PAMUNGKAAN 16:5 - BIBEL JAMITA NA DENGGAN

⁵ Jadi didok si Sarai ma tu si Abram, “Madung hulehen si Hagar pakeonmu, jana mamungka diboto ia na dung denggan pamatangnia layas ma rohania mida au. Ho do na sala disi. Sai Tuhan ma na paujungkon parkaro on antara ho dohot au.”

PAMUNGKAAN 16:5 ပူးပေါင်းရင်းမြစ်များ

PAMUNGKAAN 16:4

Jadi campur ma si Abram dohot si Hagar, gabe denggan ma pamatang ni anakboru i. Di na tarboto di si Hagar na denggan pamatangnia, gabe manyombong ma ia jana layas rohania mida si Sarai.

PAMUNGKAAN 31:53

Debata na nisomba ni si Abraham jana na nisomba ni damang si Nahor ma na gabe panguhum di hita.” Dung i marjanji muse ma si Jakob mangasahon goar ni Debata na nisomba ni si Ishak amangnia i jana marsumpa ma ia paboa na marsitutu do ia maniop janji i.

MASMUR 35:23

Jongjong ma Ho mangampini parkarongku, o ale Debatangku jana Tuhanku, urupi ma au!

MASMUR 43:1

Ale Debata, ondihon ma au di parkarongku maradopkon angka halak na durako. Patorang ma na so marsala au, palua ma au sian parjahat dohot pangicu.

MASMUR 7:8

Ho do, Tuhan na manguhumi angka bangso, uhumi ma au mangihutkon hatigoran jana tulus ni rohangku.

HARURUAR 5:21

Ninna angka mandur i ma, “Madung diida Debata pambaenanmunu jana uhumonNia ma hamu, angke hara ni hamu do bonsirna gabe magigi raja i dohot angka parpangkat mida hami. Madung dilehen hamu alasan tu halahi, dalan laho mamunu hami.”

JEREMIA 51:35

Dokkon ma, ale halak na maringanan di Sion, “Sai dituntut Tuhan ma nian Babel hara ni hakejamonnia maradopkon hita!” Dokkon ma ale Jerusalem, “Sai dituntut Tuhan ma nian Babel hara ni parkancitan na hita taon!”

HAKIM-HAKIM 11:27

Nada, nada marsala au tu ho. Ho do na marsala hara ni na pajolohon mamorangi au. Tuhan ma Hakimna na mamutuskon parkaro on sadari on antara ni bangso Israel dohot bangso Amon.”

1 SAMUEL 24:16

Tuhan ma na gabe hakim antara ni raja i dohot au. Sai dipareso Ia ma parkaro on, jana Ia ma mangondihon dohot na paluahon au sian tangan ni raja i.”