PAMUNGKAAN 17:10 - BIBEL JAMITA NA DENGGAN

¹⁰ Angkon ra do ho dohot pomparanmu sudena pasunatkon ganop anak halaklahi na adong di hamu.

PAMUNGKAAN 17:10 ပူးပေါင်းရင်းမြစ်များ

PAMUNGKAAN 17:11

Mamungka saonnari angkon pasunatkononmu ma ganop anak halaklahi na baru sorang na marumur salapan ari, dohot do disi angka hatoban na sorang di bagasmu dohot angka hatoban na nitobusanmu sian halak na asing. Sunat i ma na gabe tanda na tarida paboa na hot parjanjian i antara ho dohot Au.

PAMUNGKAAN 17:23

Laing di na sadari i dioloi si Abraham ma Debata, dipasunatkon ia ma si Ismael anaknia i dohot sude halaklahi na di bagasnia, dohot angka hatoban na sorang di bagasnia bope na nitobusannia.

PAMUNGKAAN 17:27

rap dohot sude hatoban ni si Abraham.

PAMUNGKAAN 21:4

Jana di na marumur salapan ari si Ishak, disunat si Abraham ma ia hombar tu parenta na nidok ni Debata.

PAMUNGKAAN 34:15

Muda oloannami pe i angkon jolo gok do sarat na sada on: Angkon dos hamu dohot hami, artina, angkon marsunat do sude halaklahi sian hamu.

PAMUNGKAAN 34:22

Tapi adong do sada saratna anso ra halahi tinggal di tonga-tonganta jana gabe sabangso hita. Songon on ma: Sude halaklahi sian hita angkon nisunat songon halahi.

HARURUAR 12:48

Halak na so disunat nada tola dohot mangankon panganon pesta i. Betak adong sian halak na leban na dung hot rap dohot hamu na malungun dohot mamestahon Paskah i laho pasangap Debata, angkon jolo sunatonmunu do angka halaklahi na adong di bagasnia i. Dung i angkon etongonmunu do halahi songon halak Israel asli jana tola ma ia dohot mamestahon Paskah i.

HARURUAR 4:25

Dibuat si Zipora dadaborunia i ma batu na tajom, dihorotkon ia ma tu sibur-sibur ni anaknia i, jana didaiskon ia ma tu pat ni si Musa. Ninna si Zipora, “Pangoli mudar do ho di au.”

JEREMIA 4:4

Tiop ma janjimu dohot Au Tuhanmu, jana hapunjungkon ma dirimu di Au, ale halak Juda dohot Jerusalem. Muda nada, gilap ma murukKu jana manutungi songon api na so haintopan sanga na ise pe, hara ni sude angka parbuatanmunu na jahat i.”

JOHANNES 7:22

Dibaen si Musa do paraturan di hamu, angkon sunatonmunu sude dakdanakmunu. Jana laing manyunat halak do hamu di Ari Sabat. (Anggo satutuna nada si Musa na parjolo mamungka manyunat halak, tapi angka ompunta na mangolu dompak so si Musa do.)

BAENON NI ANGKA RASUL 7:8

Dung didok Debata songon i, dipudun Debata ma janji i markite-hite sunat. Jadi hara ni i, dung sorang si Ishak anak ni si Abraham disunat ma ia dung marumur salapan ari. Si Ishak pe disunat ia ma anaknia, i ma si Jakob. Si Jakob pe disunat ia muse ma dakdanaknia na dua bolas i, i ma na gabe ompu parsadaan ni halak Israel.

SURAT NI SI PAULUS TU PARLAGUTAN ROM 2:28

Harana anggo halak Jahudi na tutu, nada hum na niida ni mata sajo halahi Jahudi; jana halak na tutu-situtu marsunat, nada hum na tarida di pamatangna sajo na marsunat.

SURAT NI SI PAULUS TU PARLAGUTAN ROM 3:25

Jesus Kristus do na nipatumbuk ni Debata, gabe haul pardengganan markite-hite haporsayaan di mudarNia anso dipatidahon Ia hatigoranNia, angke dipadiar Ia do dosa i di hatiha hasobaranNia.

SURAT NI SI PAULUS TU PARLAGUTAN ROM 3:28

Antong songon on noma etongon ni rohanta: Markite-hite haporsayaan do jolma i dipatigor, nada hara ni na mangkarejohon Tona i.

SURAT NI SI PAULUS TU PARLAGUTAN ROM 3:30

Angke na sasada i do Debata, na patigorkon angka na marsunat markite-hite haporsayaan, laing songon i angka na so marsunat markite-hite haporsayaan.

GALATIA 3:28

Anggo taringot tuson, nada adong be dibaen mardia imbar halak Jahudi sanga angka halak Junani, hatoban dohot na mardeka, halaklahi dohot dadaboru. Gabe sada do hamu sudena hara ni Kristus Jesus.

GALATIA 6:12

Halak na giot patujolohon dirina di angka pangalaho na tarida, halahi do na mamaksa hamu mangihutkon paraturan ni sunat. Tapi dibaen halahi pe songon i, hum anso ulang dimusui halak Jahudi do halahi hara ni silang ni Kristus i.

EPESUS 2:11

Ingot hamu ma sanga na bia hamu najolo: “Angka na so marsunat” do hamu didok halak Jahudi na mandok dirina angka na marsunat (na nidokna, i ma na dung maruli tanda na nibaen ni jolma di pamatang ni halahi).

PANGARATAION 10:16

Jadi mamungka sian saonnari, sai marpangoloion ma hamu tu Tuhan jana ulang be marjogal ni roha hamu.

PANGARATAION 30:6

LehenonNa ma di hamu roha na burju mangoloi, jadi gabe holong ma rohamunu di Tuhan Debatamunu sian sandok rohamunu, jana bolas ma hamu torus maringanan di tano i.

PILIPPI 3:3

Hape hita do angka na dung manjagit sunat na tutu, nada halahi. Hombar tu panogu-noguon ni Tondi Ni Debata sandiri do tasomba Debata, jana mandok tarimakasi do hita hara ni na dung mardomu i hita dohot Jesus Kristus. Nada marguru tu angka upacara na tarida hita.

JOSUA 5:2

Dung i didok Tuhan ma tu si Josua, “Baen ma piso sian batu, lalu sunati ma halak Israel.”

JOSUA 5:4

Harana dikarejohon pe i, baen na dung sude do halaklahi na dung bisa marporang na haruar sian tano Mesir, madung mate salolot di pardalanan di parhorsihan i.