PAMUNGKAAN 15:7 - BIBEL JAMITA NA DENGGAN

⁷ Dung i didok Tuhan ma tusia, “Au ma da Tuhan na mangiring-iring ho ruar sian tano Ur na di Babilonia, anso Hulehen luat on gabe tanomu.”

PAMUNGKAAN 15:7 ပူးပေါင်းရင်းမြစ်များ

PAMUNGKAAN 12:1

Didok Tuhan ma tu si Abram, “Tadingkon ma tano hagodanganmu, angka sisolkotmu dohot bagas ni amangmu, jana kehe ma ho mandapotkon luat na giot patuduhononKu tu ho.

PAMUNGKAAN 12:7

Dipatidahon Tuhan ma diriNa tu si Abram jana didok ma, “Luat on ma da na giot lehenonKu di pomparanmu.” Jadi dipajongjong ia ma sada langgatan di inganan i di Tuhan na patidahon diriNa tusia.

PAMUNGKAAN 28:4

Sai dipasupasu Tuhan ma ho dohot pomparanmu songon pamasumasu ni Tuhan di si Abraham jana sai ho ma nampuna tano na niingananmon, tano na dung dipahot ni Debata tu si Abraham!”

PAMUNGKAAN 50:24

Didok ia ma tu kahangginia i, “Donok noma ajalku, tapi pasti Debata do manyarihon dohot mamimpin hamu ruar sian luat on, tu luat na nijanjihonNia mardongan sumpa tu si Abraham, si Ishak dohot si Jakob.”

MASMUR 105:11

Ning Ia do, “LehenonKu ma di ho tano Kanaan baen tean-teanan.”

MASMUR 105:42

Dibaen ingot do Tuhan di janjiNia na nibaenNa dohot si Abraham, naposoNia.

MASMUR 105:44

Dilehen Ia di halahi tano ni angka bangso, suha ni haloloja ni halak gabe bangsoNia do nampunasa,

HARURUAR 32:13

Ingot ma si Abraham, si Ishak dohot si Israel naposoMi, angke madung marsumpa hian do Ho tu halahi mangasahon diriMu sandiri di na nidokMu tu halahi: BaenonKu ma pomparanMu sabahat ni bintang na di langit, jana sude tano na dung Hujanjihon on lehenonKu ma i tu pomparanmu, anso gabe halahi nampunasa salolot-lolotna.”

BILANGAN 33:53

Angkon rampason jana ingananmunu do tano i, angke madung Hulehen i di hamu.

SURAT NI SI PAULUS TU PARLAGUTAN ROM 4:13

Dijanjihon Debata do tu si Abraham dohot tu pomparannia, gabe nampuna ni si Abraham ma tano on. Marjanji pe Debata songon i, nada hara ni si Abraham na mangoloi Tona i, tapi hara ni na porsaya do ia gabe dijagit ma ia songon halak na tigor.

PANGARATAION 3:18

Laing huparentahon do di hatiha i tu halahi: ‘Madung dipasahat Tuhan Debatanta i tu hamu tano na di Habincaran ni Batang aek Jordan baen siinganan. Saonnari, pasingkop hamu ma sinjata ni angka tentaramunu jana suru hamu ma halahi manaripari Batang aek Jordan manjoloi angka marga ni Israel na asing i, laho mangurupi halahi mambuat tano i.

PANGARATAION 9:5

Dipadiar Tuhan hamu mambuat tano ni halahi i, dibaen por ni rohaNia do patulus janjiNia dohot ompumunu si Abraham, si Ishak dohot si Jakob.