PAMUNGKAAN 17:17 - BIBEL JAMITA NA DENGGAN

¹⁷ Gabe manungkap ma si Abraham, tapi mikim do ia di na nipikirnia, “Mungkin do lakna sada halaklahi na marumur saratus taon mardakdanak? Mungkin dope ulaning adong anak ni si Sara na marumur sambilan pulu taon i?”

PAMUNGKAAN 17:17 ပူးပေါင်းရင်းမြစ်များ

PAMUNGKAAN 17:18

Gabe disapai ia ma tu Debata, “Biasi lakna nada si Ismael na gabe panean di au?”

PAMUNGKAAN 17:3

Gabe manungkap ma si Abram, dung i didok Debata ma,

PAMUNGKAAN 18:11

Madung tobang sajo si Abraham dohot si Sara jana si Sara pe madung manyampul.

PAMUNGKAAN 18:12

Jadi gabe martata ma si Sara di bagasan rohania, didok ia ma, “Saonnari dung matobang au boti madung markerut, adong dope luai jop ni roha di au rap dohot halaklahingku boti na dung matobang?”

PAMUNGKAAN 21:5

Marumur saratus taon ma si Abraham di parsorang ni si Ishak.

PAMUNGKAAN 21:6

Jana didok si Sara ma, “Ma martata au dibaen Debata hara ni jop ni roha. Sanga ise na umbege pangalaho on, gabe martata ma rap dohot au.”

PAMUNGKAAN 21:7

Dung i laing didok ia dope, “Ise ma he mandok tu halaklahingku na salpu on, na giot pasusuhon anak si Sara? Hape angkon laing sorang dope anak sian au haru pe ma matobang situtu halaklahingku.”

1 JUJUR TAON 21:16

Diida si Daud do habang-habang surusuruan i di antara ni langit dohot tano. Marpodang do surusuruan i tiop di tanganna songon na laho mangaroncohon Jerusalem. Jadi marabit goni ma si Daud dohot angka pamimpin ni Israel tanda ni solsol ni roha, manungkap tu tano.

JOB 1:20

Jadi jongjong ma si Job, jana disibakkon ia ma pakeannia tanda ni marsakna. Dicukur ia ma ulunia, marsomba ma ia mandok,

JEHESKIEL 1:28

jana marrupa-rupa songon halibutongan. I ma da hatiuran na marhillong na patuduhon haroro ni Tuhan.

DANIEL 8:17

Jadi ro ma ia tu inganan hajongjonganki, jana dompak ro ia tarsonggot ma au jana manungkap, dung i didok ia ma tu au, “Antusi ma, o anak ni jolma taringot tu ari parpudi do parnidaan on!”

HAMALIMON 9:24

Dung i dipaijur Tuhan ma api na manutung sude haul situtungon dohot goar-goaran na martabo-tabo di ginjang ni langgatan i. Di na niida ni angka jolma i na masa i, sude ma halahi marsurak jana unduk manyomba.

BILANGAN 14:5

Gabe dipaunduk si Musa dohot si Harun ma di jolo ni halak na bahat i.

BILANGAN 16:22

Tapi dipaunduk si Musa dohot si Harun ma manyomba lalu didok halahi, “Ale Debata, Ho do na mangalehen hangoluan tu sude na mangolu. Muda mardosa sahalak, sude dehe halak na bahat on muruhanMu?”

BILANGAN 16:45

“Sumurut ma hamu sian halahi giot bunuonKu halahi di inganan i!” Unduk ma halahi na dua manyomba,

MATEUS 2:11

Masuk ma halahi tu bara i, diida halahi ma Dakdanak i dohot si Maria inangNia i. Dung i dibuat halahi ma panyimpanan ni silua ni halahi, marsomba ma halahi pasahatkon silua, angka sere, hamonyan dohot miak na huskus.

LUKAS 1:18

“Bia do parbinotongku taringot tusi bahaso na tutu do i tarjadi?” ning si Zakaria manyapai surusuruan i. “Ma matobang au, songon i muse dadaborungku na dung matobang muse do.”

JOHANNES 8:56

Na jopan do roha ni si Abraham amangmunu i laho marnida aringKu. Madung diida Ia i jana jop rohaNia!”

PANGARATAION 9:18

Dung i manungkap au sanoli nari di jolo ni Tuhan di puncut ni dolok i opat pulu ari opat pulu borngin lolotna, nada mangan nada minum. Hubaen pe songon i hara ni na dung mardosa do hamu maradopkon Tuhan jana muruk Ia dibaen hamu.

PANGARATAION 9:25

Gabe manungkap ma au di jolo ni Tuhan opat pulu ari opat pulu borngin, angke huboto do anggo Tuhan madung putus rohaNia laho mamusa hamu.

JOSUA 5:14

“Nada dongan, jana nada alo,” ning bayo i mangalusi. “Panglima ni tentara ni Tuhan do au dison.” Manungkap ma si Josua, marsomba jana didok ia ma, “Aha do na giot dohonon ni Tuanku di naposomon?”

JOSUA 7:6

Songon i noma arsak ni si Josua dohot angka pamimpin ni Israel jabat disibak-sibak halahi pakean ni halahi jana sadari i lopus tu borngin sai manungkap ma halahi di jolo ni Poti Parjanjian ni Tuhan marsibaen abuan tu ulu ni halahi be tanda ni siluluton i.

HALUMBAAN 11:16

Angka pamimpin sidua pulu opat halak na juguk di habangsa ni halahi na di jolo ni Debata i pe, manungkap ma jana marsomba tu Debata.

HALUMBAAN 5:8

Jadi taran songon i dope, manungkap ma mahluk na opat i dohot pangituai sidua pulu opat halak i di joloNia. Marsitiop hasapina do pangituai na dua pulu opat halak i dohot mangkuk sere na marisi hamonyan, i ma angka tangiang ni halak na badia.

HAKIM-HAKIM 13:20

Jadi taran martimbual timus ni haul i tu ginjang sian langgatan i, diida si Manoah dohot dadaborunia i ma Surusuruan Ni Tuhan i manaek tu ginjang di bagasan jilam ni api i adop langit. Jadi gabe unduk ma ia dohot dadaborunia marsomba.