PAMUNGKAAN 18:1 - BIBEL JAMITA NA DENGGAN

¹ Dipataridahon Tuhan ma diriNa tu si Abraham di lambung ni harangan inganan ni paribadatan na di Mamre. Santak milas ni ari hatiha i, jana topet ma si Abraham juguk di pintu ni bandarnia i.

PAMUNGKAAN 18:1 ပူးပေါင်းရင်းမြစ်များ

PAMUNGKAAN 12:7

Dipatidahon Tuhan ma diriNa tu si Abram jana didok ma, “Luat on ma da na giot lehenonKu di pomparanmu.” Jadi dipajongjong ia ma sada langgatan di inganan i di Tuhan na patidahon diriNa tusia.

PAMUNGKAAN 13:18

Dung i dipaimbar si Abram ma inganan ni undung-undungnia jana maringanan di lambung ni harangan inganan paribadatan na di Mamre donok tu Hebron ma ia torus. Jana disi ma dipajongjong ia langgatan di Tuhan.

PAMUNGKAAN 14:13

Tapi adong ma sahalak na luncat jana dipaboa ia ma sude na masa i tu si Abram, halak Ibrani i. Donok tu harangan paribadatan nampuna ni si Mamre, halak Amori i do inganan ni si Abram. Dongan ni si Abram do si Mamre dohot kahangginia si Eskol dohot si Aner.

PAMUNGKAAN 15:1

Dung i dijagit si Abram ma sada halumbaan, jana dibege ia ma Tuhan mandok tusia, “Ulang ho mabiar Abram, Au do mangondingi ho sian parmaraan, jana lehenonKu ma tu ho upa bahat.”

PAMUNGKAAN 17:22

Dung sidung Debata na mandok hata i tu si Abraham, kehe muse ma Debata manadingkon ia.

PAMUNGKAAN 18:22

Jadi kehe ma dua halak sian tamu na tolu i laho tu Sodom, tapi anggo Tuhan laing rap dope dohot si Abraham.

PAMUNGKAAN 20:1

Bungkas ma si Abraham sian Mamre tu sabola Selatan ni tano Kanaan, jana disi noma ia maringanan di antara ni Kades dohot Sur. Dung adong sadia honok di na niinganannia Gerar,

PAMUNGKAAN 26:2

Dibaen ia songon i mardomu na dung dipataridahon Tuhan do diriNa tusia jana didok, “Ulang kehe ho tu Mesir, dison ma ho maringanan, laing songon na Hudokkon tu ho.

PAMUNGKAAN 35:27

Jadi kehe ma si Jakob mandapotkon si Ishak amangnia i di Mamre di lambung ni Hebron. I ma inganan ni si Ishak amangnia dohot ompungnia si Abraham.

PAMUNGKAAN 48:3

Didok si Jakob ma tu si Josep, “Madung dipataridahon Debata Na Markuaso i diriNa tu au di Lus na di tano Kanaan jana ma dipasupasu Ia au.

2 JUJUR TAON 1:7

Bornginna i dipataridahon Debata ma diriNa tu si Salomo jana didok ma, “Aha do giotmu silehenonKu di ho?”

HARURUAR 4:1

Dung i ninna si Musa ma mangalusi Debata, “Bia ma muda nada porsaya halak Israel jana nada ditangihon halahi hatangku? Aha ma sibaenonku muda didok halahi nada adong ro Tuhan tu au?”

BAENON NI ANGKA RASUL 7:2

Dialusi si Stefanus ma, “Hamu ale angka dongan bope angka amanami! Tangihon hamu ma jolo na hudok on! Dompak so bungkas ompunta si Abraham tu Haran, hatiha di Mesopotamia dope ia, ro ma Debata na marmulia i tusia

IBRANI 11:9

Mardongan haporsayaan tu Debata, songon halak na ro do si Abraham di luat na nijanjihon ni Debata i tusia. Maringanan ma si Abraham disi di bagasan bandar. Laing songon i do si Ishak dohot si Jakob na dung dohot manjagit janji i sian Debata.

IBRANI 13:2

Ulang pola gamang hamu manjagit dongan na so haru tangkas dope ditanda hamu. Angke di na patupahon na songon i sian na so pamotoan, madung dijagit ia surusuruan di bagasnia.

JOSUA 5:13

Jadi dompak di lambung ni Jeriko si Josua, ompot ma diida ia sada bayo na jongjong di jolonia manyintak podang. Didapotkon si Josua ma bayo i lalu disapai ia, “Dongan dehe ho sanga na alo?”