PAMUNGKAAN 17:14 - BIBEL JAMITA NA DENGGAN

¹⁴ Ganop halaklahi na so nisunat nada masuk be i gabe bangsongKu angke nada togu ditiop ia parjanjian i.”

PAMUNGKAAN 17:14 ပူးပေါင်းရင်းမြစ်များ

PAMUNGKAAN 17:15

Dung i didok Debata dope tu si Abraham, “Ulang be si Sarai piohon goar ni ripemi, mamungka saonnari si Sara noma goarnia.

PAMUNGKAAN 34:14

Didok halahi ma tu na dua i, “Maila ma hami muda hami isinkon ibotonami i marbagas dohot halak na so marsunat dope.

MASMUR 55:20

Donganku humani mangalo angka donganna, disoadahon ia janjinia.

HARURUAR 12:15

Didok Tuhan, “Pitu ari honokna nada tola panganonmunu roti na marragi. Di ari parjolo, nada tola adong ragi di bagasmunu, angke muda adong halak mangan roti na marragi di bagasan pitu ari i, nada etongon be ia bangsongKu.

HARURUAR 12:19

Di bagasan na pitu ari i, nada tola simpanonmunu ragi di bagasmunu. Betak adong halak, bope halak Israel, bope halak na asing mangankon roti na marragi, nada tola etongon be i sahalak sian bangsongKu.”

HARURUAR 30:33

Sanga ise mambaen miak na songon i, sanga mamakesa sanga na tu ise pe na so malim, nada sietongon be i songon sahalak sian bangsongKu.”

HARURUAR 30:38

Sanga ise na mambaen na huskus sisongon i nada sietongon be songon sada halak sian bangsongKu.”

JESAYA 24:5

Hodar ma tano on patunda ni na nilaosan ni pangisina angka parenta, na manguba aturan jana manggagai janji.

JESAYA 33:8

Angka dalan godang gabe gok parmaraan, nada puluk halak be mamolussa. Dijua do parjanjian jana dilaosi partahian. Nada adong be na dipasangap.

JEREMIA 11:10

Madung dipambaeni halahi dosa na nibaen ni ompu ni halahi narobi; disomba halahi do angka debata jana nada ra halahi mangoloi parentangKu. Rap mangalaosi do halak Israel dohot Juda di parjanjian na Hubaen dohot ompu ni halahi.

JEREMIA 31:32

Tapi nada sarupa parjanjian i dohot parjanjian na Hubaen tu ompu ni halahi di na Hutogu halahi haruar sian Mesir. Haru pe Au songon halaklahi ni halahi, tapi digagai halahi do parjanjianKu dohot halahi.

JEHESKIEL 44:7

Madung dipahodar halahi BagasKu, angke taran manghaulkon tabo-tabo dohot mudar ni haul i tu Au dipaloas halahi do masuk tu bagasan angka halak sileban na so marsunat jana na so marpangoloion tu Au. Markite-hite angka parbuatan ni halahi na nihagigihon i, dilaosi halahi do parjanjianKu dohot halahi.

HAMALIMON 18:29

Boto hamu ma, sanga ise na mangkarejohon karejo sihagigian i, angkon agohonon ma ia sian tonga-tonga ni bangsona.

HAMALIMON 19:8

Sanga ise mangankon juhut i, madung sala ia angke barang na dung mardohonan tu Au gabe songon barang hasomalan dibaensa. Nada etongon be halak na songon i halakKu.

HAMALIMON 23:29

Sanga ise na mangan bagi aha di ari i, nada etongon be ia halak ni Debata.

HAMALIMON 7:25

Halak na mangankon tabo-tabo ni binatang haru pe tabaen do i nian gabe haul tu Debata, nada etongon be i halak ni Debata.

HAMALIMON 7:27

Sanga ise na mangalaosi aturan on, nada etongon be i halak ni Debata.

BILANGAN 9:13

Tapi halak na ias mangihutkon ugamo nada muse di pardalanan ia, hape nada dipestahon ia Paskah i, nada etongon be halak i bangsongKu, angke nada dihaulkon ia haul tu Au di ari na dung ditontuhon. Taononnia ma panginona ni dosania i.

1 KORINTUS 11:27

Jadi hara ni i, sanga ise na mangan roti ni Tuhan sanga manginum anggurNia di dalan na so patut, mardosa do ia tu pamatang bope tu mudar ni Tuhan i.

1 KORINTUS 11:29

Angke, barang ise na mangan dohot minum, tapi nada diokui na pamatang ni Tuhan do i, na parohon uhuman do i tu pamatangna sandiri.