PAMUNGKAAN 15:13 - BIBEL JAMITA NA DENGGAN

¹³ Didok Tuhan ma tusia, “Gabe paisolat ma pomparanmu di luat na asing; gabe hatoban ma halahi disi jana taonon ni halahi ma na hancit opat ratus taon honokna.

PAMUNGKAAN 15:13 ပူးပေါင်းရင်းမြစ်များ

PAMUNGKAAN 15:16

Dung opat sundut pe anso mulak mangulahi pomparanmu tuson, angke nada paorotonKu dope halak Amori painte so santak jahat ni halahi anso tumbuk uhumon.”

PAMUNGKAAN 17:8

LehenonKu ma di ho dohot di pomparanmu, i ma tano na niingananmon saonnari songon paisolat. Sude tano Kanaan gabe pomparanmu ma nampuna i ro di salolot-lolotna jana Au ma gabe Debata ni halahi.”

PAMUNGKAAN 47:4

Na giot maringanan di luat on do hami umbaen na ro hami, dibaen santakna haleon na masa di Kanaan, jabat nada adong be ruput panganon ni angka pahan-pahanannami i. Paloas ma hami da rajanami maringanan di Gosen.”

MASMUR 105:42

Dibaen ingot do Tuhan di janjiNia na nibaenNa dohot si Abraham, naposoNia.

HARURUAR 1:11

Dung i diangkat halak Mesir i ma angka mandur ni parkarejo tu halak Israel laho mamparkanciti halahi. Angka halak Israel disuru karejo paksa, pauli angka kota inganan ni parbalanjoan di raja i, i ma kota Pitom dohot kota Ramses.

HARURUAR 1:13

Gabe mur jahat ma halak Mesir i mamparkanciti halak Israel,

HARURUAR 1:14

mambaen ngolu ni halahi markancit. Saotik pe nada adong ibo ni roha di halahi, dipaksa do halahi markarejo di angka proyek pambangunan dohot di ladang-ladang.

HARURUAR 2:24

Dibege Debata do angguk-angguk ni halahi, jana diingot Ia do janjiNa tu si Abraham, si Ishak dohot si Jakob.

HARURUAR 22:21

Ulang niparkancitan sanga nisosak halak na asing; ingot hamu ma, hamu pe halak na asing do najolo di Mesir.

HARURUAR 23:9

Ulang hapit hamu halak na asing; angke diboto hamu do sanga songon dia partinaonan ni halak na asing, harana hamu pe halak na asing do najolo di Mesir.”

HARURUAR 3:10

Saonnari Husuru ho anso kehe mangadop tu raja ni Mesir, anso bolas ho manguluhon bangsongKi haruar sian luat i.”

HARURUAR 3:17

Madung Huputuskon di rohangKu laho maroban halahi ruar sian Mesir, inganan ni halahi diparkanciti, jana taruhononKu ma halahi tu luat na mora bope na napu – luat ni halak Kanaan, Het, Amori, Peris, Hewi dohot Jebus.

HARURUAR 3:8

Jadi hara ni i, madung mijur Au laho palua halahi sian tangan ni halak Mesir, bope maroban halahi haruar sian luat i, tu sada luat na bidang jana na napu, tano inganan ni susu dohot aer ni loba, jana saonnari diingani halak Het, Amori, Peris, Hewi dohot Jebus.

HAMALIMON 19:34

Baen ma tu halahi songon na nibaenmu tu bangsomu sandiri jana haholongi halahi songon pangkaholongimu di dirimu sandiri. Ingot, hamu pe jungada do gabe halak na leban di Mesir. Au do Tuhan Debatamu.

BILANGAN 20:15

Na kehe do ompunami tu tano Mesir jana maringanan disi martaon-taon honokna. Nada denggan pambaenan ni halak Mesir i tu ompunami dohot tu hami pe,

BAENON NI ANGKA RASUL 7:17

Dung marayak dapot ma hatihana patuluson ni Debata janjiNia i tu si Abraham, madung mur martamba bahat bangsonta i di Mesir.

GALATIA 3:17

Na hudok disi on do: Madung jolo dibaen jana disahkon parjanjian ni Debata. Anggo Tona i na ro dung opat ratus tolu pulu taon, nada tarbaen i be manyundati sanga aha na dung sah hian dibaen, anso gabe sundat janji ni Debata i.

PANGARATAION 10:19

Jadi hamu pe patut do patuduhononmunu holong ni roha tu angka halak na asing i, angke hamu pe najolo halak na asing do di Mesir.

PANGARATAION 5:15

Ingot ma, na diparhatoban do ho di Mesir jana Au do Tuhan Debatamu na dung paluahon ho mardongan hagogoon na godang. Hara ni i ma umbaen na Huparentahon tu ho laho manghagodangkon Ari Sabat i.