PAMUNGKAAN 15:12 - BIBEL JAMITA NA DENGGAN

¹² Di na mamungka lusut mataniari, tarpodom ma si Abram sinok. Dung i gabe digohi biar ma pangkilalaan ni si Abram.

PAMUNGKAAN 15:12 ပူးပေါင်းရင်းမြစ်များ

PAMUNGKAAN 15:11

Dung i marsonggopan ma angka unggas sipangan bangke di juhut ni angka binatang i, tapi diusir si Abram do.

PAMUNGKAAN 2:21

Jadi dibaen Tuhan Debata ma jolma i tarpodom sinok sajo, jana di na modom jolma i, diendat Tuhan Debata ma sada rusuk sian pamatang ni jolma i, ditutupi Ia mangulahi dohot sibukna i.

PAMUNGKAAN 28:11

Di na sundut mataniari, lalu ma ia tu sada inganan, disi ma ia marborngin. Dipapodom ia ma disi, marbantalkon sada batu.

JOB 33:15

Dompak modom pe halak manyinok di borngin na golap bulita di bagasan nipi bope parnidaan, mandok hata do Debata.

BAENON NI ANGKA RASUL 20:9

Juguk-juguk ma sahalak doli-doli di jandela i, si Eutikus goarna. Hara ni na so marnamantak si Paulus na mangkobari i lopus songon na dokdok ma mata ni bayo i mondohondok, lopus tarpodom ia di jandela i, gabe madabu ma ia tu toru sian tirket patoluhon. Dung diangkat halahi ia, hape ma mate.

1 SAMUEL 26:12

Dung i dibuat si Daud ma tombak dohot gendi i sian lambung ni ulu ni si Saul, lalu kehe halahi. Sahalak pe nada adong na marnida i sanga na mamboto na masa i, sanga pe na tarsunggul, angke diparo Tuhan do tu halahi sude parmodomon na sinok.