PAMUNGKAAN 17:21 - BIBEL JAMITA NA DENGGAN

²¹ Tapi anggo parjanjianKi, dohot si Ishak do pudunonKu, i ma anakmu na giot tubuhonon ni si Sara taon naro tarsongon on ma hatihana.”

PAMUNGKAAN 17:21 ပူးပေါင်းရင်းမြစ်များ

PAMUNGKAAN 17:19

Tapi didok Debata ma, “Nada ale. Tubuhonon ni si Sara ripemi do anak halaklahi, jana baen ma goarna si Ishak. Torus do tioponKu parjanjianKu tu dakdanak i dohot tu pomparanmu salolot-lolotna.

PAMUNGKAAN 18:10

Didok sada halak ma sian halahi, “Di hatiha songon on ma giot mulak ro au mandapotkon ho. Jana disi ma adong anak halaklahi di si Sara ripemi.” Topet do di hatiha i si Sara manangihon di pintu ni bandar i, di pudinia.

PAMUNGKAAN 18:14

Adong ma he pangalaho bagi aha na maol di Tuhan lakna? Di hatiha na dung ditontuhon, giot mulak ro Au mandapotkon ho di taon na ro, jana adong ma anak di si Sara.”

PAMUNGKAAN 21:1

Dipasupasu Debata ma si Sara, songon na nijanjihonNa i.

PAMUNGKAAN 46:1

Dihobasi si Jakob ma sude sinadongannia lalu kehe ma ia tu Berseba laho pasahatkon haul tu Debata na nisomba ni si Ishak amangnia i.

PAMUNGKAAN 48:15

Dung i dipasupasu ia ma si Josep, didok ia ma, “Debata do na nisomba ni si Abraham dohot si Ishak, laing ia do na manogu au lopus saonnari;

JOB 14:13

Paloas au martabuni di portibi ni halak na mate i. Linggomi ma au lopus di parmombun ni murukMu. Tapi tontuhon hatihana laho marningot tu diriniba.

HARURUAR 2:24

Dibege Debata do angguk-angguk ni halahi, jana diingot Ia do janjiNa tu si Abraham, si Ishak dohot si Jakob.

HARURUAR 3:6

Didok Debata ma muse, “Au do Debata ni ompumu, Debata ni si Abraham, si Ishak dohot si Jakob.” Gabe ditutupi si Musa ma bohinia, dibaen biarnia marnida Debata.

LUKAS 1:55

I ma janji na patuduhon haburjuonNia tu si Abraham dohot tu sude pomparannia sapanjangna.”

LUKAS 1:72

Anso markite-hite i ma dipatuduhon Ia haburjuon ni rohaNia tu angka ompunta jana digohi Ia do janjiNia na badia i.

BAENON NI ANGKA RASUL 1:7

Dialusi Jesus ma, “Damang do na umboto taringot tu ari dohot hatiha ni i. Nada porlu botoonmunu i, angke kuaso ni Damang do i.

SURAT NI SI PAULUS TU PARLAGUTAN ROM 9:9

Angke songon on do janji ni Debata, “Di hatiha na dung ditontuhon, mulak ma Au ro jana adong ma sada anak halaklahi ni si Sara.”

GALATIA 3:29

Muda nampuna ni Kristus do hamu, gabe pomparan ni si Abraham ma hamu. Marhak do hamu manjagit sanga aha na dung nijanjihon ni Debata.

IBRANI 11:9

Mardongan haporsayaan tu Debata, songon halak na ro do si Abraham di luat na nijanjihon ni Debata i tusia. Maringanan ma si Abraham disi di bagasan bandar. Laing songon i do si Ishak dohot si Jakob na dung dohot manjagit janji i sian Debata.