PAMUNGKAAN 15:5 - BIBEL JAMITA NA DENGGAN

⁵ Dioban Ia ma si Abram tu ruar jana didok Ia ma tusia, “Tatap ma tu langit, jana etongi ma jolo angka bintang i: Songon i ma bahat ni pomparanmu sogot.”

PAMUNGKAAN 15:5 ပူးပေါင်းရင်းမြစ်များ

PAMUNGKAAN 12:2

Hulehen pe bahat di ho pomparanmu jana gabe bangso na godang ma halahi. Hupasupasu pe ho jana tarbonggal pe goarmu Hubaen, lopus gabe pasupasu ho di halak na bahat.

PAMUNGKAAN 13:16

LehenonKu ma di ho bahat pomparanmu, jabat nada adong sahalak pe na tarbaen mangetongsa. Songon abu na di tano i, na so adong halak na sanggup mangetongsa, laing songon i ma pomparanmu nada taretong sanga ise.

PAMUNGKAAN 16:10

Didok surusuruan i muse dope, “Lehenonku ma di ho anak ro di pahompumu na songon i bahat, jabat umpe sahalak tarbaen mangetongsa.

PAMUNGKAAN 17:2

PahotonKu ma parjanjian dohot ho, jana lehenonKu ma bahat pomparanmu.”

PAMUNGKAAN 22:17

Marjanji ma Au, paboa baenonKu ma pomparanmu sabahat ni bintang na di langit sanga sabahat ni horsik na di topi ni laut. Taluhonon ni angka pomparannia ma angka musu ni halahi.

PAMUNGKAAN 26:4

LehenonKu do hagabean anso maranak marpahompu ho sabahat ni bintang na di langit jana lehenonKu do sude luat on tu halahi. Pangidohonon ni bangso na satano on ma sudena tu Au anso Hupasupasu halahi songon pamasumasungKu di pomparanmu.

PAMUNGKAAN 28:14

Songon bahat ni abuan na di tano on ma bahat ni pomparanmu. Pabidangonmu ma tano ni halahi tu ganup humaliang, jana markite-hite ho dohot pomparanmu, pasupasuonKu ma sude bangso na di tano on.

PAMUNGKAAN 32:13

Dung marborngin disi, dibuat si Jakob ma deba sian angka pahan-pahanannia i silehenonnia silua tu si Esau angkangnia i. Angka on ma siluania i: Dua ratus hambeng boru-boru, dua pulu hambeng jantan, dua ratus biri-biri boru-boru, dua pulu biri-biri jantan, tolu pulu unto panusuan dohot angka anakna, opat pulu lombu boru-boru sampulu lombu jantan, dohot dua pulu halode boru-boru dohot sampulu halode jantan.

1 RAJA-RAJA 3:8

Maringanan di tonga-tonga ni bangso na dung dipili Ho gabe bangsoMu do au. Sada bangso na godang situtu na so taretong bahatna.

1 JUJUR TAON 27:23

Nada dipadalan Raja Daud sensus anggo tu halak na marumur di toru ni dua pulu taon, harana madung dijanjihon Tuhan na giot baenonNia halak Israel sabahat ni bintang na di langit i.

NEHEMIA 9:23

Dijadihon Ho do pomparan ni halahi, sabahat ni angka bintang na di langit i. Dilehen Ho do tano di halahi baen siingananna, tano na nijanjihonMu tu angka ompuna.

JOB 35:5

Tatap ma jolo tu langit jana parrohahon sanga songon dia timbo ni angka ombun.

MASMUR 147:4

Ditontuhon Ia bahat ni bintang di hajang-kajang, jana ganop be dilehen Ia goarna.

HARURUAR 32:13

Ingot ma si Abraham, si Ishak dohot si Israel naposoMi, angke madung marsumpa hian do Ho tu halahi mangasahon diriMu sandiri di na nidokMu tu halahi: BaenonKu ma pomparanMu sabahat ni bintang na di langit, jana sude tano na dung Hujanjihon on lehenonKu ma i tu pomparanmu, anso gabe halahi nampunasa salolot-lolotna.”

JESAYA 51:2

Ingot ma ompumu si Abraham dohot si Sara; nada mardakdanak dope si Abraham di na Hupio ia. Jadi Hupasupasu ia jana Hubasa-basahon anak, Hulehen disia pomparan na bahat.

JEREMIA 33:22

PabahatonKu ma pomparan ni naposongKu si Daud dohot angka malim sian Marga Levi lopus gabe sabahat ni horsik na di topi ni laut dohot sabahat ni bintang na di langit na so taretong bilanganna bahat ni halahi.”

SURAT NI SI PAULUS TU PARLAGUTAN ROM 4:18

Porsaya do si Abraham jana mararop ni roha, haru pe so adong ojahan laho mararop ni roha, anso gabe “Ompu ni bahat bangso” ia, songon na nidok, “Songon i ma bahat ni pomparanmu sogot.”

PANGARATAION 1:10

madung martamba bahatmunu dibaen Tuhan Debatamunu sabahat ni bintang na di langit.

PANGARATAION 10:22

Di na kehe ompumunu tu Mesir, hum pitu pulu halak do bahat ni halahi. Hape dibaen Tuhan Debatamunu do bahat ni bilangan ni halahi sabahat ni angka bintang na di langit i.”

IBRANI 11:12

Haru pe di hatiha i songon na so adong be idaon same na mangolu sian si Abraham, hape hum sian ia sandiri sajo do martubuan bahat pomparannia, na so taretong bahatna – songon bahat ni bintang na di langit dohot horsik na di topi ni laut.

JOSUA 24:3

Dung i Hubuat ma si Abraham, ompumunu i sian luat na di ipar ni Batang aek Efrat i, lalu Huoban mangaliati sude tano Kanaan. Jana Hulehen disia pomparan na bahat. Mula-mulana Hulehen si Ishak disia,