PAMUNGKAAN 16:2 - BIBEL JAMITA NA DENGGAN

² Jadi didok si Sarai ma tu si Abram, “Lakna na so tumbuk do roha ni Tuhan manubuhon dakdanak au. Hara ni i dumenggan ma da rap modom ho dohot hatobanki. Betak na tartubuhon ia do anak di au.” Satuju do si Abram di usul ni si Sarai i.

PAMUNGKAAN 16:2 ပူးပေါင်းရင်းမြစ်များ

PAMUNGKAAN 11:30

Tapi nada maruntungan si Sarai.

PAMUNGKAAN 17:16

PasupasuonKu ma ia jana tubuhononnia ma sada anak halaklahi na giot lehenonKu di ho. Ligi da, pasupasuonKu ma si Sara, jana gabe ina ni angka bangso ma ia. Sian angka pomparannia, adong ma na gabe angka raja.”

PAMUNGKAAN 18:10

Didok sada halak ma sian halahi, “Di hatiha songon on ma giot mulak ro au mandapotkon ho. Jana disi ma adong anak halaklahi di si Sara ripemi.” Topet do di hatiha i si Sara manangihon di pintu ni bandar i, di pudinia.

PAMUNGKAAN 19:31

Didok borunia siangkaan i ma tu anggina, “Madung mur matobang amanta, jadi di luat on sudena nanggo adong halaklahi na gabe parbagasanta anso adong anakta.

PAMUNGKAAN 25:21

Dibaen nada maruntungan si Ribka, martangiang ma si Ishak tu Tuhan salaho tu dongan saripenia i. Jana dipatalus Tuhan do tangiang ni si Ishak i, jana denggan ma pamatang ni si Ribka.

PAMUNGKAAN 3:12

Dialusi halaklahi i ma, “Dadaboru na nibaenMi gabe donganku, ia do mangalehen di au, gabe hupangan.”

PAMUNGKAAN 3:17

Dung i didok Ia ma tu halaklahi i, “Dibaen madung dipatangi-tangi ho hata ni dadaborumu gabe dipangan ho batu ni hayu na Hudok na so tola panganonmu. Jadi hara ni pangalahomi, gabe hona bura ma tano. Angkon marsitutu noma ho karejo salolot di ngolumu, anso tuk panganonmu sian suha ni tano i.

PAMUNGKAAN 30:22

Jadi diingot Debata ma si Rahel; ditangihon Debata ma pangidoannia jana dipatola Debata ma ia mardakdanak.

PAMUNGKAAN 30:6

Didok si Rahel ma, “Pihak tu au do hape Debata. Ditangihon Ia do pangidoanku jana dilehen Ia do di au sada anak halaklahi.” Jana dibaen ia ma goar ni dakdanak i, si Dan.

MASMUR 127:3

Anggo satutuna, arta pusako ni Tuhan do dakdanak halaklahi, silehen-lehen ni Debata do halahi.

HARURUAR 21:4

Muda dipabagas tuanna i do ia jana adong dakdanaknia, anggo dadaborunia dohot dakdanaknia i, nampuna ni tuanna i do i, jana sasada ia do kehe muda dung dapot hatihana malua ia.

RUT 4:11

Didok angka hatobangon dohot halak na deba nari i ma, “Olo, hami ma saksina. Sai dibaen Tuhan ma dadaborumi songon si Rahel dohot si Lea na manubuhon bahat anak di si Jakob. Sai gabe mamora ho nian di tonga-tonga ni angka halak na sian horong ni Marga Efrata jana gabe tarbonggal ho di Betlehem on.