PAMUNGKAAN 17:13 - BIBEL JAMITA NA DENGGAN

¹³ Ganop halak na sorang di bagasmu dohot halak na nitobusanmu dohot hepeng angkon disunat, jana di dagingmu do parjanjianKu salolot ni lolotna.

PAMUNGKAAN 17:13 ပူးပေါင်းရင်းမြစ်များ

PAMUNGKAAN 14:14

Dung tarboto tu si Abram na dung tartangkup anak ni angginia i, dipalagut ia ma sude jolma na adong di bandarnia i, i ma angka na malo marporang 318 halak bahatna, dikojar halahi ma raja si opat halak i lopus tu Dan.

PAMUNGKAAN 15:3

So na adong anak dilehen Ho di iba, gabe sahalak sian hatoban i ma na manean sinadonganki.”

PAMUNGKAAN 17:7

Paingot-ingotonKu do janjingKu na tu ho dohot tu pomparanmu marsundut-sundut jana hot do janjingKu salolot-lolotna. Au ma gabe Debatamu jana Debata ni pomparanmu.

PAMUNGKAAN 37:27

Tagadis ma tu halak Ismael i. Jadi nada porlu parkancitanta ia; sanga na bia pe laing na angginta do da ia, dongan samudarta.” Gabe satuju ma angka kahangginia i di usul i,

PAMUNGKAAN 37:36

Jadi dung lalu di Mesir, manigor digadis halak Midian i ma si Josep tu si Potifar, i ma sada halak parpangkat na gabe kapala ni pangawal ni bagas godang.

PAMUNGKAAN 39:1

Anggo si Josep madung dioban angka halak Ismael i tu Mesir jana digadis tu si Potifar, i ma sahalak parpangkat na gabe kapala ni pangawal ni bagas godang.

PAMUNGKAAN 9:16

Sanga andigan tarida halibutongan di ombun i, idaonKu ma i jana ingotonKu ma parjanjianKu na hot i, antara Au dohot sandok na mangolu di tano on.

NEHEMIA 5:5

Nada he laing halak Jahudi hami? Nada he dos dakdanaknami dohot angka dakdanak Jahudi na asing i? Haru songon i pe tarpaksa hami padiar angka dakdanaknami i gabe hatoban. Adong dope tehe sian angka borunami na gabe hatoban sigadison. Nada adong be gogonami harana ladang dohot kobun anggurnami madung hami gadehon.”

NEHEMIA 5:8

jana hudok ma, “Sagogonami do hami baen manobus angka kahangginami halak Jahudi na tarpaksa manggadis dirina tu bangso na asing. Hape saonnari hamu muse noma mamaksa halahi manggadis dirina tu hamu, haru pe nian laing halak Jahudi do halahi!” Nada taralusi angka pamimpin i sangkababa hata pe.

HARURUAR 12:44

Tapi anggo angka hatoban na nitobusanmunu tola do dohot mangankon muda dung disunat halakna i.

HARURUAR 21:16

Sanga ise na manangkup halak, anso gadisonna sanga parhatobanonna, angkon mate niuhuman.

HARURUAR 21:2

Muda adong sian hamu na manobusi hatoban halak Ibrani, parhatoban hamu ma i onom taon honokna. Di taon papituhon angkon paluaonmunu ma ia so pola margarar sanga na aha.

HARURUAR 21:4

Muda dipabagas tuanna i do ia jana adong dakdanaknia, anggo dadaborunia dohot dakdanaknia i, nampuna ni tuanna i do i, jana sasada ia do kehe muda dung dapot hatihana malua ia.

HAMALIMON 22:11

Tapi anggo angka hatoban ni malim, na ditobusi dohot hepeng ni malim i sandiri sanga na sorang di bagas ni malim, tola do mangankon panganon na nijagit ni malim i.

MATEUS 18:25

nada targararsa be utangna i. Jadi didok raja i ma anso nigadis bayo i rap dohot sude halahi na sabagas dohot sude sinadongannia laho manggarar utangnia i.