PAMUNGKAAN 17:11 - BIBEL JAMITA NA DENGGAN

^11-12 Mamungka saonnari angkon pasunatkononmu ma ganop anak halaklahi na baru sorang na marumur salapan ari, dohot do disi angka hatoban na sorang di bagasmu dohot angka hatoban na nitobusanmu sian halak na asing. Sunat i ma na gabe tanda na tarida paboa na hot parjanjian i antara ho dohot Au.

PAMUNGKAAN 17:11 ပူးပေါင်းရင်းမြစ်များ

PAMUNGKAAN 9:12

Songon tanda ni parjanjian, salolot ni lolotna na Hubaen dohot hamu bope dohot angka na mangolu,

2 SAMUEL 3:14

Dung salpu i disuru si Daud muse ma utusannia tu si Isboset maroban tona, “Paulak ma antong tu au si Mikal dadaborungki. Na dung hugarari do i dohot saratus sibur-sibur ni halak Pilistin.”

HARURUAR 12:48

Halak na so disunat nada tola dohot mangankon panganon pesta i. Betak adong sian halak na leban na dung hot rap dohot hamu na malungun dohot mamestahon Paskah i laho pasangap Debata, angkon jolo sunatonmunu do angka halaklahi na adong di bagasnia i. Dung i angkon etongonmunu do halahi songon halak Israel asli jana tola ma ia dohot mamestahon Paskah i.

HARURUAR 4:25

Dibuat si Zipora dadaborunia i ma batu na tajom, dihorotkon ia ma tu sibur-sibur ni anaknia i, jana didaiskon ia ma tu pat ni si Musa. Ninna si Zipora, “Pangoli mudar do ho di au.”

BAENON NI ANGKA RASUL 7:8

Dung didok Debata songon i, dipudun Debata ma janji i markite-hite sunat. Jadi hara ni i, dung sorang si Ishak anak ni si Abraham disunat ma ia dung marumur salapan ari. Si Ishak pe disunat ia ma anaknia, i ma si Jakob. Si Jakob pe disunat ia muse ma dakdanaknia na dua bolas i, i ma na gabe ompu parsadaan ni halak Israel.

SURAT NI SI PAULUS TU PARLAGUTAN ROM 4:11

Dijagit ia do tanda sunat i songon cap ni hatigoran markite-hite haporsayaan na nipatuduhonnia taran so disunat dope ia. Markite na songon i ma ia gabe ompu ni sude na porsaya na so marsunat, anso diparetongkon ma hatigoran i tu halahi.

PANGARATAION 10:16

Jadi mamungka sian saonnari, sai marpangoloion ma hamu tu Tuhan jana ulang be marjogal ni roha hamu.

JOSUA 5:3

Dibaen si Josua ma songon na niparentahon ni Tuhan tusia. Disunat si Josua ma angka halak Israel di inganan na margoar Dolok Panyunatan.