PAMUNGKAAN 16:10 - BIBEL JAMITA NA DENGGAN

¹⁰ Didok surusuruan i muse dope, “Lehenonku ma di ho anak ro di pahompumu na songon i bahat, jabat umpe sahalak tarbaen mangetongsa.

PAMUNGKAAN 16:10 ပူးပေါင်းရင်းမြစ်များ

PAMUNGKAAN 13:16

LehenonKu ma di ho bahat pomparanmu, jabat nada adong sahalak pe na tarbaen mangetongsa. Songon abu na di tano i, na so adong halak na sanggup mangetongsa, laing songon i ma pomparanmu nada taretong sanga ise.

PAMUNGKAAN 16:9

Didok surusuruan i ma, “Mulak ma ho tusia, jana paunduk ma rohamu mangoloi ia.”

PAMUNGKAAN 17:20

Madung Hubege pangidoanmi taringot tu si Ismael, jadi hara ni i pasupasuonKu do ia jana lehenonKu pomparan na bahat tusia. Gabe ompu ni dua bolas raja ma ia, jana baenonKu ma pomparannia gabe sada bangso na godang.

PAMUNGKAAN 21:13

Laing lehenonKu do hagabean tu anak ni si Hagar i, anso gabe sada bangso halahi. Harana ia pe laing anakmu do.”

PAMUNGKAAN 21:16

juguk muse ma ia hira-hira saratus meter sian inganan i. Didok ia ma di bagasan rohania, “Nada tarpaligi-ligi au anakki mate.” Tangis muse ma ia disi.

PAMUNGKAAN 21:18

Dapotkon ma anakmi, abing jana apoi. Baenonku ma pomparannia gabe sada bangso na godang.”

JESAYA 63:9

sian sude hasusaan ni halahi. Nada tongoson ni Tuhan suruan sanga duta, Ia sandiri do paluahon halahi. Sian narobi do dipature-ture Ia halahi hara ni holong dohot ibo ni rohaNia.

MALEAKI 3:1

Dialusi Tuhan Na Markuaso i ma, “SuruonKu ma utusanKu laho paradehon dalan di Au. Jadi ompot ma ro Au, Tuhan na nijalahanmunu ro tu bagasan BagasKi. Ro ma i utusanKu na nihalungunkonmunu i jana pabotohononna ma parjanjianKi.”

JOHANNES 1:18

Nada adong halak na unjung marnida Debata, asing sian Anak Sasada ni AmaNa, na diampuan ni Ama i, jana Ia do na papatarkonsa tu hita.

1 TIMOTEUS 6:16

Hum Ia sajo do na so tarkuasoi hamatean; di bagasan sinondang na so hadonohan sanga ise pe. Nada adong sahalak jolma pe na jungada marnida Ia, sanga na tarbaen marnida Ia. Angkon lehenon ma nian tuSia sangap dohot kuaso salolot-lolotna! Amen.

HAKIM-HAKIM 6:11

Sanoli ro do Surusuruan Ni Tuhan di desa Ofra, lalu juguk di toru ni hayu ara nampuna ni si Joas, sada halak na sian golongan ni Marga Abieser. Na topet manggiling gandum di panggilingan anggur do anak ni si Joas on, na margoar si Gideon. Anso ulang diida halak Midian do umbaen na martabuni-tabuni dibaen ia songon i.

HAKIM-HAKIM 6:16

“Pasti bisa do ho!” ninna Tuhan, “angke Au do na giot mangurupi ho. Mura do ropukkononmu angka halak Midian i tarsongon na mangadopi sada halak sajo baenonmu.”