PAMUNGKAAN 15:18 - BIBEL JAMITA NA DENGGAN

¹⁸ Laing di hatiha i ma dibaen Tuhan parjanjian dohot si Abram. Ninna Tuhan ma, “Marjanji ma Au laho mangalehen tano on sudena di pomparanmu, mamungka sian batas ni Luat Mesir lopus tu Batang aek Efrat,

PAMUNGKAAN 15:18 ပူးပေါင်းရင်းမြစ်များ

PAMUNGKAAN 12:7

Dipatidahon Tuhan ma diriNa tu si Abram jana didok ma, “Luat on ma da na giot lehenonKu di pomparanmu.” Jadi dipajongjong ia ma sada langgatan di inganan i di Tuhan na patidahon diriNa tusia.

PAMUNGKAAN 13:15

lehenonKu ma tu ho dohot tu pomparanmu sude tano na niidami anso gabe ho nampunasa salolot-lolotna.

PAMUNGKAAN 2:14

Batang aek na patoluhon margoar Tigris, i ma na mamolus di Habincaran ni Asur, jana batang aek na paopatkon margoar Efrat.

PAMUNGKAAN 24:7

Na dung disumpahon Tuhan do tu au, i ma Debata na mangarajai langit, na maroban au sian bagas ni damang dohot sian luat ni koum sisolkotku na giot lehenonNia do luat on tu pomparanku. Laing suruonNia muse ma surusuruanNia mardalan di jolomu anso laing dapot ho boru sian adu di anakki.

PAMUNGKAAN 26:4

LehenonKu do hagabean anso maranak marpahompu ho sabahat ni bintang na di langit jana lehenonKu do sude luat on tu halahi. Pangidohonon ni bangso na satano on ma sudena tu Au anso Hupasupasu halahi songon pamasumasungKu di pomparanmu.

PAMUNGKAAN 28:4

Sai dipasupasu Tuhan ma ho dohot pomparanmu songon pamasumasu ni Tuhan di si Abraham jana sai ho ma nampuna tano na niingananmon, tano na dung dipahot ni Debata tu si Abraham!”

PAMUNGKAAN 35:12

Luat na dung hulehen tu si Abraham, tu si Ishak, hulehen ma i di ho dohot di pomparanmu.”

PAMUNGKAAN 50:24

Didok ia ma tu kahangginia i, “Donok noma ajalku, tapi pasti Debata do manyarihon dohot mamimpin hamu ruar sian luat on, tu luat na nijanjihonNia mardongan sumpa tu si Abraham, si Ishak dohot si Jakob.”

2 SAMUEL 23:5

Laing songon i ma pomparanku pasupasuon ni Debata, janjiNia tu au nada muba, hot tongtong jana sanggam janjiNia taratur do i di sasudena. Debata do na mangalehen au monang jana na mambaen dijagit sude pangidoan.

2 SAMUEL 8:3

Dung i muse ditaluhon si Daud ma si Hadadeser anak ni si Rehob na mamarenta di Zoba, i ma sada harajaan di lambung ni Damaskus. Na topet do di ari i di pardalanan si Hadadeser laho pasuangkon kuasonia di luat na di soksok ni Batang aek Efrat.

1 RAJA-RAJA 4:21

Sude bangso mamungka sian Batang aek Efrat lalu tu Pilistin dohot parbatasan ni Mesir, masuk ma i tu harajaan ni si Salomo. Tunduk do angka bangso i jana manggarar pajak tusia salolot mangolu ia.

1 RAJA-RAJA 5:1

Torus do Raja Hiram sian Tirus, marale-ale dohot Raja Daud. Jadi dung tarbege tu Raja Hiram, hape si Salomo do gabe raja manggonti si Daud amangna i, disuru ia ma suruannia manopot si Salomo.

1 JUJUR TAON 16:16

Dohot si Abraham do dibaen Ia janji i, tapi dohot do tu si Ishak,

1 JUJUR TAON 5:9

Bahat sajo do pahan-pahanan ni halahi di Luat Gilead. Jadi hara ni i ma umbaen na niinganan ni halahi luat sabola Habincaran lopus tu parhorsihan na manggistang lopus tu Batang aek Efrat.

2 JUJUR TAON 7:8

Dipatupa si Salomo dohot sude rayat i ma di Bagas Ni Debata i Pesta Undung-undung Bulung Rata pitu ari lolotna. Bahat sajo do halak na marlagut disi mamungka sian Dalan Hamat di Utara lalu tu batas ni Mesir di Selatan.

2 JUJUR TAON 8:7

Sude pomparan ni halak Kanaan na so dibunu ni halak Israel di hatiha na mangarampas luat i halahi, diarahon si Salomo ma i markarejo paksa. I ma angka halak Het, Amori, Peris, Hewi dohot Jebus. Lopus saonnari laing hatoban do pomparan ni halahi.

2 JUJUR TAON 9:26

Markuaso do ia di sude raja na di luat na sian Batang aek Efrat lopus tu tano ni halak Pilistin dohot parbatasan ni Mesir.

ESRA 4:20

Jungada do adong angka raja-raja na barani mamarenta disi jana mangarajai sude propinsi Efrat Hasundutan jana padalan pajak dohot bolaan.

NEHEMIA 9:8

Didapot Ho ia setia jana patu. Lalu dibaen Ho parjanjian dohot ia na togu. Tano Kanaan, Het dohot Amori. Tano Peris, Jebus dohot Girgasi. Sudena i giot lehenonmu ma disia: Na gabe inganan di sude pinomparnia. Madung digohi Ho antong janjiMu. Dibaen tigor do Ho jana na burju.

MASMUR 105:11

Ning Ia do, “LehenonKu ma di ho tano Kanaan baen tean-teanan.”

HARURUAR 13:11

Didok si Musa ma tu bangso Israel, “Obanon ni Tuhan ma hamu tu tano Kanaan na dung dijanjihonNa i mardongan sumpa tu hamu dohot tu ompumunu. Dung dipasahat tano i tu hamu,

HARURUAR 2:24

Dibege Debata do angguk-angguk ni halahi, jana diingot Ia do janjiNa tu si Abraham, si Ishak dohot si Jakob.

HARURUAR 23:23

Joloanan ni surusuruanKi ma hamu jana obanonnia hamu tu luat ni halak Amori, halak Het, halak Peris, halak Kanaan, halak Hewi dohot halak Jebus, jana haromkononKu ma halahi sude.

HARURUAR 3:8

Jadi hara ni i, madung mijur Au laho palua halahi sian tangan ni halak Mesir, bope maroban halahi haruar sian luat i, tu sada luat na bidang jana na napu, tano inganan ni susu dohot aer ni loba, jana saonnari diingani halak Het, Amori, Peris, Hewi dohot Jebus.

HARURUAR 32:13

Ingot ma si Abraham, si Ishak dohot si Israel naposoMi, angke madung marsumpa hian do Ho tu halahi mangasahon diriMu sandiri di na nidokMu tu halahi: BaenonKu ma pomparanMu sabahat ni bintang na di langit, jana sude tano na dung Hujanjihon on lehenonKu ma i tu pomparanmu, anso gabe halahi nampunasa salolot-lolotna.”

HARURUAR 34:11

Tapi anggo ho angkon marsitiopan tu na Huparentahon tu ho sadari on. Ligi ma angkon Huayak halak Amori sian jolomu, songon i halak Kanaan, halak Het, halak Peris, halak Hewi dohot halak Jebus.

HARURUAR 34:24

Dung Hupaorot, angke paorotonKu ma angka bangso sian jolomu jana pabidangonKu ma luat ingananmu; jana nada adong umpe sahalak na puluk mambuat luat ingananmu, muda kehe hamu mamestahon Pesta Roti Na So Marragi, Pesta Gotilon dohot Ari Pesta Undung-undung Bulung.

HARURUAR 6:4

Hubaen muse do parjanjian dohot halahi. Madung Hujanjihon na giot lehenonKu tano Kanaan di halahi, luat inganan ni halahi najolo songon halak sileban.

HARURUAR 6:8

ObanonKu ma hamu tu luat na dung Hujanjihon hian di bagasan sumpa tu si Abraham, si Ishak dohot si Jakob; lehenonKu ma tano i gabe nampunamunu sandiri, Au do Tuhan.’ ”

JESAYA 27:12

Di hatiha i, palaguton ni Tuhan ma bangsoNia i pasada-sada sian Batang aek Efrat lopus tu batas ni Mesir. SirangonNia ma halahi songon pamiari ni halak di eme sian lapungna.

JESAYA 55:3

Tangihon ma ale bangsongKu, ro ma hamu tu Au, tangihon ma, anso mangolu hamu. Hara ni holong ni rohangKu na togu tu si Daud, naposongKi, Hupudun janji na hot dohot hamu.

JEREMIA 32:22

Dilehen Ho tano na denggan jana na napu on tu halahi songon na nijanjihonMu tu ompu ni halahi.

JEREMIA 32:40

BaenonKu ma parjanjian na hot dohot halahi. Nada mantak Au mambaen na denggan tu halahi. BaenonKu ma halahi mabiar jana mamparsangapi Au sian sandok rohana anso ulang mandao halahi sian Au.

HAMALIMON 26:42

ingotonKu ma parjanjian dohot si Jakob, si Ishak dohot si Abraham. PaimbaruonKu ma janjingKu laho mangalehen tano tu bangsongKu.

HAMALIMON 26:45

PaimbaruonKu ma janji na Hubaen dohot ompu ni halahi hatiha Hupatidahon kuasongKu tu angka bangso jana Huoban bangsongKu ruar sian Mesir, anso Au Tuhan gabe Debata ni halahi.”

BILANGAN 34:5

Mangeldok ma parbalohan i disi tu rura parbalohan dohot Mesir, marujung di Laut Tonga.

BAENON NI ANGKA RASUL 7:5

Anggo di hatiha i, hum saotik pe nada adong dope luat on na nilehen ni Debata di si Abraham gabe nampunania; santompap pe nada adong dilehen disia. Tapi marjanji do Debata paboa na angkon lehenonNia do i tu si Abraham gabe nampunania dohot pomparannia. Nada adong dope dakdanak ni si Abraham hatiha i.

PANGARATAION 11:24

Sude tano na nidege ni patmunu i gabe hamu nampunasa. Manggistang ma tanomunu sian parhorsihan na di Selatan lopus tu Pardolohan Libanon di Utara, dohot sian Batang aek Efrat di Habincaran lopus tu Laut Tonga di Hasundutan.

PANGARATAION 12:20

Muda dipabidang Tuhan Debatamunu parbalohan ni tanomunu i songon na nijanjihonNa i, tola ma hamu mangan juhut, sanga andigan giotmunu.

PANGARATAION 19:8

Muda dipabidang Tuhan Debatamu luatmunu i songon na dung dijanjihonNia i tu ompumunu, jana dung dilehen tu hamu sude luat i,

PANGARATAION 34:4

Dung i didok Tuhan ma tu si Musa, “On ma da tano na Hujanjihon i tu si Abraham, si Ishak dohot si Jakob sipasahaton tu pomparan ni halahi. Hupatidahon do i tu ho Musa, tapi nada Hupatola ho kehe tusi.”

PANGARATAION 7:1

“Giot obanon ni Tuhan Debatamu ma ho tu tano siingananmu jana paorotonNia ma bahat bangso sian i. Di jolo ni matamu ayahonNia ma pitu bangso na gumodang jana na gumogo sian ho: Halak Het, Girgasi, Amori, Kanaan, Peris, Hewi dohot Jebus.

IBRANI 13:20

Madung dipangolu Debata Tuhanta Jesus sian hamatean. Hara ni hamamateNia i, gabe Parmahan Bolon ma Ia saonnari di hita na gabe songon biri-biriNia. Laing songon jaminan muse do hamamateNia i taringot tu janji na so ra muba na sian Debata.

JOSUA 13:3

dohot sude Luat Awi sabola Selatan. (Luat na mamungka sian Batang aek Sihor di parbatasan ni Mesir lopus tu parbatasan ni Ekron na di Utara – tano ni halak Kanaan do sudena taretong; jana raja-raja ni Pilistin maringanan di Gasa, Asdod, Askelon, Gat dohot Ekron.)

JOSUA 15:4

Sian i torus muse ma garis ni batas i tu Asmon, lalu manyoksok anak ni batang aek di parbatasan ni Mesir, dung i marujung ma di Laut Tonga. Songon i ma garis batas i sabola Selatan, luat ni Juda.

HALUMBAAN 9:14

Mangkuling ma sora i tu surusuruan paonomkon na maniop sarune i, “Palua ma surusuruan na opat i na hona tambat di Batang aek Efrat i!”