Gabe manungkap ma si Abraham, tapi mikim do ia di na nipikirnia, “Mungkin do lakna sada halaklahi na marumur saratus taon mardakdanak? Mungkin dope ulaning adong anak ni si Sara na marumur sambilan pulu taon i?”
Didok Debata ma muse, “Au do Debata ni ompumu, Debata ni si Abraham, si Ishak dohot si Jakob.” Gabe ditutupi si Musa ma bohinia, dibaen biarnia marnida Debata.
Jadi kehe ma au tu rura, jana huida ma disi sinondang na marsilo na patuduhon haroro ni Tuhan songon na huida di topi ni Batang aek Kebar. Dung i tungkap ma au tu tano,
Salolot mardalan na manyamboli i, sasada au do disi. Manungkap ma au jana pio-pio, “O Tuhan Debata, songon i ma he murukMu tu Jerusalem jabat do bunuonMu sude halak na adong dope di Israel on?”
Tapi dipaunduk si Musa dohot si Harun ma manyomba lalu didok halahi, “Ale Debata, Ho do na mangalehen hangoluan tu sude na mangolu. Muda mardosa sahalak, sude dehe halak na bahat on muruhanMu?”
“Nada dongan, jana nada alo,” ning bayo i mangalusi. “Panglima ni tentara ni Tuhan do au dison.” Manungkap ma si Josua, marsomba jana didok ia ma, “Aha do na giot dohonon ni Tuanku di naposomon?”
Di na mangaligi au tuSia, tungkap ma au tu joloNia songon halak na dung mate. Tapi dibaen Ia ma tu au tangan siamunNia didok Ia ma, “Ulang ho mabiar! Au do Na Parjolo dohot Na Parpudi.
Jadi taran martimbual timus ni haul i tu ginjang sian langgatan i, diida si Manoah dohot dadaborunia i ma Surusuruan Ni Tuhan i manaek tu ginjang di bagasan jilam ni api i adop langit. Jadi gabe unduk ma ia dohot dadaborunia marsomba.