RAJA-RAJA 4:16

Jadi didok si Elisa ma tusia, “Taon na ro songon on ma hatihana, marompa anak halaklahi ma ho inang.” “Ulang ma margabus amang!” nina dadaboru i. “Naposo ni Debata do amang!”

MASMUR 126:2

Sai torus do hita martata jana marende marjop ni roha gabe jabat dipardokkoni angka bangso na asing, “Godang ma tutu na nipatupa ni Tuhan tu halahi!”

MASMUR 45:11

Hajogian ni rupamu mambaen tartarik roha ni raja i, ia do tuanmu, oloi ma i.

EPESUS 5:33

Tapi laing adong do hahonaan ni ayat i tu hamu: Dihaholongi ganop halaklahi ma dadaboruna, songon dia ma rupani dirinia sandiri dadaboruna i, jana ganop dadaboru angkon pasangapkon halaklahina.

1 PETRUS 3:6

Si Sara pe laing songon i do. Pangoloi situtu do ia tu si Abraham jana “Tuan” do dipio ia si Abraham. Saonnari angka boru ni si Sara ma hamu, muda dibaen hamu angka na denggan jana nada pola mabiar hamu mida bagi aha pe.

HAKIM-HAKIM 19:26

Di andostorang mulak ma anak boru i, tapi di jolo ni pintu ni bagas ni na tobang-tobang i, inganan parbornginan ni halaklahinia i, tinggang ma ia. Dung bincar mataniari, laing disi dope ia.